٢ كُورِنْثُوس 11:13 - كِتاب العَهد الجَّديد مِن الكِتاب المُقَدَّس

¹³ عَشان رُجال زي ديل رُسُل كَضّابين، شَغّالين البِغِشّو، و يَغَيِّرو شَكلهُم لِشَكَل رُسُل المَسيح.

٢ كُورِنْثُوس 11:13 Iomraidhean Croise

مَتَّى 25:24

بَعدين القِبِل المِيَّة جِنيه قَرَّب ليهو كَمان و قال: يا سَيِّد، عِرِفتَ إنتَ راجِل شَديد، و تَقطَع في المَحَل الأنتَ ما زَرَعتَ فيهو، و تَلِم في المَحَل الأنتَ ما رَميت فيهو التّيراب.

أعمال الرُّسُل 15:1

و بَعض مِن الرُّجال نَزَلو مِن اليَهُودِيَّه لِأَنْطَاكِيَه، و كانو بِعَلِّمو الأخوان و يَقولو: ”إن كان ما تَكونو مُطَهَّرين حَسَب عادَة مُوسَى، ما بِتَقدَرو تَخلَصو.“

أعمال الرُّسُل 15:24

سِمِعنا بَعض النّاس مَرَقو مِنَّنا و حَرَّكوكُم و حَيَّرو نُفوسكُم بِكلماتُم. و نِحنا ما أمَرناهُم يَسَوّو كِدا.

أعمال الرُّسُل 20:30

و مِنَّكُم نُفوسكُم، بِقومو رُجال يِتكَلَّمو بِحاجات مَعَوَّجَه، عَشان يَجُرّو التَّلاميذ وَراهُم.

رُومِيَه 16:18

عَشان ناس زي ديل ما بِخدِمو رَبَّنا المَسيح لَكِن بُطونُم. و بِالكِلمات الحِلوَه و كَلام الحَمد يَغِشّو قُلوب المُخلِصين.

٢ كُورِنْثُوس 11:15

و كِدا، ما حاجَه كَبيرَه إذا خَدّامينو كَمان يَغَيِّرو شَكلهُم زي خَدّامين لِلبِر. و آخِر بِكون حَسَب أعمالُم.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

غَلَاطِيَّه 1:7

بِالحَق ما في إنجيل تاني. لَكِن بَعض مِن النّاس يَلَخبِتكُم، و بِدورو يَغَيِّرو إنجيل المَسيح.

غَلَاطِيَّه 2:4

و لَكِن كانو في أخوان كَضّابين دَخَلو بينَنا بِالسِّر. و هُم إندَسو عَشان يَحرَسو بِالسِّر حُرّيَتنا العِندَنا في المَسيح يَسُوع، عَشان يَعمِلونا عَبيد.

غَلَاطِيَّه 4:17

النّاس ديل غَيورين عَليكُم، و الغيرَه دي ما كوَيسَه. هُم دايرين يَفَرِّقوكُم عَنّا نِحنا، عَشان إنتو تَكونو غَيورين عَليهُم.

غَلَاطِيَّه 6:12

كُل البِدور يَعمِلو مَنظَر سَمِح في الجِّسِم يَجبُروكُم تَكونو مُطَهَّرين، حَتّى النّاس ما يَطرُدوهُم فِشان صَليب المَسيح.

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

فيلِبّي 3:18

عَلَشان، زي ما كَلَّمتَكُم مَرّات كَتيرَه قُبّال، و أقول تاني و أنا أبكي، ناس كُتار يَعِيشو زي عُدوان صَليب المَسيح.

فيلِبّي 3:2

خَلّو بالكُم مِن الكِلاب. خَلّو بالكُم مِن اليَعمِلو الشَّر. خَلّو بالكُم مِن اليَقطَعو الجِسم.

كُولُوسِّي 2:4

بَقول دا ليكُم عَشان واحِد ما بِغِشّكُم بِكَلام شاطِر.

كُولُوسِّي 2:8

خَلّو بالكُم عَلَشان أي واحِد ما يَغِشّكُم بِتَعليم حِكمَة الإنسان و الغِش الفاضي حَسَب تَرتيب النّاس، حَسَب التَّعليم الأساسي بِتاع الدُّنيا، و مُش حَسَب المَسيح.

١ يُوحَنَّا 2:18

يا أولاد، دي السّاعَه الأخيرَه. و زي ما سِمِعتو ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 2:2

أنا بَعرِف أعمالَك و تَعبَك و صَبرَك، و إنتَ ما تَقدَر تِتحَمَّل الشَّرّيرين. و إنتَ جَرَّبتُم البِسَمّو نُفوسُم رُسُل، لَكِن هُم مُش رُسُل، و لِقيتُم كاضِبين.

رؤيا 2:20

لَكِن أنا عِندي حاجَه عَليك. إنتَ تَدّي إذن لِلمَرَه إيزابَل البِتقول هي نَبيَّه. و هي تَعَلِّم و تَغِش خَدّاميني حَتّى يَعمِلو الزِّنا و ياكلو مِن الأكل الكان مَضبوح لِلأصنام.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.