٢ يُوحَنَّا 1:12 - كِتاب العَهد الجَّديد مِن الكِتاب المُقَدَّس

¹² عِندي حاجات كَتيرَه عَشان أكتِب ليكُم، لَكِن أنا ما داير أعمِلو بِوَرَق و حِبِر. بَدَل مِن دا أنتَظِر أن أجيكُم و أتكَلَّم وَش لِوَش، عَشان فَرَحنا بِكون كامِل.

٢ يُوحَنَّا 1:12 Iomraidhean Croise

يُوحَنَّا 15:11

أنا كَلَّمتَكُم بِدا، عَشان فَرَحي يَسكُن فيكُم، و فَرَحكُم يَتِم.

يُوحَنَّا 16:12

أنا عِندي حاجات كَتيرَه أقولا ليكُم، لَكِن إنتو ما بِتَقدَرو تَفهَموها هَسَّع.

يُوحَنَّا 16:24

لِغايَة هَسَّع، إنتو ما طَلَبتو حاجَه بِإسمي. أطلُبو، تَقبَلو، عَلَشان فَرَحكُم يَكون كامِل.

يُوحَنَّا 17:13

لَكِن هَسَّع أنا جاي ليك. و أنا بَتكَلَّم بِالحاجات دي في الدُّنيا، عَشان يَكون عِندَهُم في نُفوسُم فَرَح كامِل مِنّي.

يُوحَنَّا 3:29

و العِندو العَروسَه، هو العَريس. لَكِن صاحِب العَريس الواقِف و يَسمَع صوت العَريس، هو بِكون مَبسوط، عَشان بِسمَع صوت العَريس. عَشان كِدا، فَرَحي دا هَسَّع بِقى كامِل.

رُومِيَه 15:24

و لَمّا أمشي لِأسبانيا، عِندي رَجاء أشوفكُم وَكِت ما بَمُر في طَرِيقي. و تَساعِدوني في سَفَري لِهِناك، بَعَد ما فِرِحتَ بِزِيارَتكُم وَكِت قَليل.

٢ تِيمُوثَاوُس 1:4

و لَمّا أتزَكَّر دِموعَك، بَحِب أشوفَك، عَشان بَكون مَليان بِفَرَح.

فِلِيمُون 1:22

و مَعَ دا، جَهِّز لَي أوضَة الضّيف، فِشان عِندي رَجاء بَرجَع ليكُم بِصَلَواتكُم.

عِبرانيين 13:19

و بَطلُب ليكُم بِالأكتَر أن تَعمِلو دا، عَلَشان يَرَجِّعوني ليكُم بِالسُّرعَه.

عِبرانيين 13:23

و أنا عاوِزكُم تَعرِفو، أخونا تِيمُوثَاوُس إتفَكّا مِن السِّجِن، و بِنشوفكُم سَوا إذا هو بِجي في وَكِت قَريب.

١ يُوحَنَّا 1:4

و نَكتِب ليكُم دا عَشان فَرَحنا يَكون كامِل.

٣ يُوحَنَّا 1:10

عَشان كِدا، إذا بَجي، بَزَكِّرو بِأعمالو البِعمِلو، و الكَلام الشَّرّير البقول عَنّا. لَكِن دا ما كِفايَه ليهو، هو ما بِقبَل الأخوان كَمان، و يَمنَع البِدورو يَقبَلوهُم، و هو يَطرُدُم مِن الكَنيسَه.