٢ بُطْرُس 3:10 - كِتاب العَهد الجَّديد مِن الكِتاب المُقَدَّس

¹⁰ و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.

٢ بُطْرُس 3:10 Iomraidhean Croise

مَتَّى 24:35

السَّما و الأرض بِفوتو، و لَكِن كَلامي ما بِفوت أبَداً.

مَرْقُس 13:31

السَّما و الأرض بِفوتو، و لَكِن كَلامي ما بِفوت.

لُوقَا 12:39

و لَكِن أفهَمو، إذا سيد البيت عِرِف السّاعَه اليَجي فيها الحَرامي، ما كان خَلّى الحَرامي يَسرِق بيتو.

رُومِيَه 8:20

عَشان الخَليقَه كانَت تِحِت سُلطتو، عَشان تَبقى بِدون فايدَه. و دا مُش بِإرادَة الخَليقَه، لَكِن بِسَبَب الله الخَتّاها تِحِت سُلطتو في الرَّجاء.

١ كُورِنْثُوس 1:8

هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

١ كُورِنْثُوس 5:5

إنتو تَسَلِّمو الرّاجِل دا لِلشّيطان لِخَراب الجِّسم، عَشان روحو تَخَلَص في يوم الرَّب يَسُوع.

٢ كُورِنْثُوس 1:14

و إنتو فِهِمتونا كَمان بَعض مِن الفَهم، و فِهِمتو أن نِحنا فَخرَكُم زي ما إنتو فَخرَنا في يوم رَبَّنا يَسُوع.

١ تَسَالُونِيكِي 5:2

عَشانكُم إنتو تَعرِفو بِالتّأكيد إنّو يوم الرَّب بِجي زي الحَرامي بِاللّيل.

١ تَسَالُونِيكِي 5:4

لَكِن إنتو، يا أخوان، ما في الضُّلُمَّه، و اليوم داك ما بِجي عَليكُم زي الحَرامي.

٢ بُطْرُس 3:11

و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟

٢ بُطْرُس 3:12

و إنتو مُنتَظِرين و مِستَعجِلين يوم الله البِجي. عَلَشان اليوم داك بِجيب خَراب السَّماوات بِالنّار، و الحَر الشَّديد بِخرَب النُّجوم.

٢ بُطْرُس 3:7

و لَكِن السَّماوات و الأرض المَوجودَه هَسَّع، بِالكِلمَه ديك زاتا، مَخزونَه لِلنّار. و بِتكون مَحفوظَه لِيوم الحُكم و خَراب النّاس الما بِخافو الله.

يَهُوذَا 1:6

و المَلائكَه الما حِفظو سُلطَتُم لَكِن سابو بيتُم المَخصوص، ديل مَحفوظين بِجَنازِير أبَديَّه لِدينونَة اليوم العَظيم في الضَّلام.

رؤيا 16:15

”شوف! أنا بَجي زي الحَرامي! مُبارَك هو البِحرَس و بِحفَظ هِدومو عَلَشان ما يَمشي عَريان و يَوَرّي عيبو.“

رؤيا 20:11

و بَعدين شُفتَ كُرسي كَبير و أبيَض، و شُفتَ القاعِد فوقو. و السَّما و الأرض هَرَبَت مِن وَشّو، و ما لِقو مَحَل.

رؤيا 21:1

و بَعدين شُفتَ سَما جَديدَه و أرض جَديدَه. عَشان السَّما الأولي و الأرض الأولي فاتو، و ما كان في بَحَر بَعَد دا.

رؤيا 3:3

عَلَشان كِدا، إتزَكَّر كيف إنتَ قِبِلتَ و سِمِعتَ، و أحفَظ و توب. و إذا ما تحرِس، بَجي ليك زي الحَرامي، و إنتَ ما بِتَعرِف ساعَه كَم أنا بَجيك.

رؤيا 6:14

و السَّما فاتَت زي ما يَلِفّو وَرَقا طَويلَه، و كُلّو جَبَل و كُلّو جَزيرَه إتنَقَلو مِن مَحَلّا.