٢ كُورِنْثُوس 4:2 - كِتاب العَهد الجَّديد مِن الكِتاب المُقَدَّس

² لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

٢ كُورِنْثُوس 4:2 Iomraidhean Croise

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

رُومِيَه 6:21

ياتا فايدَه كانَت عِندَكُم في الوَكِت داك مِن الحاجات الإنتو تَكونو خَجلانين مِنَّها هَسَّع؟ عَشان نِهايَة الحاجات دي، هي الموت.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

٢ كُورِنْثُوس 11:6

و لَو أنا ما شاطِر في الكَلام، أنا عِندي مَعرِفَه. و نِحنا وَرّيناكُم دا في كُلّو طَرِيقَه و في كُلّو حاجَه.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

٢ كُورِنْثُوس 5:11

و ما دام بِنَعرِف خوف الرَّب، نَجَرِّب أن نَربَح النّاس. و نِحنا بَايِنين لِلَّه، و عِندي رَجاء بِقينا بَايِنين في ضَميركُم كَمان.

٢ كُورِنْثُوس 6:8

بِمَجد و بِدون إحتِرام، بِخَبَر كوَيس و خَبَر بَطّال، يَقولو نِحنا كَضّابين، لَكِن نِتكَلَّم الحَق.

٢ كُورِنْثُوس 7:14

أنا حَمَدتَكُم شوَيَه قِدّامو، و ما بِقيت خَجلان. لَكِن زي ما كَلَّمناكُم بِكُلّو حاجَه بِالحَق، كِدا كَمان حَمدَنا فيكُم لِتِيطُس كان الحَق.

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

أفَسُس 5:12

عَشان دا عيب لَمّا نِتكَلَّم عَن الحاجات ديل الهُم بيَعمِلو بِالسِّر.