٢ كُورِنْثُوس 5:12 - كِتاب العَهد الجَّديد مِن الكِتاب المُقَدَّس

¹² عَشان ما نَحمِد نُفوسنا قِدّامكُم، لَكِن نَدّيكُم فُرصَه عَشان تَشكُرو نُفوسنا، عَشان يَكون عِندَكُم جَواب لِلنّاس البِشكُرو حالَة الإنسان و مُش قَلبو.

٢ كُورِنْثُوس 5:12 Iomraidhean Croise

٢ كُورِنْثُوس 1:14

و إنتو فِهِمتونا كَمان بَعض مِن الفَهم، و فِهِمتو أن نِحنا فَخرَكُم زي ما إنتو فَخرَنا في يوم رَبَّنا يَسُوع.

٢ كُورِنْثُوس 10:12

و نَخاف نَشَبِّه نُفوسنا بِبَعض مِن النّاس البِحمَدو نُفوسُم و نَخاف نَحسِب نُفوسنا مَعاهُم. و لَكِن هُم يَقيسو نُفوسُم بِنُفوسُم، و يَشَبِّهو نُفوسُم بِنُفوسُم، و ما يَفهَمو.

٢ كُورِنْثُوس 10:18

عَشان الزول الحَمَد نَفسو ما بِكون مَقبول، لَكِن لَمّا الرَّب يَحمِد الزّول، هو بِكون مَقبول.

٢ كُورِنْثُوس 10:7

إنتو تَعاينو لِلحاجَه القِدّامكُم. إذا واحِد يَتَّكِل عَلى نَفسو هو لِلمَسيح، خَليهو يَفتَكِر كَمان في نَفسو، نِحنا كَمان لِلمَسيح زي ما هو لِلمَسيح.

٢ كُورِنْثُوس 10:8

عَشان إذا أشكُر نَفسي زِيادَه شوَيَه بِالسُّلطَه الأدّانا الله عَشان أبنيكُم و ما عَلَشان أخَرِّبكُم، أنا ما خَجلان.

٢ كُورِنْثُوس 12:11

أنا بِقيت غَشيم. لَكِن إنتو جَبَرتوني لِدا و إنتو لازِم تَحمِدوني. و لَو أنا مُش حاجَه، أنا ما ناقِص في أي شي لِلرُّسُل الأكبَر.

٢ كُورِنْثُوس 3:1

نِحنا نَبتَدي نَحمِد نُفوسنا تاني مَرَّه؟ ولّا زي بَعض النّاس نَحتاج لِجَوابات الحَمد ليكُم ولّا مِنَّكُم؟

٢ كُورِنْثُوس 6:4

لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

فيلِبّي 1:26

و عَشان يَزيد فَخرَكُم في المَسيح يَسُوع بِواسطَتي لَمّا أجي ليكُم تاني.