٢ كُورِنْثُوس 3:5 - كِتاب العَهد الجَّديد مِن الكِتاب المُقَدَّس

⁵ نِحنا مُش كِفايَه مِن نُفوسنا عَشان نَفتَكِر أي شي مِن نُفوسنا. لَكِن عِندَنا قُدرَه مِن الله.

٢ كُورِنْثُوس 3:5 Iomraidhean Croise

لُوقَا 21:15

عَشان أنا بَدّيكُم كَلام و حِكمَه، و عُدوانكُم ما بِقدَرو يَغلِبو كَلامكُم ولّا يَعاكِسوهو.

لُوقَا 24:49

و شوفو، بَرَسِّل ليكُم وَعد أبوي. إستَنّو في أُورُشَلِيم لِغايَة ما تَلبَسو قُوَّه مِن فوق.“

يُوحَنَّا 15:5

أنا شَجَرَة العِنَب و إنتو الفُروع. البِسكُن فِيني، و أنا فيهو، هو البِجيب ثِمار كَتير. عَشان إنتو بِدوني ما تَقدَرو تَعمِلو حاجَه.

رُومِيَه 15:18

أنا بَخاف أتكَلَّم بِحاجَه إلّا العَمَلو المَسيح بي عَلَشان الأُمَم يَطيعو الله، بِالكِلمَه و العَمَل،

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

١ كُورِنْثُوس 3:10

أنا، بِحَسَب النِّعمَه الأدّاني الله، زي بَناء شاطِر، خَتّيت أساس، و تاني يَبني عَليهو. خَلّي كُلّو واحِد يَشوف كيف يَبني عَليهو.

١ كُورِنْثُوس 3:6

أنا زَرَعتَ، و أَبُلُّوس أدّاها مويَه، لَكِن الله، هو الكان بِزيدو.

٢ كُورِنْثُوس 12:9

لَكِن هو قال لَي: ”نِعمَتي كِفايَه ليك، عَشان قوَّتي بِتكون كاملَه في الضُّعف.“ عَلَشان كِدا، بِفَرَح كَتير بَحمَد ضَعفي، عَلَشان قُوَّة المَسيح تَغَطّيني.

٢ كُورِنْثُوس 2:16

و نِحنا لِلواحِد البِهلِك زي شَم الموت و الخَراب، و لِلتاني البِخلَص زي ريحَة الحَياة الأبَديَّه. و مِنو بِقدَر لِلحاجات دي؟

٢ كُورِنْثُوس 4:7

لَكِن عِندَنا الكَنز دا في بُرمَه مَعمولَه مِن طين، عَلَشان يَوَرّي القُوَّه العَظيمَه جِدّاً دي مِن الله، مُش مِنَّنا.

فيلِبّي 2:13

فِشان الله هو العامِل فيكُم الإرادَه و العَمَل عَشان تَعمِلو الحاجات التَّدّيهو فَرَح.

فيلِبّي 4:13

أنا بَقدَر أعمِل كُلّو شي في المَسيح البِشَدِّدني.

٢ تِيمُوثَاوُس 2:2

و الحاجات السِّمِعتَ مِنّي قِدّام شاهِدين كُتار، سَلِّما لِرُجال أُمَنا البِقدَرو يَعَلِّمو التّانيين كَمان.

يَعْقُوب 1:17

كُلّو هَدِيَّه طَيبَه، و كُلّو هَدِيَّه كاملَه، هي مِن فوق، و نازلَه مِن أبو الأنوار الما فيهو فَرَق ولّا ضُل مِن تَغيير.