٢ بُطْرُس 2:2 - كِتاب العَهد الجَّديد مِن الكِتاب المُقَدَّس

² و كَتيرين ماشين يَتبَعو طُرُقُم البِخَرِّبو. و بِالسَّبَب دا النّاس يَجَدِّفو عَلى طَريق الحَق.

٢ بُطْرُس 2:2 Iomraidhean Croise

مَتَّى 22:16

و هُم رَسَّلو ليهو تَلاميذُم مَعَ الهيروديسين. و هُم قالو: ”يا مُعَلِّم، نِحنا عارفين إنتَ تَقول الحَق، و تَعَلِّم سِكَّة الله بِالحَق. و إنتَ ما تَغَيِّر كَلامَك عَشان فِكر النّاس، عَلَشانَك ما تَعمِل فارِق بين النّاس.

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَتَّى 7:14

عَشان الباب ضَيِّق و السِّكَّه صَعبَه البِسوقو لِلحَياة، و هُم البِلقوها قَليلين.

مَرْقُس 12:14

و جو ليهو و قالو: ”يا مُعَلِّم، بِنَعرِف إنتَ تَقول الحَق، و ما تَغَيِّر كَلامَك عَشان فِكر النّاس. عَلَشان إنتَ ما تَعمِل فارِق بين النّاس، و لَكِن تَعَلِّم طَريق الله بِالحَق. واجِب عَلينا نَدّي الطُّلبَه لِقَيصَر، ولّا لا؟

مَرْقُس 13:22

عَشان مُسَحَه كَضّابين و أنبياء كَضّابين بِقومو، و بيَعمِلو عَلامات و عَجايِب حَتّى يَغِشّو المُختارين (إذا مُمكِن).

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

أعمال الرُّسُل 13:10

”يا مَليان كُلّو غِش و كُلّو كِضِب! يا وَلَد إبْلِيس، يا عَدو كُلّو بِر! ما تَوَقِّف أبَداً تَغَيِّر طُرُق الله العَديلَه؟

أعمال الرُّسُل 14:2

لَكِن الما آمَنو مِن اليَهود حَرَّكو نُفوس الأُمَم، و حَيَّرو أفكارُم عَشان يَكونو ضِد الأخوان.

أعمال الرُّسُل 16:17

و هي مَشَت وَرا بُولُس و الكانو مَعاهو، و كُورَكَت و قالَت: ”الرُّجال ديل، هُم خَدّامين الله العالي، و يَبَشِّروكُم بِطَريق الخَلاص.“

أعمال الرُّسُل 18:26

و إبتَدا يتكَلَّم بِدون خوف في بيت الرَّب. و لَمّا بِرِيسْكِلَّا و أَكِيلَا سِمِعوهو، أخَدوهو ليهُم، و وَرّوهو طَريق الله تَمام.

أعمال الرُّسُل 19:9

و بَعض مِنَّهُم، روسينُم بِقو قَوّيين و أبو يآمِنو، و شَتَمو الطَّرِيق قِدّام النّاس. عَلَشان كِدا، بُولُس خَلّاهُم و أخَد التَّلاميذ مَعاهو. و كان بِتكَلَّم مَعاهُم كُلّو يوم في مَدرَسَة تِيرَانُّوس.

أعمال الرُّسُل 22:4

و طَرَدتَ الطَّريق دا حَتّى الموت، و قَبَضتَ عَلى رُجال و نِسوان، و رَميتُم في السِّجِن.

أعمال الرُّسُل 24:14

و لَكِن بَعتَرِف ليكُم بِدا، أنا بِحَسَب الطَّريق البِسَمّوهو حِزب، أعبُد إلَه أبَهاتنا. و بآمِن بِكُل المَكتوب في القانون و الأنبياء.

رُومِيَه 2:24

زي ما مَكتوب: ”بِجَدِّفو إسم الله بين الأُمَم بِسَبَبكُم.“

١ تِيمُوثَاوُس 5:14

عَلَشان كِدا، أنا عاوِز الأرامِل الصُّغار يِتزَوَّجو و يَجيبو الأولاد، و يَرَتِّبو البُيوت، و ما يَدّو العَدو فُرصَه لِلشَّتيمَه.

تِيطُس 2:5

و بِكونو فَهمات، و عِندَهُم قَلِب نَضيف. و يَعَلِّمُم يَشتَغِلو في بُيوتُم، و عِندَهُم رَحمَه، و بِطيعُو رُجالُم، عَشان النّاس ما يَشتِمو كِلمَة الله.

تِيطُس 2:8

و كَلامَك بِكون صَحيح و بِدون لوم، عَلَشان العَدو بِخجَل و ما بِقدَر يَقول عَلينا حاجَه بَطّالَه.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

٢ بُطْرُس 2:12

لَكِن النّاس ديل يَجَدِّفو عَلى حاجات ما يَفهَموها. هُم زي الحَيوانات الما عِندَهُم عَقل، اليَمشو بِالطَّبيعَه، مَولودين عَشان يَمسِكوهُم و يَكتُلوهُم، و زي الحَيوانات، كَمان بِيَخرَبوهُم في الخَراب بِتاعُم.

٢ بُطْرُس 2:15

النّاس ديل سابو الطَّرِيق العَديل و ضَلّو، عَشان يَمشو وَرا طَريق بَلعام وَلَد بَعُور الحَبَّ أُجرَة الخَطيَّه.

٢ بُطْرُس 2:18

عَشان هُم يِتكَلَّمو بِكِلمات مِتكَبِّرَه و فاضيَه. و يَغِشّو بِشَهوات الجِّسِم و الخَراب، النّاس القَرَّبو يَنجو مِن ديل البِعيشو في الغَلطَه.

٢ بُطْرُس 2:21

عَشان كان أحسَن ليهُم إذا ما عِرِفو طَريق البِر، مِن ما بَعَد ما عِرِفوهو يَرَجِّعو عَن الأمر المُقَدَّس الكان مَسَلَّم ليهُم.

٢ بُطْرُس 2:7

و هو خَلَّص لوط البار، الإتحَيَّر مِن الحَياة الوَسخانَه بِتاعَت النّاس البِدون قانون.

يَهُوذَا 1:10

لَكِن ديل يَجَدِّفو عَلى الما يَفهَمو. و هُم يَسَوّو زي الحَيوانات الما عِندَهُم عَقل اليَمشو بِطَبيعَتُم. و بِالطَّرِيقَه دي يَخرِبو نُفوسُم.

يَهُوذَا 1:15

و هو جا عَشان يَحكُم عَلى الكُل، و يَوَبِّخ كُل الشَّرّيرين لِكُلّو أعمالُم الشَّرّيرَه العَمَلوها بِالشَّر. و هو يَوَبِّخُم لِكُل الكِلمات الصَّعبَه الإتكَلَّمو بيها الخاطيين الشَّرّيرين.“

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

يَهُوذَا 1:7

و كِدا كَمان سَدوم و عَمورَه و البِلاد الحَواليهُم سَلَّمو نُفوسُم لِلزِّنا و مَشو وَرا شَهوَه ما زي طَبيعَة النّاس. و هُم بِقو مَثَل البِتحَمَّلو جِزا نار أبَديَّه.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.