١ تِيمُوثَاوُس 5:25 - كِتاب العَهد الجَّديد مِن الكِتاب المُقَدَّس

²⁵ و كِدا كَمان الأعمال الكوَيسَه بَايِنَه. و الما بَايِنَه ما مُمكِن يَدِسّوها.

١ تِيمُوثَاوُس 5:25 Iomraidhean Croise

مَتَّى 5:16

خَلّو نُوركُم يَنَوِّر كِدا قِدّام النّاس، عَشان يَشوفو أعمالكُم الكوَيسَه، و يَدّو مَجد لِأبوكُم الفي السَّما.

لُوقَا 11:33

ما في زول، وَكِت ما يَوَلِّع فانوس، يَخُتّو في مَخزَن ولّا تِحِت القُفَّه، لَكِن يَخُتّو فوق طَرَبيزَه، عَشان الدّاخِلين يَشوفو النّور.

أعمال الرُّسُل 10:22

و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

أعمال الرُّسُل 22:12

و حَنانيّا، راجِل طَيب حَسَب القانون، و مُحتِرَم مِن اليَهود السّاكنين هِناك،

أعمال الرُّسُل 9:36

و كانَت في يَافَا تِلمِيذَه إسِما طابيثا، و مَعناهو غَزالَه. و هي كانَت مَليانَه بِالأعمال الطَّيبَه، و كانَت بِتساعِد المَساكين.

فيلِبّي 1:11

مَليانين مِن ثِمار البِر البِجي بِيَسُوع المَسيح لِمَجد الله و حَمدو.

١ تِيمُوثَاوُس 3:7

و كَمان هو يَكون عِندو شَهادَه كوَيسَه مِن النّاس الفي بَرَّه، عَلَشان ما يَقَع في لوم و فَخ إبْلِيس.

رؤيا 14:13

و سِمِعتَ صوت مِن السَّما يَقول: ”أكتِب: مُبارَكين المَيِّتين، البِموتو في الرَّب مِن هَسَّع!“ ”أيوَه،“ يَقول الرّوح: ”عَلَشانُم بِستَريحو مِن أتعابُم، عَشان أعمالُم بِيَتبَعوهُم.“