١ تِيمُوثَاوُس 6:6 - كِتاب العَهد الجَّديد مِن الكِتاب المُقَدَّس

⁶ لَكِن خوف الله، إذا الزّول فَرحان، دا غِنى عَظيم.

١ تِيمُوثَاوُس 6:6 Iomraidhean Croise

لُوقَا 12:15

و قال ليهُم: ”شوفو و أحرِسو نُفوسكُم مِن كُلّو طَمَع. عَشان حَياة الزّول ما بِتَجي مِن كَترَت الحاجات العِندو.“

لُوقَا 3:14

و كَمان العَساكِر سألوهو و قالو: ”و نِحنا نَعمِل شِنو؟“ و قال ليهُم: ”ما تَظلِمو زول و لا تَشتَكو عَلى زول بِالغِش، و كونو مَبسوطين مِن ماهيَّتكُم.“

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

فيلِبّي 1:21

عَشان الحَياة لَي هي المَسيح، و الموت هو رِبِح.

١ تِيمُوثَاوُس 4:8

عَشان رياضَة الجِّسم عِندَها فايدَه قَليلَه، لَكِن خوف الله عِندو فايدَه لِكُلّو حاجَه. عَشان عِندو وَعد لِلحَياة الفي هَسَّع و الجّايَه.

١ تِيمُوثَاوُس 6:8

لَكِن إذا عِندَنا الأكِل و الهِدوم، خَلّونا نَكون مَبسوطين بيهُم.

عِبرانيين 13:5

أحفَظو حَياتكُم مِن مَحَبَّة القُروش، و كونو مَبسوطين مِن العِندَكُم. عَلَشان الله قال: ”أنا أبَداً ما بَسيبَك، و ما بَخَلّيك وَحدَك أبَداً.“