٢ كُورِنْثُوس 12:10 - كِتاب العَهد الجَّديد مِن الكِتاب المُقَدَّس

¹⁰ عَلَشان كِدا، بَكون مَبسوط مِن الضَّعفات و الشَّتايِم و الأتعاب و الطُّرود و الصُّعوبات فِشان المَسيح. عَشان كُلّو وَكِت لَمّا أكون ضَعيف، في الوَكِت دا، أنا قَوّي.

٢ كُورِنْثُوس 12:10 Iomraidhean Croise

لُوقَا 6:22

مُبارَكين لَمّا النّاس بِكرَهوكُم، و ما بِقعُدو مَعاكُم و بِشتِموكُم، و بِطَلِّعو عَليكُم إسم بَطّال عَشان إبن الإنسان.

يُوحَنَّا 15:21

لَكِن هُم بيَعمِلو كُلّو دا ليكُم فِشان إسمي، عَشان هُم ما عارفين الرَّسَّلني.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

رُومِيَه 5:3

و فوق دا، نَفرَح كَمان في أتعاب، عَشان بِنَعرِف التَّعب يَجيب الصَّبر.

١ كُورِنْثُوس 4:10

نِحنا بَليدين فِشان المَسيح، لَكِن إنتو فاهمين في المَسيح. نِحنا ضَعيفين لَكِن إنتو قَوّيين، إنتو مُحتَرمين لَكِن نِحنا بِدون إحتِرام.

٢ كُورِنْثُوس 1:4

هو بِدّينا تَعزيَه في كُلّو تَعب، عَلَشان نِحنا نَقدَر نَدّي تَعزيَه ليهُم في كُلّو تَعب، بِالتَّعزيَه القِبِلنا مِن الله.

٢ كُورِنْثُوس 10:18

عَشان الزول الحَمَد نَفسو ما بِكون مَقبول، لَكِن لَمّا الرَّب يَحمِد الزّول، هو بِكون مَقبول.

٢ كُورِنْثُوس 12:9

لَكِن هو قال لَي: ”نِعمَتي كِفايَه ليك، عَشان قوَّتي بِتكون كاملَه في الضُّعف.“ عَلَشان كِدا، بِفَرَح كَتير بَحمَد ضَعفي، عَلَشان قُوَّة المَسيح تَغَطّيني.

٢ كُورِنْثُوس 13:4

و بِالحَق هو إنصَلَب في ضُعف، لَكِن هو بِعِيش بِقوَّة الله. و نِحنا كَمان ضَعيفين فيهو، و لَكِن نِحنا بِنعيش مَعاهو بِقُدرَة الله عَشان نَخدِمكُم.

٢ كُورِنْثُوس 13:9

عَشان نِحنا مَبسوطين كُلو وَكِت لأنِنا نَكون ضَعيفين و إنتو تَكونو قَوّيين. و نَصَلّي كَمان عَشان إنتو تَكونو كامِلين.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

٢ كُورِنْثُوس 4:5

عَشان ما نَبَشِّر بِنُفوسنا، لَكِن بِيَسُوع المَسيح الرَّب. و نِحنا خَدّامين ليكُم عَشان خاطِر يَسُوع.

٢ كُورِنْثُوس 5:15

و هو مات عَن كُل النّاس، عَشان الحَيين ما بِعيشو بَعَد دا لِنُفوسُم، لَكِن ليهو المات عَنُّم و قام.

٢ كُورِنْثُوس 5:20

عَلَشان كِدا نِحنا سُفَراء المَسيح زي ما الله يَطلُب بينا، نِحنا نَطلُب مِنَّكُم فِشان المَسيح، أعمِلو سَلام مَعَ الله.

٢ كُورِنْثُوس 6:4

لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

٢ كُورِنْثُوس 7:4

أنا مِتَّكِل عَليكُم كَتير، و عِندي فَخر عَظيم فيكُم. أنا مَليان تَعزيَه. و فَرَحي يَزيد كَتير خَلاص في كُلّو أتعابنا.

أفَسُس 6:10

و في الآخِر، يا أخواني، كونو قَوّيين في الرَّب و في شِدَّة قُوَّتو.

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

٢ تَسَالُونِيكِي 1:4

عَلَشان كِدا، نِحنا نُفوسنا نَفخِّر بيكُم في كَنايس الله فِشان صَبرَكُم و إيمانكُم في كُلّو طُرودكُم و أتعابكُم الإنتو تِتحَمَّلوها.

٢ تِيمُوثَاوُس 3:11

و طُرودي، و أتعابي الحَصَلَت لَي في أنطاكيّا و وَإِيقُونِيَّةَ و لِسترَه، الطُّرود الأنا إتحَمَّلتا. لَكِن الرَّب خَلَّصني مِن كُلّو دا.

يَعْقُوب 1:2

أحسِبوهو كُلّو فَرَح، يا أخواني، وَكِت ما تَلقو تَجَارِب مُختَلِفَه.

رؤيا 2:3

و عِندَك صَبر و إتحَمَّلتا التَّعب عَشان خاطِر إسمي و ما بِقيت تَعبان.