٢ كُورِنْثُوس 4:6 - كِتاب العَهد الجَّديد مِن الكِتاب المُقَدَّس

⁶ عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

٢ كُورِنْثُوس 4:6 Iomraidhean Croise

لُوقَا 10:22

أبوي أدّاني كُلّو شي. و ما في زول يَعرِف الإبن هو مِنو، إلّا الأبو، و الأبو هو مِنو إلّا الإبن، و كُل الإبن عاوِز يَوَرّي نَفسو ليهو.“

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 11:40

يَسُوع قال ليها: ”أنا ما قُلتَ ليكي، كان آمَنتي، تَشوفي مَجد الله؟“

يُوحَنَّا 12:41

إِشَعْيَاء قال كِدا عَلَشان شاف مَجدو، و إتكَلَّم عَنّو.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

١ كُورِنْثُوس 12:8

عَلَشان الله يَدّي كَلام حِكمَه بِالرّوح لِواحِد، و كَلام مَعرِفَه لِتاني بِحَسَب نَفس الرّوح.

٢ كُورِنْثُوس 2:10

إذا إنتو بِتَغفِرو شي لِأي واحِد، أنا كَمان بَغفِر ليهو. و الغَفَرتَ ليهو، إذا كان أنا غَفَرتَ ليهو أي شي، عَلَشانكُم غَفَرتَ ليهو قِدّام المَسيح.

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

أفَسُس 1:17

عَشان إلَه رَبَّنا يَسُوع المَسيح، أبو المَجد، يَدّيكُم روح الحِكمَه و رؤيا عَشان تَعرِفو مَعرِفَه كاملَه.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

أفَسُس 5:8

عَلَشان إنتو كُنتو ضُلُمَّه مِن قُبّال، لَكِن هَسَّع إنتو نور في الرَّب. عيشو زي أولاد نور.

فيلِبّي 2:6

هو كان الله في نَفسو، و لَكِن ما إفتَكَر هو لازِم يِستَمِر يَمسِك سُلطتو يَكون واحِد مَعَ الله.

كُولُوسِّي 1:15

المَسيح صورَة الله، الما بِنشوفو بِعُيونّا، و بِكر كُل الخَليقَه.

١ تَسَالُونِيكِي 2:12

و كُنّا نَوَرّيكُم كيف تَعيشو الحَياة المُستَحِقَّه لِلَّه، و هو اليَناديكُم لِمَلَكوتو و مَجدو.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

عِبرانيين 6:4

و في ناس الكانو عِندَهُم النّور مِن قُبّال، و ضاقو الهَدِيَّه المِن السَّما، و بِقو شُرَكا في الرّوح القُدُس.

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

٢ بُطْرُس 1:19

و عِندَنا كِلمَة النُّبوَّه المِتأكِّدَه أكتَر. و إنتو تَعمِلو كوَيس إذا تَخَلّو بالكُم ليها. كلمَتُم زي فانوس بِنَوِّر في مَحَل الضُّلُمَّه لِغايَة ما النَّهار بِظهَر و نَجمَة الصَّباح تَطلَع في قُلوبكُم.