٢ كُورِنْثُوس 4:5 - كِتاب العَهد الجَّديد مِن الكِتاب المُقَدَّس

⁵ عَشان ما نَبَشِّر بِنُفوسنا، لَكِن بِيَسُوع المَسيح الرَّب. و نِحنا خَدّامين ليكُم عَشان خاطِر يَسُوع.

٢ كُورِنْثُوس 4:5 Iomraidhean Croise

مَتَّى 23:8

لَكِن ما تَخَلّو النّاس يَسَمّوكُم سَيِّد، عَلَشان مُعَلِّمكُم واحِد بَس، و كُلَّكُم أخوان.

مَتَّى 3:11

أنا بَعَمِّدكُم بِمويَه لِلتّوبَه. و لَكِن هو البِجي بَعَدي قَوّي مِنّي. و أنا ما كوَيس حَتّى أشيل جِزَمو. هو بِعَمِّدكُم بِالرّوح القُدُس و النّار.

يُوحَنَّا 7:18

البِتكَلَّم مِن نَفسو بِطلُب مَجد نَفسو. لَكِن البِطلُب المَجد حَق الرَّسَّلو، هو أمين، و ما فيهو غِش.

أعمال الرُّسُل 10:36

و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 2:36

عَلَشان كِدا، خَلّي كُلّو أهل بيت إِسْرَائِيل يَعرِف بِالحَق أن الله عَمَل يَسُوع دا، الإنتو صَلَبتوهو، رَب و مَسيح.“

أعمال الرُّسُل 5:31

و الله رَفَعو بِيَمينو يَكون رَئيس و مُخَلِّص، عَشان يَدّي لِإِسْرَائِيل التّوبَه و غُفران الخَطايا.

١ كُورِنْثُوس 1:23

و لَكِن نِحنا نَبَشِّر بِالمَسيح المَصلوب، لِليَهود عَترَه و لِناس إغريقيين حاجَه بَليدَه.

١ كُورِنْثُوس 10:33

زي ما أنا كَمان أبسِط كُل النّاس في كُلّو شي. و ما بَطلُب البِكون لِفايدَة نَفسي، لَكِن البِكون لِفايدَة كَتيرين عَشان يَخلَصو.

١ كُورِنْثُوس 12:3

عَشان كِدا أخَبِّركُم، واحِد ما بِقول: ”لَعنَه لِيَسُوع!“ و هو يتكَلَّم بِروح الله. و واحِد ما بِقدَر يَقول: ”يَسُوع الرَّب،“ إلّا بِالرّوح القُدُس.

١ كُورِنْثُوس 15:47

الإنسان الأوَّل كان مِن الأرض، تُرابي. الإنسان التّاني مِن السَّما.

١ كُورِنْثُوس 2:2

عَشان ما كانَت إرادَتي أن أعرِف أي حاجَه بينكُم إلّا يَسُوع المَسيح و هو مَصلوب.

١ كُورِنْثُوس 4:15

عَشان إن كان عِندَكُم عَشَرَة آلاف مِن المُعَلِّمين في المَسيح، ما عِندَكُم أبَهات كَتيرين. عَشان أنا بِقيت أبوكُم في المَسيح يَسُوع بِالإنجيل.

١ كُورِنْثُوس 8:6

لَكِن لينا إلَه واحِد بَس، الأبو، المِنّو كُل الحاجات و نِحنا نَعيش ليهو، و رَب واحِد، يَسُوع المَسيح، البيهو كُل الحاجات و نِحنا نَعيش بيهو.

٢ كُورِنْثُوس 1:19

عَشان أنا و سِلْوَانُس و تِيمُوثَاوُس بَشَّرنا بينكُم بِإبن الله، يَسُوع المَسيح، و ما كان فيهو ”أيوَه“ و ”لا.“ لَكِن دايماً فيهو ”أيوَه.“

٢ كُورِنْثُوس 1:24

نِحنا ما عِندَنا سُلطَه عَلى إيمانكُم. لَكِن بِنَشتَغِل مَعاكُم عَشان تَكونو مَبسوطين، عَلَشان إنتو ثابِتين في إيمانكُم.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

فيلِبّي 1:15

صَحيح، ناس تانيين يَبَشِّرو بِالمَسيح مِن حَسَد و شَكَل، و لَكِن تانيين يَبَشِّرو مِن سُرور.

فيلِبّي 2:11

و كُلّو لِسان يَعتَرِف أن يَسُوع المَسيح هو رَب، لِمَجد الله الأبو.

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

تِيطُس 1:11

و لازِم يَبَطِّلو كَلامُم، عَلَشان هُم يَقلِبو كُلّو أهل البُيوت بِالتَّمام بِتَعليمُم الما بِالقانون فِشان قُروش وَسخان.

٢ بُطْرُس 2:3

و في طَمَعُم المُعَلِّمين ديل بِياخدو رِبِح مِنَّكُم بِكلماتُم الكاضَبَه. و الحُكم بِتاعُم ما يِتأخَّر، و خَرَابُم ما نايِم.