٢ بُطْرُس 1:8 - كِتاب العَهد الجَّديد مِن الكِتاب المُقَدَّس

⁸ عَشان إذا عِندَكُم الحاجات دي فيكُم بِالكَترَه، يَعمِلوكُم مُش كَسلانين ولّا بِدون ثِمار في مَعرِفَة رَبَّنا يَسُوع المَسيح.

٢ بُطْرُس 1:8 Iomraidhean Croise

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

مَتَّى 20:3

و السّاعَه تِسعَه تَقريباً، مَرَق، و شاف ناس تانيين واقفين ساكِت في السّوق.

مَتَّى 20:6

و مَرَق السّاعَه خَمسَه تَقريباً و لِقى تانيين واقفين. و قال ليهُم: لِشِنو إنتو واقفين هِنا ساكِت طول النَّهار؟

مَتَّى 25:26

و سيدو رَدَّ عَليهو و قال: يا الخَدّام الشَّرّير الكَسلان! عِرِفتَ أنا بَقطَع في المَحَل الأنا ما زَرَعتَ فيهو، و بَلِم في المَحَل الأنا ما رَميت فيهو التّيراب؟

يُوحَنَّا 15:2

كُلّو فَرَع فِيني الما بِجيب ثِمار، هو بِقطَعو، و الفَرَع البِجيب ثِمار، هو بِنَضِّفو عَشان بِجيب ثِمار أكتَر.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

يُوحَنَّا 5:42

لَكِن أنا عِرِفتَ إنتو ما عِندَكُم مَحَبَّة الله في قُلوبكُم.

رُومِيَه 12:11

ما تَكونو كَسلانين في الشُّغل. كونو حارّين في الرّوح. أخدِمو الرَّب.

١ كُورِنْثُوس 15:58

عَلَشان كِدا، يا أخوان المَحبوبين، كونو ثابِتين، ما مُحَرَّكين. و زيدو في عَمَل الرَّب دايماً، عَشان إنتو بِتَعرِفو تَعبكُم ما بِدون فايدَه في الرَّب.

٢ كُورِنْثُوس 13:5

أعمِلو إمتِحان لِنُفوسكُم. إنتو عِندَكُم إيمان؟ جَرِّبو نُفوسكُم. ما بِتَعرِفو يَسُوع المَسيح فيكُم؟ إلّا إذا وَقَعتو في الإمتِحان.

٢ كُورِنْثُوس 8:2

هُم كانو مُجَرَّبين بِتَعب شَديد، لَكِن بِقو مَبسوطين جِدّاً حَتّى أدّو هَدايا كَريمَه جِدّاً، و لَو هُم كانو مَساكين خالِص.

٢ كُورِنْثُوس 8:7

لَكِن زي ما إنتو تَزيدو في كُلّو حاجَه، في الإيمان، في الكَلام، و المَعرِفَه، و كُلّو إهتِمام، و مَحَبَّتكُم لينا، عاوزينكُم تَزيدو في النِّعمَه دي كَمان.

٢ كُورِنْثُوس 9:14

و هُم بِحِبّوكُم لَمّا يَصَلّو فِشانكُم، عَلَشان الله أدّاكُم النِّعمَه دي العَظيمَه جِدّاً.

فيلِبّي 1:9

و أهي دي الصَّلاه بِتاعي: أن مَحَبَّتكُم تَزيد أكتَر و أكتَر في المَعرِفَه و في كُلّو فَهم،

فيلِبّي 2:5

خَلّي الفِكر دا بِكون فيكُم، الفِكر الفي المَسيح يَسُوع:

فيلِبّي 3:8

بِالأكتَر، أحسِب كُلّو شي خَسارَه عَلَشان المَعرِفَه البِتفوت عَن كُلّو شي، يَعني مَعرِفَة المَسيح يَسُوع رَبّي. و فِشانّو، أنا خَسَرتَ كُل الحاجات و أحسِبا زي حاجَه خَربانَه عَشان آخُد المَسيح،

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

كُولُوسِّي 2:7

و خَلّو عُروقكُم يَكونو فيهو، و أبنو نُفوسكُم فيهو. و كونو ثابِتين في الإيمان، زي ما عَلَّموكُم، و زيدو في الشُّكر.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

١ تَسَالُونِيكِي 3:12

و الرَّب يَزيدكُم زِيادَه و زِيادَه في المَحَبَّه بَعضَكُم مَعَ بَعض و لِكُل النّاس، زي ما نِحنا نَحِبّكُم كَمان.

١ تَسَالُونِيكِي 4:1

في الآخِر، يا أخوان، إتعَلَّمتو مِنَّنا كيف إنتو لازِم تَعيشو و تَبسِطو الله. و زي ما كُنتو تَعيشو كِدا، هَسَّع نَطلُب ليكُم و نَشَدّشدكُم في الرَّب يَسُوع تَعمِلو زِيادَه و زِيادَه.

٢ تَسَالُونِيكِي 1:3

لازِم نَشكُر الله كُلّو وَكِت فِشانكُم، يا أخوان، زي ما يِستَحِق لينا، عَلَشان إيمانكُم بِيَكبَر كَتير جِدّاً، و مَحَبَّة كُلّو واحِد مِنَّكُم بَعضَكُم لِبَعض تَزيد.

١ تِيمُوثَاوُس 5:13

و في نَفس الوَكِت، هُم يِتعَلَّمو يَكونو كَسلانات، و يَمشو مِن بيت لِبيت. و هُم ما يَبقو كَسلانات بَس، لَكِن يَقولو حِكايات بِدون فايدَه، و يدخُلو في الما يَخُصُّم، و يِتكَلَّمو عَن الحاجات المَمنوعَه.

تِيطُس 3:14

و خَلّي أهَلنا يِتعَلَّمو أن يَدّو نُفوسُم لِلأعمال الكوَيسَه لِلإحتِياجات الضَّروريَه. و كِدا هُم ما بِعيشو حَياة بِدون فايدَه.

فِلِيمُون 1:6

بَصَلّي أن شَرِكَة إيمانَك بِتساعِدكُم عَشان تَعرِفو كُل الخير الفينا بِالمَسيح.

عِبرانيين 6:12

و نِحنا ما عاوِزينكُم تَكونو كَسلانين، لَكِن تَعمِلو زي ديل البِالإيمان و الصَّبر الطَّويل يورَثو الوُعود.

٢ بُطْرُس 1:2

النِّعمَه و السَّلام يَزيدو ليكُم بِمَعرِفَة الله و يَسُوع رَبَّنا.

٢ بُطْرُس 1:3

عَشان قُدرَة الله نَفسو أدّانا كُلّو حاجَه النَّحتاج ليها لِلحَياة و لِخوف الله. و لَمّا نَعرِفو، نِتعَلَّم إنّو نادانا لِمَجد نَفسو و خيرو.

٢ بُطْرُس 2:20

عَشان إذا هُم نَجو مِن خَرابات الدُّنيا بِمَعرِفَة الرَّب و المُخَلِّص يَسُوع المَسيح، و بَعَد دا رَجَعو و إتغَلَبو، حالُم في الآخِر بِكون أكعَب مِن الأوَّل.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.