١ تِيمُوثَاوُس 4:13 - كِتاب العَهد الجَّديد مِن الكِتاب المُقَدَّس

¹³ لِغايَة ما بَجي، خَلّي بالَك لِلقِرايَه، و بَشِّر و عَلِّم.

١ تِيمُوثَاوُس 4:13 Iomraidhean Croise

يُوحَنَّا 5:39

إنتو تَفَتِّشو الكُتُب، عَشان إنتو تَفتَكِرو عِندَكُم فيهُم الحَياة الأبَديَّه. و هُم البِشهَدو لَي.

أعمال الرُّسُل 17:11

و ديل كانو أفضَل مِن الفي تَسَالُونِيكِي، عَشان قِبلو الكِلمَه بِكُلّو نَشاط. و كانو كُلّو يوم بِفَتِّشو الكُتُب عَشان يَشوفو إذا الحاجات دي صَحَيحَه.

أعمال الرُّسُل 6:4

و لَكِن نِحنا نِستَمِر في الصَّلاه و خِدمَة الكِلمَه.“

رُومِيَه 12:8

إذا هَديَّاتو كَلام الشَّجاعَه، خَليهو يَشَجِّع. البِدّي، خَليهو يَدّي و يَكون كَريم. العِندو سُلطَه، خَليهو يَشتَغِل شَديد. العِندو رَحمَه، خَليهو يَرحَم بِفَرَح.

١ كُورِنْثُوس 14:26

و كِدا نَقول شِنو، يا أخوان؟ لَمّا تِتلَمّو، كُلّو واحِد مِنَّكُم عِندو مَزمور، ولّا عِندو تَعليم، ولّا عِندو رؤيا، ولّا عِندو لُغَه، ولّا عِندو تَرجَمَه. خَلّي كُلّو حاجَه تَكون لِلمُساعَدَه.

١ كُورِنْثُوس 14:3

لَكِن البِتنَبّا، يَكَلِم النّاس عَشان مُساعَدَتُم، و البِشارَه، و التَّعزيَه.

١ كُورِنْثُوس 14:6

و هَسَّع، يا أخوان، إذا أجيكُم و أتكَلَّم بِلُغات، الفايدَه ليكُم شِنو إذا ما أكَلِّمكُم بِرؤيا ولّا بِمَعرِفَه ولّا بِنُبوَّه ولّا بِتَعليم؟

١ تِيمُوثَاوُس 4:16

شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.

١ تِيمُوثَاوُس 4:6

إذا تَزَكِّر الأخوان بِالحاجات دي، بِتكون خَدّام طَيب لِلمَسيح يَسُوع، و تَدّي أكِل لِنَفسَك بِكَلام الإيمان و بِالتَعليم الكَويس الأنتَ تِبِعتو.

٢ تِيمُوثَاوُس 3:15

و مِن وَكِت إنتَ طِفل، كُنتَ تَعرِف الكُتُب المُقَدَّسَه البِتَقدَر تَديك فَهم لِلخَلاص بِالإيمان الفي المَسيح يَسُوع.

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.

تِيطُس 2:15

و قول ليهُم الحاجات دي. و إترَجّى و وَبِّخ بِكُلّو سُلطَه. و ما تَخَلّي أي واحِد يَحتَقِرَك.