٢ كُورِنْثُوس 1:20 - كِتاب العَهد الجَّديد مِن الكِتاب المُقَدَّس

²⁰ عَشان فيهو ”الأيوَه“ لِكُلّو وُعود الله. و عَلَشان كِدا بِنقول فيهو ”آمين“ لِمَجد الله.

٢ كُورِنْثُوس 1:20 Iomraidhean Croise

مَتَّى 6:13

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

لُوقَا 2:14

”المَجد لِلَّه في السَّما، و عَلى الأرض السَّلام بين النّاس الهو مَبسوط مِنَّهُم.“

يُوحَنَّا 1:17

عَشان الله أدّا القانون بِمُوسَى، لَكِن النِّعمَه و الحَق جو بِيَسُوع المَسيح.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 3:5

يَسُوع قال ليهو: ”الحَق الحَق أقول ليك، إذا كان واحِد ما بِتوَلَد مِن المويَه و الرّوح، هو ما بِقدَر يَدخُل مَلَكوت الله.

رُومِيَه 11:36

عَشان كُل الحاجات، مِنّو، و بيهو، و ليهو. ليهو المَجد لِلأبَد! آمين.

رُومِيَه 6:23

عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

١ كُورِنْثُوس 14:16

كان ما كِدا، إذا إنتَ تَبارِك بِالرّوح، كيف الما عِندو الهَدايا الرّوحيَّه يَقدَر يَقول ”آمين“ لَمّا إنتَ تَشكُر؟ عَشان هو ما بِعرِف إنتَ تَقول شِنو.

٢ كُورِنْثُوس 4:15

و دا كُلّو عَشان فايدَتكُم، حَتّى النِّعمَه بِتزيد أكتَر و أكتَر لِكَتيرين، و الشُّكر بِزيد لِمَجد الله.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

غَلَاطِيَّه 3:22

و لَكِن الكِتاب حَبَس كُل الدُّنيا تِحِت قُوَّة الخَطيَّه. و كان كِدا عَشان يَدّي الحاجَه الهو وَعَد بيها بِإيمان بِيَسُوع المَسيح، لِلمؤمِنين.

أفَسُس 1:6

عَشان نَحمِد مَجد نِعمَتو، الأدّاها لينا مَجّاناً في المَحبوب.

أفَسُس 2:7

هو عَمَل دا عَشان يَوَرّي في الزَّمَن الجّاي، غِنى نِعمَتو الأكبَر بِرَحمَتو عَلينا في المَسيح يَسُوع.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

٢ تَسَالُونِيكِي 1:10

لَمّا هو بِجي عَشان يَقبَل المَجد مِن قِدِّسِينو. و في اليوم داك، المؤمِنين بِدّوهو إحتِرام بِفَرَح. و إنتو كَمان بِتكونو مَعاهُم، عَلَشان إنتو صَدَّقتو شَهادَتنا ليكُم.

عِبرانيين 11:13

و ديل كُلُّهُم ماتو في الإيمان. و هُم ما قِبِلو الوُعود، لَكِن شافوها و سَلَّمو عَليها مِن بَعيد. و إعتَرَفو بِأنَّ هُم غَريبين و ضُيوف ساكِنين عَلى الأرض.

عِبرانيين 13:8

يَسُوع المَسيح هو هو أُمبارِح، و النَّهار دا، و لِلأبَد.

عِبرانيين 7:6

و لَكِن الرّاجِل دا ما مِن أولاد لَاوِي، و هو أخَد العُشُر مِن إِبْرَاهِيم، و بارَك الكان عِندو الوُعود.

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.

١ يُوحَنَّا 5:11

و دي الشَّهادَه، الله أدّانا حَياة أبَديَّه، و الحَياة دي في إبنو.

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.

رؤيا 7:12

و قالو: ”آمين! الحَمد و المَجد و الحِكمَه و الشُّكر و الإحتِرام و القُدرَه و القُوَّه لِإلَهنا لِلأبَد! آمين.“