٢ بُطْرُس 2:3 - كِتاب العَهد الجَّديد مِن الكِتاب المُقَدَّس

³ و في طَمَعُم المُعَلِّمين ديل بِياخدو رِبِح مِنَّكُم بِكلماتُم الكاضَبَه. و الحُكم بِتاعُم ما يِتأخَّر، و خَرَابُم ما نايِم.

٢ بُطْرُس 2:3 Iomraidhean Croise

مَتَّى 23:14

حُزن ليكُم، يا مُعَلِّمين القانون و الفَرّيسيّين، المُنافِقين، عَشان إنتو تاكلو بُيوت النِّسوان الرُّجالُم ماتو، و تَصَلّو صَلاه طَويلَه بِالغِش. عَلَشان كِدا، بِتَقبَلو حُكم أكبَر.

لُوقَا 18:8

و أنا بَقول ليكُم: هو بِدّي جِزا لِعُدوانُم بِسُرعَه. و لَكِن لَمّا إبن الإنسان بِجي، هو بِلقى الإيمان عَلى الأرض؟“

لُوقَا 20:20

و كانو بِحرَسو عَليهو، و رَسَّلو ليهو ناس بِسِر، البِوَرّو نُفوسُم زي ناس صادقين، عَشان يَمسِكوهو بِكِلمَه، لِغايَة ما يَسَلِّموهو لِحُكم المُدير و سُلطتو.

لُوقَا 22:47

و وَكِت ما كان يتكَلَّم، جو ناس كُتار. و مَعاهُم راجِل إسمو يَهُوذَا، واحِد مِن الإتناشَر، ماشي قِدّامُم. هو قَرَّب لِيَسُوع عَشان يَسَلِّم عَليهو بِبوسَه.

يُوحَنَّا 2:16

و قال لِلنّاس البِبيعو الحَمام: ”شيلو ديل مِن هِنا. ما تَخَلّو بيت أبوي يَبقى بيت تِجارَه.“

رُومِيَه 16:18

عَشان ناس زي ديل ما بِخدِمو رَبَّنا المَسيح لَكِن بُطونُم. و بِالكِلمات الحِلوَه و كَلام الحَمد يَغِشّو قُلوب المُخلِصين.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

١ تَسَالُونِيكِي 2:5

و زي ما تَعرِفو، ما شَكَرناكُم بِالكَضب أبَداً، ولّا بِالكَلام اليَدِس الطَّمَع. الله شاهِد.

١ تَسَالُونِيكِي 5:3

لَمّا النّاس يَقولو: ”في سَلام و ما في خَطَر،“ في الوَكِت داك خَراب بِجيكُم عَلى غَفلَه زي الوَجَع الشَّديد لِلحامِل. و هُم ما بِقدَرو يَهرُبو.

١ تِيمُوثَاوُس 3:3

هو ما بِكون سَكران، ما بِضرُب لَكِن بِكون لَطيف، مُش شاكال ولّا يَحِب القُروش.

١ تِيمُوثَاوُس 3:8

و زي دا كَمان، خَدّامين الكَنيسَه لازِم يَكونو رُجال مُحتَرمين، بِدون كِضِب في كَلامُم، ما بِكونو سَكرانين، ما طَمّاعين في قُروش وَسخانَه.

١ تِيمُوثَاوُس 6:5

و يَجيب الشَّكلات المُستَمِرَّه بين رُجال عَقلُم خَربان، الاَخَدو مِنَّهُم الحَق. و هُم يَفتَكِرو خوف الله طَريق عَشان يَبقى غَني.

تِيطُس 1:11

و لازِم يَبَطِّلو كَلامُم، عَلَشان هُم يَقلِبو كُلّو أهل البُيوت بِالتَّمام بِتَعليمُم الما بِالقانون فِشان قُروش وَسخان.

تِيطُس 1:7

و المُلاحِظ يَكون بِدون لوم عَلَشان هو وَكيل الله. و هو ما لازِم بِكون مِتكَبِّر و ما بِزعَل قَوام، و ما بِسكَر، و ما بِضرُب، و ما طَمّاع في قُروش وَسخان.

١ بُطْرُس 2:8

و: ”حَجَر عَترَه و صَخرَة وقوع.“ يَقَعو عَلَشانُم ما بِطيعُو الكِلمَه، و كِدا كانو مُعَينين لِدا.

١ بُطْرُس 5:2

كونو رُعاه مُراح الله الهو أدّاكُم، مُش مِن الواجِب، لَكِن بِإختِيار، بِحَسَب إرادَة الله، و ما لِرِبِح وَسخان لَكِن بِنَشاط.

٢ بُطْرُس 1:16

عَشان نِحنا ما تَبَعنا حِكايات شاطرَه لَمّا عَلَّمناكُم عَن قُدرَة رَبَّنا يَسُوع المَسيح و كيف هو بِجي. لَكِن نِحنا بِعُيونَنا شُفنا مَجدو.

٢ بُطْرُس 2:1

و كانو بين النّاس أنبياء كاضِبين كَمان، زي ما بِكونو بينكُم مُعَلِّمين كاضِبين كَمان. و هُم بِجيبو بِالسِّر أفكار خَرابيَه، حَتّى يَنكُرو الرَّب الإشتَراهُم. و يَجيبو عَلى نُفوسُم خَراب سَريع.

٢ بُطْرُس 2:9

و كِدا الرَّب بِيَعرِف كيف يَخَلِّص البِخافوهو مِن التَجرِبَه، و يَحفَظ الشَّرّيرين لِيوم الدّينونَه عَشان يَعاقِبُم.

يَهُوذَا 1:11

يا مُصِيبَتُم! عَلَشانُم مَشو في سِكَّة قايين، و سَلَّمو نُفوسُم لِغَلطَة بَلعام لِلرِّبِح. و هُم ماتو في فِتنَة قُورَح.

يَهُوذَا 1:15

و هو جا عَشان يَحكُم عَلى الكُل، و يَوَبِّخ كُل الشَّرّيرين لِكُلّو أعمالُم الشَّرّيرَه العَمَلوها بِالشَّر. و هو يَوَبِّخُم لِكُل الكِلمات الصَّعبَه الإتكَلَّمو بيها الخاطيين الشَّرّيرين.“

يَهُوذَا 1:16

و ديل يَشتَكو و يَنَقنِقو، و هُم يَمشو حَسَب شَهوَاتُم. و خُشومُم يِتكَلَّمو بِكِلمات كِبِر، و يَشوفو الوشوش فِشان الفايدَه.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

يَهُوذَا 1:7

و كِدا كَمان سَدوم و عَمورَه و البِلاد الحَواليهُم سَلَّمو نُفوسُم لِلزِّنا و مَشو وَرا شَهوَه ما زي طَبيعَة النّاس. و هُم بِقو مَثَل البِتحَمَّلو جِزا نار أبَديَّه.