١ تِيمُوثَاوُس 4:6 - كِتاب العَهد الجَّديد مِن الكِتاب المُقَدَّس

⁶ إذا تَزَكِّر الأخوان بِالحاجات دي، بِتكون خَدّام طَيب لِلمَسيح يَسُوع، و تَدّي أكِل لِنَفسَك بِكَلام الإيمان و بِالتَعليم الكَويس الأنتَ تِبِعتو.

١ تِيمُوثَاوُس 4:6 Iomraidhean Croise

مَتَّى 13:52

و قال ليهُم: ”عَلى كِدا، كُلّو مُعَلِّم القانون البِقي تِلميذ في مَلَكوت السَّما، هو زي زول، سيد بيت، بِطَلِّع مِن المَخزَن بِتاعو حاجات غاليَه، جَديدَه و قَديمَه كَمان.“

لُوقَا 1:3

و بَعَد ما فَتَّشتَ عَلى كُلّو شي مِن الأوَّل، حاجَه بِحاجَه، إفتَكَرتَ إنّو كوَيس أن أكتِب ليك بِتَرتيب، يا ثَاوُفِيلُس العَزيز،

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

أعمال الرُّسُل 20:35

و وَرّيتكُم في كُلّو حاجَه كيف لازِم نَتعَب لِنَساعِد الضَّعيفين، و نِزَكَّر كِلمات الرَّب يَسُوع القال: ’هو البِدّي بِكون مُبارَك أكتَر مِن البِقبَل.“

رُومِيَه 15:15

و لَكِن كَتَبتَ ليكُم بِأكتَر شَجاعَه في بَعض مِن الأسئلَه، عَشان أذَكِّركُم بيها بِسَبَب النِّعمَه الأدّاني ليها الله.

١ كُورِنْثُوس 4:17

عَشان كِدا رَسَّلتَ ليكُم تِيمُوثَاوُس، إبني الحَبيب و الأمين في الرَّب. و هو بِذَكِّركُم بِطُرُقي في المَسيح زي ما بَعِلِّم في كُلّو مَحَل في كُلّو كَنيسَه.

٢ كُورِنْثُوس 11:23

هُم خَدّامين المَسيح؟ أنا أحسَن. بَتكَلَّم زي المَجنون. أنا تِعِبتَ زِيادَه كَتير، جَلَدوني أكتَر، كُنتَ في السِّجِن مَرّات أكتَر، و في خَطَر الموت مَرّات كَتيرَه.

٢ كُورِنْثُوس 3:6

و هو أدّانا قُوَّه عَشان نَكون خَدّامين إتِّفاق جَديد. و دا مُش بِالقانون المَكتوب، لَكِن بِالرّوح. عَشان القانون المَكتوب بِجيب الموت، لَكِن الرّوح بِدّي حَياة.

٢ كُورِنْثُوس 6:4

لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

أفَسُس 6:21

تِيخِيكُس، الأخو المَحبوب، و الخَدّام الأمين في الرَّب، بِكَلِّمكُم بِكُلّو شي عَشان بِتَعرِفو كيف أنا و أنا بَعمِل شِنو.

فيلِبّي 2:20

ما عِندي واحِد زيهو، اليَهتَم بِحالكُم بِإخلاص.

فيلِبّي 2:22

و لَكِن إنتو عارفين كيف هو وَرّا فايدَتو، و هو خَدَم مَعاي في الإنجيل، زي وَلَد مَعَ أبوهو.

فيلِبّي 3:16

لَكِن خَلّينا نَعيش بِالحَق لِلشّي الوِصِلنا ليهو.

كُولُوسِّي 2:19

و هو ما ماسِك بِالمَسيح الرّاس. و كُل الجِّسِم مَربوط سَوا في المَسيح بِرُباطو و مَفاصِلو. و الجِّسِم يَكبَر زي ما الله يَعمِلو يَكبَر.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

كُولُوسِّي 4:7

تِيخِيكُس بِخَبِّركُم عَن أحوالي كُلَّها. هو أخو مَحبوب و خَدّام أمين و خَدّام مَعانا في الرَّب.

١ تَسَالُونِيكِي 3:2

و رَسَّلنا تِيمُوثَاوُس، أخونا و خَدّام الله مَعانا في إنجيل المَسيح، عَشان يَشَدِّدكُم في إيمانكُم و يَشَجِّعكُم،

١ تِيمُوثَاوُس 1:10

القانون لِليَعمِلو الزِّنا و المِخَنِّسين، و لِلبِسرِقو النّاس، لِلكَضّابين، و البِحلِفو بِالكِضِب. و القانون لِأي شي تاني البِقاوِم التَّعليم الصَّحيح،

١ تِيمُوثَاوُس 4:16

شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.

١ تِيمُوثَاوُس 6:3

إذا أي واحِد يَعَلِّم تَعليم تاني و ما يَتَّفِق لِلكَلام الصَّحيح، كَلام رَبَّنا يَسُوع المَسيح، و لِلتَعليم الهو حَسَب خوف الله،

٢ تِيمُوثَاوُس 1:6

و لِلسَّبَب دا أزَكِّرَك أن تَحَرِّك هَديَّة الله الفيك عَلَشان أنا خَتّيت إيديني عَليك.

٢ تِيمُوثَاوُس 3:10

و لَكِن إنتَ تِبِعتَ تَعليمي، و مَشيَتي، و قَصدي، و إيماني و صَبري، و مَحَبَّتي، و إحتِمالي،

٢ تِيمُوثَاوُس 4:3

عَشان الوَكِت بِجي لَمّا النّاس ما يِتحَمَّلَو التَعليم الصَّحيح. لَكِن حَسَب الشَّهوات بِتاعتُم بِلِمّو لِنُفوسُم مُعَلِّمين عَشان يَقولو الهُم عاوزين بِشِدَّه أن يَسمَعو.

تِيطُس 2:1

لَكِن إنتَ، إتكَلَّم بِاليِستَحِق التَّعليم الصَّحيح.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

٢ يُوحَنَّا 1:9

و الما بِستَمِر في تَعليم المَسيح و يَجري قِدّامو، ما عِندو الله. و البِستَمِر في تَعليم المَسيح، هو عِندو الأبو و الإبن، هُم الإتنين.

يَهُوذَا 1:5

أنا عاوِز أذَكِّركُم، و لَو عِرِفتو كُلّو شي مَرَّه واحدَه، أن الرَّب خَلَّص الشَّعب مِن بَلَد مَصر، لَكِن بَعَد دا خَرَب النّاس الما آمَنو.