٢ كُورِنْثُوس 7:2 - كِتاب العَهد الجَّديد مِن الكِتاب المُقَدَّس

² أقبَلونا. نِحنا ما ظَلَمنا أي واحِد، ما خَرَّبنا أي واحِد، ما طَمَعنا في أي واحِد.

٢ كُورِنْثُوس 7:2 Iomraidhean Croise

مَتَّى 10:14

و إن كان أي زول ما يَقبَلكُم، ولّا يَسمَع كَلامكُم، أطلَعو بَرَّه مِن البيت دا ولّا مِن المَدينَه ديك و هِزّو التُّراب مِن رِجلينكُم.

مَتَّى 10:40

البِقبَلكُم بِقبَلني، و البِقبَلني بِقبَل الرَّسَّلني.

لُوقَا 10:8

و أي مَدينَه تَدخُلوها و هُم يَقبَلوكُم، أُكلو مِن اليَقَدِّموهو ليكُم.

أعمال الرُّسُل 20:33

أنا ما طَمَعتَ مِن زول فِضَّه ولّا دَهَب ولّا هِدوم.

رُومِيَه 16:18

عَشان ناس زي ديل ما بِخدِمو رَبَّنا المَسيح لَكِن بُطونُم. و بِالكِلمات الحِلوَه و كَلام الحَمد يَغِشّو قُلوب المُخلِصين.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ كُورِنْثُوس 11:16

و تاني مَرَّه بَقول، ما تَخَلّي واحِد يَفتَكِر أنا غَشيم. و إلّا، أقبَلوني زي زول غَشيم عَشان أنا كَمان أشكُر نَفسي شوَيَه.

٢ كُورِنْثُوس 11:9

و لَمّا كُنتَ مَعاكُم و كان عِندي إحتِياج، ما بِقيت حِمِل لِأي واحِد، عَلَشان الأخوان الجّو مِن مَكِدونيَّه أدّو لِإحتياجي. حَفَظتو نَفسي عَشان ما بَكون حِمِل ليكُم في أي حاجَه، و بَستَمِر كِدا.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

فيلِبّي 2:29

كِدا، أقبَلوهو في الرَّب بِكُلّو فَرَح. و إحتَرِمو ناس زيهو.

كُولُوسِّي 4:10

وَأَرِسْتَرْخُس، المَحبوس مَعاي، يَسَلِّم عَليكُم، و مَرْقُس كَمان و هو إبن أُخُت بَرْنَابَا. و إنتو قِبِلتو أوامِر عَنّو، و إذا جا ليكُم، أقبَلوهو.

١ تَسَالُونِيكِي 2:10

إنتو شاهِدين و الله كَمان، كيف مَشينا بِقَداسَه و بِبِر و بِدون لوم بينكُم إنتو المؤمِنين.

فِلِيمُون 1:12

أنا بَرَجِّعو ليك، و دا زي ما بَرَسِّل ليك قَلبي زاتو.

فِلِيمُون 1:17

و إذا تَحسِبني شَريك، أقبَلو زي نَفسي.

٢ يُوحَنَّا 1:10

إذا واحِد يَجيكُم و ما يَجيب التَّعليم دا، ما تَقبَلوهو في البيت و ما تَقولو ليهو ”سَلام.“