٢ يُوحَنَّا 1:9 - كِتاب العَهد الجَّديد مِن الكِتاب المُقَدَّس

⁹ و الما بِستَمِر في تَعليم المَسيح و يَجري قِدّامو، ما عِندو الله. و البِستَمِر في تَعليم المَسيح، هو عِندو الأبو و الإبن، هُم الإتنين.

٢ يُوحَنَّا 1:9 Iomraidhean Croise

مَتَّى 11:27

كُلّو شي مُسَلَّم لَي مِن أبوي. ما في واحِد يَعرِف الإبن إلّا الأبو. و لا واحِد يَعرِف الأبو إلّا الإبن، و أي واحِد الإبن عاوِز يَوَرّيهو ليهو.

لُوقَا 10:22

أبوي أدّاني كُلّو شي. و ما في زول يَعرِف الإبن هو مِنو، إلّا الأبو، و الأبو هو مِنو إلّا الإبن، و كُل الإبن عاوِز يَوَرّي نَفسو ليهو.“

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 15:6

إذا واحِد ما يَسكُن فِيني، يَرموهو بَرَّه زي الفَرَع اليَنشَف. و يَلِمّو الفُروع و يَرموهو في النّار و يَحرِقوها.

يُوحَنَّا 5:23

عَشان كُل النّاس يَحتَرِمو الإبن، زي ما هُم يَحتَرِمو الأبو. الما يَحتَرِم الإبن، ما يَحتَرِم الأبو الرَّسَّلو.

يُوحَنَّا 8:31

و بَعدين يَسُوع قال لِليَهود الآمَنو بيهو: ”كان إنتو ثابِتين في كَلامي، بِالحَق تَكونو تَلاميذي.

أعمال الرُّسُل 2:42

و كانو بِستَمِرّو في تَعليم الرُّسُل و الشَّرِكَه و كَسر العيش و الصَّلاه.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

تِيطُس 2:10

و ما يَسرِقو مِنَّهُم لَكِن يَوَرّو إنَّهُم يَقدَرو يتَّكَلو عَليهُم بِالتَّمام. و كِدا في كُلّو شي، تَعليم الله مُخَلِّصنا بِكون مَحبوب ليهُم.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

عِبرانيين 6:1

عَلَشان كِدا، خَلّونا نَسيب التَّعاليم الفي البِدايَه عَن المَسيح، و نِتقَدَّم لِلكَمال. و ما نَخُت مَرَّه تانيَه أساس التّوبَه مِن الأعمال المَيِّتَه و الإيمان بِالله،

١ يُوحَنَّا 1:3

و نَخَبِّركُم بِالشُّفناهو و سِمِعناهو، عَلَشان تَكون ليكُم كَمان شَرِكَه مَعانا. و شَرِكَتنا هي مَعَ الأبو و مَعَ إبنو يَسُوع المَسيح.

٣ يُوحَنَّا 1:9

كَتَبتَ لِلكَنيسَه. و لَكِن دِيُوتْرِيفُوس، البِحِب يَكون الأوَّل بِينُم، ما يَقبَلنا.