٢ كُورِنْثُوس 5:7 - كِتاب العَهد الجَّديد مِن الكِتاب المُقَدَّس

⁷ عَشان بِنعيش بِالإيمان، مُش بِالنَشوفو بِالعُيون.

٢ كُورِنْثُوس 5:7 Iomraidhean Croise

١ كُورِنْثُوس 13:12

عَشان نِحنا بِنشوف هَسَّع في مِرايا في الضُّلُمَّه، لَكِن في الوَكِت داك وَش لِوَش. هَسَّع بَعرِف بَعض المَعرِفَه، لَكِن في الوَكِت داك بَعرِف بِالتَّمام زي ما هُم عِرفوني بِالتَّمام.

٢ كُورِنْثُوس 1:24

نِحنا ما عِندَنا سُلطَه عَلى إيمانكُم. لَكِن بِنَشتَغِل مَعاكُم عَشان تَكونو مَبسوطين، عَلَشان إنتو ثابِتين في إيمانكُم.

٢ كُورِنْثُوس 4:18

عَلَشان كِدا ما نَعاين لِلحاجات النَقدَر نَشوفا، لَكِن لِلما نَشوفا. عَلَشان الحاجات البِنشوفا، لِهَسَّع بَس. لَكِن الحاجات الما بِنشوفا، لِلأبَد.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

عِبرانيين 10:38

لَكِن الإنسان البار، بِعِيش بِالإيمان. و إذا هو رَجَع لِوَرا، نَفسي ما بِكون مَبسوط مِنّو.“

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

١ بُطْرُس 5:9

قاوموهو، كونو ثابِتين في الإيمان، عارِفين أخوانكُم الفي الدُّنيا يِتحَمَّلَو زات الأتعاب دي.