٢ كُورِنْثُوس 8:19 - كِتاب العَهد الجَّديد مِن الكِتاب المُقَدَّس

¹⁹ و مُش دا بَس، لَكِن هو كان مُختار بِالكَنايس عَشان يَسافِر مَعانا فِشان النِّعمَه دي، النَخدِما لِمَجد الرَّب نَفسو. و بِدا نَوَرّيهُم نِحنا عاوِزين نَساعِد.

٢ كُورِنْثُوس 8:19 Iomraidhean Croise

أعمال الرُّسُل 14:23

و بُولُس و بَرْنَابَا إختارو ليهُم شُيوخ في كُلّو كَنيسَه، و بِالصَّلاه و الصّوم قَدَّموهُم لِلرَّب الآمَنو بيهو.

أعمال الرُّسُل 15:22

في الوَكِت دا، الرُّسُل و الشُّيوخ مَعَ كُل الكَنيسَه شافو إنّو كوَيس يَختارو مِنَّهُم راجلين، و يَرَسِّلوهُم لِأَنْطَاكِيَه مَعَ بُولُس و بَرْنَابَا. و إختارو يَهُوذَا الإسمو بَرسابا، و سِيلَا، راجلين مَعروفين بين الأخوان.

أعمال الرُّسُل 15:25

و كُلُّنا إتَّفَقنا نَختار راجلين، و نَرَسِّلوهُم ليكُم مَعَ حَبِيبنا بَرْنَابَا و بُولُس.

أعمال الرُّسُل 19:22

و رَسَّل لِمَكِدونيَّه إتنين مِن الكانو بِخدِموهو، تِيمُوثَاوُس و أَرَسْطُوس. و هو إستَنّى وَكِت زِيادَه في آسيا.

أعمال الرُّسُل 19:29

و المَدينَه إتمَلَت دَوشَه. و كُلُّهُم جَرو مَعَ بَعض لِمَحَل اللِعب، و قَبَضو غَايُوس و وَأَرِسْتَرْخُس مِن مَكِدونيَّه، صاحِبين بُولُس في السَّفَر.

رُومِيَه 5:11

و ما دا بَس، لَكِن نَفرَح بِالله بِرَبَّنا يَسُوع المَسيح، و هَسَّع بيهو بِقينا مُصالِحين.

رُومِيَه 5:3

و فوق دا، نَفرَح كَمان في أتعاب، عَشان بِنَعرِف التَّعب يَجيب الصَّبر.

٢ كُورِنْثُوس 4:15

و دا كُلّو عَشان فايدَتكُم، حَتّى النِّعمَه بِتزيد أكتَر و أكتَر لِكَتيرين، و الشُّكر بِزيد لِمَجد الله.

٢ كُورِنْثُوس 8:11

هَسَّع كَمِّلو العَمَل كَمان. و كِدا، زي ما كانَت عِندَكُم الغيرَه عَشان تَعمِلوهو، كَمان تَكَمِّل عَلى قَدُر ما عِندَكُم.

٢ كُورِنْثُوس 8:12

و إذا الغيرَه في، الله يَقبَل الهَدِيَّه زي الزّول عِندو، و مُش زي الما عِندو.

٢ كُورِنْثُوس 8:20

و نِحنا نحرِس عَلَشان واحِد ما يَقول حاجَه بَطّالَه عَن الهَدِيَّه الكَريمَه النَخدِما.

٢ كُورِنْثُوس 9:2

عَشان أنا بَعرِف غيرَتكُم، و أنا شَكَّرتَ نُفوسكُم لِناس مَكِدونيَّه و قُلتَ ليهُم: ”ناس أَخَائِيَه كانو جاهِزين مِن السَّنَه الفاتَت.“ و غيرَتكُم حَرَّكَت الأكتَر مِنَّهُم.

٢ كُورِنْثُوس 9:8

و الله بِقدَر يَزيد ليكُم كُلّو نِعمَه، لِغايَة ما يَكون ليكُم كِفايَه في كُلّو حاجَه و في كُلّو وَكِت، عَلَشان تَزيدو في كُلّو عَمَل طَيب.