١ تِيمُوثَاوُس 5:6 - كِتاب العَهد الجَّديد مِن الكِتاب المُقَدَّس

⁶ لَكِن الأرمَلَه التَّعيش بَس عَشان تَكون مَبسوطَه، هي مَيِّتَه ما دام عِندَها حَياة.

١ تِيمُوثَاوُس 5:6 Iomraidhean Croise

مَتَّى 8:22

و لَكِن يَسُوع قال ليهو: ”أتبَعني، و خَلّي المَيِّتين يَدفِنو مَيِّتينُم.“

لُوقَا 12:19

و أقول لِنَفسي، يا نَفسي، عِندِك حاجات كوَيسَه كَتيرَه مَحفوظَه لِسِنين كَتيرَه. إستَريحي، و أُكلي و أشرَبي و كوني مَبسوطَه.

لُوقَا 15:13

و بَعَد أيام قَليلَه، الوَلَد الصَّغَير جَمَع كُلّو حاجَه و سافَر لِبَلَد بَعيدَه. و هِناك وَدَّر مالو في حَياة بَطّالَه.

لُوقَا 15:24

عَشان وَلَدي دا كان مَيِّت و بِقى حَي تاني. و كان ضايِع و إتلَقى. و بَدو يَفرَحو.

لُوقَا 15:32

لَكِن واجِب عَلينا نَفرَح و نَكون مَبسوطين، عَشان أخوك دا كان مَيِّت و حِيى تاني، و كان ضايِع و إتلَقى.“

لُوقَا 16:19

كان في راجِل غَني، و كان بِلبَس حَرير و تيل. و كان بياكُل أكِل كوَيس جِدّاً كُلّو يوم.

لُوقَا 7:25

ولّا طَلَعتو تَشوفو شِنو؟ زول لابِس هِدوم سَمِح؟ شوف! اللابسين الهِدوم الجَّميل و البِعيشو زي الغَنيين، هُم في سَرايات المُلوك.

أفَسُس 2:1

و إنتو كُنتو مَيِّتين بِالذُّنوب و الخَطايا.

أفَسُس 2:5

عَمَلنا حَيين مَعَ المَسيح لَمّا كُنّا مَيِّتين بِالخَطايا. عَشان بِالنِّعمَه إنتو مُخَلَّصين.

أفَسُس 5:14

عَلَشان كِدا هو بِقول: ”أفتَح عُيونَك، إنتَ البِتنوم، و قوم مِن بين المَيِّتين، و المَسيح بِدّيك نور.“

كُولُوسِّي 2:13

لَمّا كُنتو مَيِّتين في الخَطايا و جِسِمكُم ما كان مُطَهَّر، الله عَمَلكُم حَيين مَعاهو. هو غَفَر لينا كُلّو خَطايانا.

٢ تِيمُوثَاوُس 3:6

عَشان هُم مِن النّاس البِدِسّو في البُيوت و يَقبُضو عَلى نِسوان بَليدات، البِشيلو حِمِل خَطايا كَتيرَه، و شَهوات مُختَلِفَه بِقودوهُم.

يَعْقُوب 5:5

حَياتكُم في الأرض كانَت مَليانَه حاجات طَيبَه و سُرور. شَبَعتو قُلوبكُم في يوم الضَّبيحَه.

رؤيا 18:7

بِقَدُر ما هي مَجَّدَت نَفسا و عاشَت حَياة ناعِمَه، أدّوها عَذاب و حُزن. عَلَشان في قَلبا هي تَقول: أنا قاعِدَه مَلِكَه، أنا مُش أرمَلَه، و أنا ما بَبكي أبَداً.

رؤيا 3:1

و أكتِب كَمان لِمَلاك الكَنيسَه الفي ساردِس: ديل الحاجات البِقولو العِندو السَّبعَه أرواح الله و السَّبعَه نُجوم. أنا بَعرِف أعمالَك، و عِندَك إسم زي كَنيسَه حَيَّه، لَكِن إنتَ مَيِّت.