٢ كُورِنْثُوس 4:4 - كِتاب العَهد الجَّديد مِن الكِتاب المُقَدَّس

⁴ و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

٢ كُورِنْثُوس 4:4 Iomraidhean Croise

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 1:18

ما في زول شاف الله كُلّو كُلّو. الإبن الوَحيد الهو في قَلب الأبو، هو خَبَّر عَنّو.

يُوحَنَّا 12:31

هَسَّع، دينونَة الدُّنيا دي. هَسَّع بِرمو رَئيس الدُّنيا بَرَّه.

يُوحَنَّا 12:35

و يَسُوع قال ليهُم: ”لِسَّع النّور مَعاكُم لِمُدَّه قِصَيرَه. أمشو ما دام ليكُم نور، قُبّال ما الضُّلُمَّه تَجي عَليكُم. و البِمشي في الضُّلُمَّه ما بِيَعرِف هو ماشي وين.

يُوحَنَّا 12:40

”و هو قَفَل عُيونُم و خَلّى قُلوبُم زي حَجَر، عَشان ما بِشوفو بِعُيونُم ولّا بِفهَمو بِقُلوبُم، و يَرجَعو و أشفيهُم.“

يُوحَنَّا 12:45

و البِشوفني بِشوف الرَّسَّلني.

يُوحَنَّا 14:30

أنا ما بَتكَلَّم مَعاكُم كَتير بَعَد دا، عَشان رَئيس الدُّنيا دي جاي، و هو ما عِندو قُدرَه عَلي.

يُوحَنَّا 15:24

أنا عَمَلتَ بِينُم أعمال زول تاني ما عَمَلا. عَلَشان كِدا عِندَهُم خَطيَّه. لَكِن هَسَّع هُم شافو و كِرهوني أنا و أبوي.

يُوحَنَّا 16:11

و عَلى الدّينونَه عَشان رَئيس الدُّنيا دي كان مَحكوم عَليهو.

يُوحَنَّا 8:12

مَرَّه تانيَه، يَسُوع إتكَلَّم مَعاهُم و قال: ”أنا هو نور الدُّنيا. البِتبَعني ما يَمشي في الضُّلُمَّه أبَداً، لَكِن يَكون ليهو نور الحَياة.“

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

أعمال الرُّسُل 26:23

يَعني، المَسيح بِتوَجَّع و بِكون هو أوَّل واحِد البِقوم مِن بين المَيِّتين، و يَخَبِّر بِالنّور لِلشَّعب و لِلأُمَم.“

١ كُورِنْثُوس 10:20

لا، لَكِن ديل اليَضبَحو ضَبايح لِلأصنام، يَضبَحوها لِلشّياطين، مُش لِلَّه. ما بَدوركُم تَكونو شُرَكاء الشّياطين.

٢ كُورِنْثُوس 2:11

و عَمَلتَ دا عَلَشان الشّيطان ما بِغلِب عَلينا. عَشان نِحنا بِنَعرِف تَرتيباتو.

٢ كُورِنْثُوس 2:12

و لَمّا مَشيت لِتَرُوَاس عَشان أبَشِّر بِإنجيل المَسيح، أنا لِقيت إنّو الرَّب كان فَتَح باب لَي.

٢ كُورِنْثُوس 3:11

و إذا كان البِفوت دا جا بِمَجد، البِستَمِر عِندو مَجد أكبَر بِكَتير.

٢ كُورِنْثُوس 3:14

لَكِن أفكارُم بِقو مَقفولين، عَلَشان زات الغَطا بِغَطّي وُشوشُم لِغايَة اليوم دا، لَمّا بِيَقرو الإتِّفاق القَديم. و ما شالوهو مِنَّهُم عَشان في المَسيح يَشيلوهو.

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

أفَسُس 6:12

عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.

فيلِبّي 2:6

هو كان الله في نَفسو، و لَكِن ما إفتَكَر هو لازِم يِستَمِر يَمسِك سُلطتو يَكون واحِد مَعَ الله.

كُولُوسِّي 1:15

المَسيح صورَة الله، الما بِنشوفو بِعُيونّا، و بِكر كُل الخَليقَه.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

١ تِيمُوثَاوُس 1:11

البِكون حَسَب إنجيل مَجد الله المُبارَك، الهو أدّاني زي أمانَه.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

عِبرانيين 6:4

و في ناس الكانو عِندَهُم النّور مِن قُبّال، و ضاقو الهَدِيَّه المِن السَّما، و بِقو شُرَكا في الرّوح القُدُس.

٢ بُطْرُس 1:19

و عِندَنا كِلمَة النُّبوَّه المِتأكِّدَه أكتَر. و إنتو تَعمِلو كوَيس إذا تَخَلّو بالكُم ليها. كلمَتُم زي فانوس بِنَوِّر في مَحَل الضُّلُمَّه لِغايَة ما النَّهار بِظهَر و نَجمَة الصَّباح تَطلَع في قُلوبكُم.

١ يُوحَنَّا 2:11

و لَكِن البِكرَه أخوهو، هو في الضُّلُمَّه، و بِمشي في الضُّلُمَّه، و ما بِيَعرِف ماشي وين، عَشان الضُّلُمَّه عِمَّت عُيونو.

١ يُوحَنَّا 2:8

و مَعَ داك، أمر جَديد أكتِب ليكُم. و هو الحَق فيهو و فيكُم، عَلَشان الضُّلُمَّه ماشيَه، و النّور الحَقيقي هَسَّع بِنَوِّر.

١ يُوحَنَّا 5:19

بِنَعرِف نِحنا مِن الله، و الدُّنيا كُلَّها تِحِت سُلطَة الشَّرّير.