١ تِيمُوثَاوُس 4:8 - كِتاب العَهد الجَّديد مِن الكِتاب المُقَدَّس

⁸ عَشان رياضَة الجِّسم عِندَها فايدَه قَليلَه، لَكِن خوف الله عِندو فايدَه لِكُلّو حاجَه. عَشان عِندو وَعد لِلحَياة الفي هَسَّع و الجّايَه.

١ تِيمُوثَاوُس 4:8 Iomraidhean Croise

مَتَّى 12:32

و اليَقَول كِلمَه بَطّالَه ضِد إبن الإنسان، بِكون مَغفور ليهو. و لَكِن اليَقول ضِد الرّوح القُدُس ما بِكون مَغفور ليهو، ما في الزَّمَن دا ولّا في الزَّمَن الجّاي.

مَتَّى 19:29

و كُلّو واحِد الخَلّى بُيوت ولّا أخوان ولّا أخوات ولّا أبو ولّا أُم ولّا أولاد ولّا زِراعات فِشان إسمي، هو بياخُد مِيَّة مَرَّه، و بِتكون ليهو الحَياة الأبَديَّه.

مَتَّى 6:33

لَكِن في الأوَّل، أطلُبو مَلَكوت الله و بِرّو، و كُل الحاجات ديل بِجوكُم زِيادَه.

مَرْقُس 10:30

إلّا يَقبَل مِيَّة مَرَّه هَسَّع في الزَّمَن دا: بُيوت، و أخوان، و أخوات، و أُمَّهات، و أولاد، و زِراعات مَعَ طَرد، و في الزَّمَن الجّاي الحَياة الأبَديَّه.

لُوقَا 5:38

لَكِن الخَمرَه الجَديدَه لازِم يَخُتّوها في البُرمَه الجَديدَه.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

١ كُورِنْثُوس 3:22

إذا كان بُولُس ولّا أَبُلُّوس ولّا بُطْرُس ولّا الدُّنيا ولّا الحَياة ولّا الموت ولّا الوَكِت القَريب ولّا الجّاي، عِندَكُم كُلّو حاجَه.

١ كُورِنْثُوس 8:8

لَكِن الأكل ما بِقَرِّبنا لِلَّه. إذا ما أكَلنا ما نَكون ناقصين، و إذا أكَلنا ما نَزيد حاجَه.

١ تِيمُوثَاوُس 4:7

كون بَعيد مِن حِكايات الكُبار في السِّن بِتاع السّوق، و عَلِّم نَفسَك خوف الله.

١ تِيمُوثَاوُس 6:3

إذا أي واحِد يَعَلِّم تَعليم تاني و ما يَتَّفِق لِلكَلام الصَّحيح، كَلام رَبَّنا يَسُوع المَسيح، و لِلتَعليم الهو حَسَب خوف الله،

١ تِيمُوثَاوُس 6:5

و يَجيب الشَّكلات المُستَمِرَّه بين رُجال عَقلُم خَربان، الاَخَدو مِنَّهُم الحَق. و هُم يَفتَكِرو خوف الله طَريق عَشان يَبقى غَني.

١ تِيمُوثَاوُس 6:6

لَكِن خوف الله، إذا الزّول فَرحان، دا غِنى عَظيم.

٢ تِيمُوثَاوُس 3:5

عِندَهُم صورَة خوف الله لَكِن هُم بِنكُرو قُوَّتو. كون بَعيد مِن ديل.

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.

رؤيا 3:12

الزّول البِغلِب، أنا بَعمِلو عَمود في هيكَل إلَهي. و هو أبَداً ما بِمرُق مِنّو مَرَّه تانيَه. و بَكتِب عَليهو إسم إلَهي و إسم مَدينَة إلَهي، أُورُشَلِيم الجَديدَه، النّازلَه مِن السَّما مِن إلَهي، و إسمي الجَّديد.

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.