٢ بُطْرُس 2:14 - كِتاب العَهد الجَّديد مِن الكِتاب المُقَدَّس

¹⁴ و هُم بِعاينو لِلزّانيين، و ما بِكونو تَعبانين مِن الخَطيَّه أبَداً، و يَغِشّو النّاس الما ثابِتين. و هُم بِقو شاطرين في الطَّمَع، أولاد اللَّعنَه!

٢ بُطْرُس 2:14 Iomraidhean Croise

مَتَّى 12:34

يا أولاد الدَّبايب، كيف تَقدَرو تِتكَلَّمو كِلمات كوَيسَه و إنتو ناس بَطّالين؟ عَشان الخَشم بِتكَلَّم بِحاجات البيها القَلب يَكون مَليان.

مَتَّى 23:14

حُزن ليكُم، يا مُعَلِّمين القانون و الفَرّيسيّين، المُنافِقين، عَشان إنتو تاكلو بُيوت النِّسوان الرُّجالُم ماتو، و تَصَلّو صَلاه طَويلَه بِالغِش. عَلَشان كِدا، بِتَقبَلو حُكم أكبَر.

مَتَّى 25:41

بَعدين هو بِقول لِلنّاس في شِمالو: أمشو مِنّي، يا مَلعونين، لِلنّار الأبَديَّه المَجَهَّزَه لِإبْلِيس و مَلائكَتو.

مَتَّى 5:28

و لَكِن أنا أقول ليكُم، كُل اليَعاين لِمَرَه بِفِكر بَطّال عَمَل زِنا مَعاها خَلاص في قَلبو.

مَرْقُس 13:22

عَشان مُسَحَه كَضّابين و أنبياء كَضّابين بِقومو، و بيَعمِلو عَلامات و عَجايِب حَتّى يَغِشّو المُختارين (إذا مُمكِن).

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

رُومِيَه 16:18

عَشان ناس زي ديل ما بِخدِمو رَبَّنا المَسيح لَكِن بُطونُم. و بِالكِلمات الحِلوَه و كَلام الحَمد يَغِشّو قُلوب المُخلِصين.

١ كُورِنْثُوس 11:19

عَشان لازِم يَكون في بينكُم إنقِسامات حَتّى ديل الحَق مَعاهُم، بِكونو بيّنين بينكُم.

أفَسُس 2:3

و كُلُّنا عِشنا بِينُم في الزَّمَن الفات في شَهوات جِسِمنا. و كُنّا بِنَعمِل إرادَة الجِّسم و الأفكار. و كُنّا بِالطَّبيعَه أولاد الغَضَب زي النّاس التّانيين كَمان.

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

كُولُوسِّي 2:18

ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

يَعْقُوب 1:8

الرّاجِل العِندو فِكرَتين، هو ما ثابِت في كُلّو طُرُقو.

٢ بُطْرُس 2:18

عَشان هُم يِتكَلَّمو بِكِلمات مِتكَبِّرَه و فاضيَه. و يَغِشّو بِشَهوات الجِّسِم و الخَراب، النّاس القَرَّبو يَنجو مِن ديل البِعيشو في الغَلطَه.

٢ بُطْرُس 2:3

و في طَمَعُم المُعَلِّمين ديل بِياخدو رِبِح مِنَّكُم بِكلماتُم الكاضَبَه. و الحُكم بِتاعُم ما يِتأخَّر، و خَرَابُم ما نايِم.

٢ بُطْرُس 3:16

زي ما هو بِكتِب في كُلّو جَواباتو، و يتكَلَّم عَن الحاجات دي. و بَعض مِن الحاجات دي بِكونو صَعبَه لِلفَهم. و النّاس الما عِندَهُم مَعرِفَه و ما ثابِتين، يَتَرجِموها بِالكِضِب. و هُم يَعمِلو زي دا بِالكُتُب التّانيَه. و كِدا يَجيبو الخَراب عَلى نُفوسُم.

١ يُوحَنَّا 2:16

عَلَشان كُل الفي الدُّنيا، شَهوَة الجِّسِم، و شَهوَة العُيون، و كِبِر الحَياة، ما مِن الأبو، لَكِن مِن الدُّنيا.

يَهُوذَا 1:11

يا مُصِيبَتُم! عَلَشانُم مَشو في سِكَّة قايين، و سَلَّمو نُفوسُم لِغَلطَة بَلعام لِلرِّبِح. و هُم ماتو في فِتنَة قُورَح.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.