٢ بُطْرُس 2:19 - كِتاب العَهد الجَّديد مِن الكِتاب المُقَدَّس

¹⁹ هُم يَدّوهُم وَعد الحُرّيَّه، و هُم نُفوسُم عَبيد الخَراب. عَشان الزّول يَكون عَبد لِلحاجَه الغَلَبَتو.

٢ بُطْرُس 2:19 Iomraidhean Croise

يُوحَنَّا 8:34

يَسُوع رَدَّ و قال ليهُم: ”الحَق الحَق أقول ليكُم، كُلّو واحِد اليَعمِل الخَطيَّه، هو عَبد لِلخَطيَّه.

أعمال الرُّسُل 19:16

و بَعَد دا، الرّاجِل الكان عِندو الرّوح الشَّرّير، نَطَّ عَليهُم، و غَلَبُم، و ضَرَبُم لِغايَة ما جَرو مِن البيت دا عَريانين و مَجروحين.

غَلَاطِيَّه 5:1

عَشان المَسيح حَرَّرنا بِالحُرّيَّه دي، كونو ثابِتين فيها، و ما تَرجَعو تَطيعو لِنير العُبوديَه.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

٢ تِيمُوثَاوُس 2:26

و هُم بِرجَعو لِنُفوسُم و يَهرُبو مِن فَخ إبْلِيس، القَبَض عَليهُم لِيَعمِلو إرَادَتو.

تِيطُس 3:3

عَشان نِحنا كَمان كُنّا مِن قُبّال بَليدين، و ما طيعنا، و غَشّونا، و خَدَمنا شَهوات مُختَلِفَه و السُّرور. و كُنّا نَعيش في الفِكر البَطّال و الحَسَد، مَكروهين و كارِهين بَعَضَنا بَعض.

١ بُطْرُس 2:16

عيشو زي ناس حُرّين، لَكِن ما تِستَعمِلو حُريّاتكُم زي غَطا لِلشَّر. لَكِن عيشو زي خَدّامين الله.

٢ بُطْرُس 1:4

و كِدا هو أدّانا الوُعود الغاليَه و العَظيمَه جِدّاً، عَلَشان بِالوُعود تَبقو شُرَكا الطَّبيعَه بِتاعَت الله. و تَنجو مِن الخَراب الفي الدُّنيا بِسَبَب الشَّهوَه.

٢ بُطْرُس 2:20

عَشان إذا هُم نَجو مِن خَرابات الدُّنيا بِمَعرِفَة الرَّب و المُخَلِّص يَسُوع المَسيح، و بَعَد دا رَجَعو و إتغَلَبو، حالُم في الآخِر بِكون أكعَب مِن الأوَّل.