٢ كُورِنْثُوس 10:5 - كِتاب العَهد الجَّديد مِن الكِتاب المُقَدَّس

⁵ نَخَرِّب صُوَر الأفكار و كُلّو حاجَه عاليَه البِتكون مَرفوع ضِد الله. و نَقبُض عَلى كُلّو فِكر عَشان نَسَويهو يَطيع المَسيح.

٢ كُورِنْثُوس 10:5 Iomraidhean Croise

مَتَّى 15:19

عَشان مِن القَلب يَجو الأفكار البَطّالَه، و الكَتل، و الزِّنا، و الأخلاق البَطّالَه، و السِّرقَه، و الشَّهادَه الكَضّابَه، و الشَّتيمَه.

لُوقَا 1:51

و هو وَرّا قُدرَتو بِإيدو القَوّيَّه، و شَتَّت فِكر المَتكَبِّرين.

رُومِيَه 1:21

و مَعَ إنَّهُم عِرفو الله، هُم ما مَجَّدوهو زي الله و ما شَكَروهو. لَكِن أفكارُم بِقو بِدون فايدَه، و قُلوبُم الغَشيمَه بِقو فيهُم ضُلُمَّه.

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

رُومِيَه 16:26

و لَكِن ظَهَر هَسَّع و خَبَّرو بيهو كُل الأُمَم بِالكُتُب النَّبَويَّه بِحَسَب الإلَه الأبَدي، عَشانُم يآمِنو و يَطيعوهو.

رُومِيَه 7:23

لَكِنّي أشوف قانون تاني في أعضائي. و هو يَحارِب قانون فِكري، و يَحبُسني لِقانون الخَطيَّه البِشتَغِل في أعضائي.

١ كُورِنْثُوس 1:19

عَشان مَكتوب: ”أنا بَخَسِّر حِكمَة العاقِلين، و أرفُض فَهم الفاهمين.“

١ كُورِنْثُوس 3:19

عَشان حِكمَة الدُّنيا دي، هي حاجَه بَليدَه قِدّام الله. عَشان مَكتوب: ”هو ياخُد الشّاطرين بِغِشُّم.“

٢ كُورِنْثُوس 11:20

عَشانكُم تاخُدوهو بِالصَّبر مِن الزّول اليَعمِلكُم عَبيد، و مِن الزّول الياكُلكُم و يَسرِق مِنَّكُم، و مِن الزّول اليِتكَبَّر عَليكُم، و مِن الزّول اليَضرُبكُم عَلى وشوشكُم.

٢ كُورِنْثُوس 9:13

و عَلَشان إنتو بِيَّنتو نُفوسكُم بِالخِدمَه دي، ناس كُتار بِشكُرو الله عَلَشان طاعَتكُم و شَهادَتكُم لِإنجيل المَسيح، و عَلَشان الهَدِيَّه الكَبيرَه القَسَّمتوها ليهُم و لِلكُل.

فيلِبّي 4:7

و سَلام الله، الفوق كُلّو فَهم، بِحفَظ قُلوبكُم و أفكاركُم في المَسيح يَسُوع.

٢ تَسَالُونِيكِي 2:4

هو يَقاوِم و يَرفَع نَفسو فوق كُلّو حاجَه اليَسَموها إلَه ولّا يَعبُدوها، حَتّى هو يَقعُد في هيكَل الله و يَوَرّي نَفسو زي ما هو إلَه.

٢ تَسَالُونِيكِي 2:8

و بَعَد دا، يَظهَر إنسان الخَطيَّه. و الرَّب يَسُوع بِغلِبو بِنَفَس خَشمو، و بِخَرِّبو بِمَجدو لَمّا بِجي.

عِبرانيين 4:12

عَشان كِلمَة الله حَيَه و نَشيطَه، و سنينا مِن كُلّو سيف العِندو طَرفين. و هي تَقطَع حَتّى تَقَسِّم النَّفس و الرّوح، و المَفاصِل و المُخ، و تَحكُم في أفكار القَلِب و إرَادَتو.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.