١ تِيمُوثَاوُس 6:9 - كِتاب العَهد الجَّديد مِن الكِتاب المُقَدَّس

⁹ لَكِن النّاس العاوزين يَكونو غَنيين يَقَعو في التَجرِبَه و الفَخ، و في شَهوات كَتيرَه، بَليدَه و مُضِرَّه، البِجُرّو النّاس لِلخَراب و الهَلاك.

١ تِيمُوثَاوُس 6:9 Iomraidhean Croise

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

مَتَّى 19:22

و لَمّا الشّاب سِمِع الكَلام دا، مَرَق حَزين، عَشان كان عِندو مال كَتير.

مَتَّى 26:15

و قال ليهُم: ”إنتو رَضيانين تَدّوني شِنو، و أنا بَسَلِّمو ليكُم؟“ و هُم حَسبو ليهو تَلاتين حِتَّت فِضَّه.

مَتَّى 6:19

ما تَخزِنو لِنُفوسكُم حاجات غاليَه عَلى الأرض، المَكان الفيهو السّوس و الصَّدا ياكلوها، و الحَراميَه يدخُلو بِالقُوَّه و يَسرِقو.

مَرْقُس 4:19

و لَكِن هُموم الدُّنيا، و غِش الغِنى، و مَحَبَّة حاجات تانيَه تَدخُل و تَخنُق الكِلمَه، و هي بِتكون بِدون ثِمار.

لُوقَا 12:21

و بِكون كِدا ليهو البِلِم كَنز لِنَفسو، و ما عِندو غِنى لِلَّه.“

لُوقَا 21:35

عَشان بِجي عَلى كُل السّاكنين عَلى كُل الأرض.

أعمال الرُّسُل 8:20

و بُطْرُس قال ليهو: ”خَلّي قُروشَك تَخسَر مَعاك، عَلَشانَك إفتَكَرتَ تَقدَر تَشتَري هَديَّة الله بِقُروش.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

١ تِيمُوثَاوُس 1:9

و بِنَعرِف دا، القانون ما مَعمول لِلبارين، لَكِن لِلخاطيين و الما بِطيعُو، لِلبَطّالين و المُذنِبين، و لِلبِدون قَداسَه و البِدون دين، لِكاتِلين الأبَهات و الأُمَّهات، و كاتِلين النّاس.

١ تِيمُوثَاوُس 3:7

و كَمان هو يَكون عِندو شَهادَه كوَيسَه مِن النّاس الفي بَرَّه، عَلَشان ما يَقَع في لوم و فَخ إبْلِيس.

١ تِيمُوثَاوُس 6:10

عَشان مَحَبَّة القُروش عِرق كُل الحاجات البَطّالَه. و بَعض مِن النّاس الطَّلَبوهو، ضَلّو عَن الإيمان و طَعنو نُفوسُم بِوَجَع كَتير.

١ تِيمُوثَاوُس 6:17

آمُر الغَنيين في الدُّنيا الحاضِرَه دي أن ما يَكونو مِتكَبِّرين ولّا يَتَّكِلو عَلى الغِنى الما يِستَمِر. لَكِن خَليهُم يَتَّكِلو عَلى الله الحَي، البِدّينا كُلّو حاجَه بِغِنى عَشان نَفرَح بيها.

٢ تِيمُوثَاوُس 2:26

و هُم بِرجَعو لِنُفوسُم و يَهرُبو مِن فَخ إبْلِيس، القَبَض عَليهُم لِيَعمِلو إرَادَتو.

تِيطُس 2:12

و تَعَلِّمنا أن نَنكُر الأفكار الضِّد الله و الشَّهوات المِن الدُّنيا، و نَعيش في الدُّنيا الحاضِرَه بِالفَهم و البِر و خوف الله.

٢ بُطْرُس 2:3

و في طَمَعُم المُعَلِّمين ديل بِياخدو رِبِح مِنَّكُم بِكلماتُم الكاضَبَه. و الحُكم بِتاعُم ما يِتأخَّر، و خَرَابُم ما نايِم.

يَهُوذَا 1:11

يا مُصِيبَتُم! عَلَشانُم مَشو في سِكَّة قايين، و سَلَّمو نُفوسُم لِغَلطَة بَلعام لِلرِّبِح. و هُم ماتو في فِتنَة قُورَح.