٢ بُطْرُس 1:9 - كِتاب العَهد الجَّديد مِن الكِتاب المُقَدَّس

⁹ و أي زول الما عِندو الحاجات دي، هو عَميان و نَظَرو ضَعيف. و هو نِسى إنّو مَغَسَّل مِن خَطاياهو الفاتَت.

٢ بُطْرُس 1:9 Iomraidhean Croise

مَرْقُس 10:21

و يَسُوع عايَن ليهو، و حَبّاهو، و قال: ”ناقصَه ليك حاجَه واحدَه. أمشي، بيع كُلّو مالَك، و أدّيهو لِلمَساكين، و بِكون عِندَك كَنز في السَّما. و تَعال، و أتبَعني.“

لُوقَا 18:22

و لَمّا يَسُوع سِمِع دا، قال ليهو: ”لِسَّع ناقِص ليك حاجَه واحدَه. بيع كُل العِندَك، و قَسِّمو بين المَساكين، و بِكون عِندَك كَنز في السَّما. و تَعال، أتبَعني.“

رُومِيَه 6:11

و كِدا كَمان، أحسِبو نُفوسكُم مَيِّتين لِلخَطيَّه، و لَكِن حَيين لِلَّه بِالمَسيح يَسُوع رَبَّنا.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

رؤيا 3:17

عَلَشان إنتَ تَقول: ’أنا غَني، و إتحَصَّلتَ عَلى الغِنى، و ما عِندي إحتِياج لِأي شي.‘ و ما بِتَعرِف إنتَ مَعَذَّب جِدّاً و شَفوق و مِسكين و عَميان و عَريان.