٢ كُورِنْثُوس 7:7 - كِتاب العَهد الجَّديد مِن الكِتاب المُقَدَّس

⁷ و ما عَشان هو جا بَس، لَكِن كَمان بِالرّاحَه الإنتو أدّيتو ليهو. و هو خَبَّرنا بِمَحَبَّتكُم و الحُزن بِتاعكُم و غيرَتكُم فِشانّي، حَتّى فَرَحي زاد أكتَر بِكَتير.

٢ كُورِنْثُوس 7:7 Iomraidhean Croise

مَتَّى 26:75

و بُطْرُس إتزَكَّر الكَلام القالو ليهو يَسُوع: ”قُبّال الدّيك يَكورِك، بِتَنكِرني تلاتَه مَرّات.“ و مَرَق بَرَّه و بَكى بِكى مُر.

مَتَّى 5:4

مُبارَكين الحَزنانين، عَشانُم بِكونو مَبسوطين.

لُوقَا 22:44

و هو كان في ضيق، و كان بِصَلّي شَديد. و المويَه مِن جِسمو نَقَّط زي الدَّم عَلى الأرض.

أعمال الرُّسُل 11:23

و لَمّا وِصِل و شاف نِعمَة الله، هو كان فَرحان، و بَشَّر كُلُّهُم عَشان يَكونو ثابتين في الرَّب بِكُلّو قُلوبُم.

رُومِيَه 1:12

يَعني بِتكون عِندَنا شَجاعَه مَعَ بَعض بِالإيمان الفي كُلُّنا، إيمانكُم و إيماني.

١ كُورِنْثُوس 5:2

و إنتو لِسَّع مِتكَبِّرين. لِشِنو ما تَكونو حَزنانين و تَشيلو مِن وَسِطكُم الرّاجِل العَمَل دا؟

٢ كُورِنْثُوس 1:14

و إنتو فِهِمتونا كَمان بَعض مِن الفَهم، و فِهِمتو أن نِحنا فَخرَكُم زي ما إنتو فَخرَنا في يوم رَبَّنا يَسُوع.

٢ كُورِنْثُوس 1:4

هو بِدّينا تَعزيَه في كُلّو تَعب، عَلَشان نِحنا نَقدَر نَدّي تَعزيَه ليهُم في كُلّو تَعب، بِالتَّعزيَه القِبِلنا مِن الله.

٢ كُورِنْثُوس 2:9

بِالسَّبَب دا كَتَبتَ ليكُم، عَشان أمتَحِنكُم و أشوف إذا إنتو تَطيعو في كُلّو حاجَه.

٢ كُورِنْثُوس 5:2

و هَسَّع نِحنا حَزنانين، و نَحِب نَلبَس فوقنا بيتنا المِن السَّما.

٢ كُورِنْثُوس 7:6

لَكِن الله البِدّي راحَه لِلمِتواضِعين، أدّا راحَه لينا لَمّا تِيطُس جا.

٢ كُورِنْثُوس 7:8

و إذا عَمَلتَكُم حَزنانين بِجَوابي، ما بَتأسَّف. و لَو إتأسَّفتَ، بَشوف انّو جَوابي عَمَلكُم حَزنانين، لَكِن لِوَكِت قَليل بَس.

٢ كُورِنْثُوس 8:16

و لَكِن شُكراً لِلَّه الخَتَّ نَفس الإهتِمام فِشانكُم في قَلب تِيطُس.

فيلِبّي 1:20

أنتَظِر و عِندي رَجاء إنّي ما بَكون خَجلان أبَداً، و لَكِن بِكون عِندي شَجاعَه حَتّى المَسيح بِكون مُحتِرَم في جِسمي هَسَّع، زي في كُلّو وَكِت، إذا بِالحَياة ولّا بِالموت.

كُولُوسِّي 2:5

و لَو أنا مُش مَعاكُم في الجِّسِم، أنا مَعاكُم بِالرّوح، و مَبسوط عَشان أشوف تَرتيبكُم و كيف إيمانكُم ثابِت في المَسيح.

١ تَسَالُونِيكِي 3:6

و لَكِن هَسَّع تِيمُوثَاوُس جا لينا مِنَّكُم، و بَشَّرنا بِإيمانكُم و مَحَبَّتكُم. و هو خَبَّرنا كيف إنتو دايماً تِتذَكَّرونا بِلُطف، و عاوِزين بِشِدَّه تَشوفونا. و نِحنا كَمان عاوِزين بِشِدَّه نَشوفكُم.

١ تَسَالُونِيكِي 3:8

عَشان هَسَّع نَعيش، إذا تِستَمِرّو شَديدين في الرَّب.

عِبرانيين 2:1

عَلَشان كِدا، لازِم نَخَلّي بالنا أكتَر لِلحاجات السِّمِعناها، عَشان ما نَخَلّيها تَمرُق مِنَّنا.

يَعْقُوب 5:17

إِيلِيَّا كان زول تِحِت الضّيق زيَنا، و صَلّى بِشِدَّه عَشان المَطَر ما يَنزِل. و ما نَزَل عَلى الأرض مُدَّة تلاتَه سِنين و سِتَّه شُهور.

٢ يُوحَنَّا 1:4

فِرِحتَ جِدّاً عَشان لِقيت بَعَض مِن أولادِك ماشين في الحَق مِثِل ما الأبو أمَرنا.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.