١ تِيمُوثَاوُس 4:10 - كِتاب العَهد الجَّديد مِن الكِتاب المُقَدَّس

¹⁰ و عَشان دا نَتعَب و نَشتَغِل شَديد، عَلَشان خَتّينا رَجاءنا في الله الحَي، مُخَلِّص كُل النّاس، خُصوصاً المؤمِنين.

١ تِيمُوثَاوُس 4:10 Iomraidhean Croise

مَتَّى 16:16

سِمْعَان بُطْرُس رَدَّ عَليهو و قال: ”إنتَ المَسيح، إبن الله الحَي!“

مَتَّى 27:43

هو صَدَّق بِالله. خَلّي الله يَخَلِّصو هَسَّع إذا هو يَحِبّو، عَشان هو قال: أنا إبن الله.“

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 4:42

و قالو لِلمَرَه: ”بَعَد دا نِحنا ما آمَنّا عَلَشان الكَلام بِتاعِك بَس، لَكِن عَشان نِحنا بِزاتنا سِمِعنا، و عِرِفنا إنّو دا هو بِالحَقيقَه المَسيح، مُخَلِّص الدُّنيا.“

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

٢ كُورِنْثُوس 1:10

و هو خَلَّصنا مِن موت زي دا و بِخَلِّصنا. و خَتّينا فيهو رَجاءنا إنّو بِخَلِّصنا مَرَّه تانيَه.

١ تِيمُوثَاوُس 2:3

عَشان دا كوَيس و مَقبول قِدّام الله مُخَلِّصنا.

١ تِيمُوثَاوُس 2:4

و هو عاوِز كُل النّاس يَكونو مُخَلَّصين و يَجو لِمَعرِفَة الحَق.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

١ تِيمُوثَاوُس 3:15

لَكِن إذا إتأخَّرتَ، إنتَ بِتَعرِف كيف النّاس لازِم يَعِيشو بين أهل بيت الله، الهو كَنيسَة الله الحَي، عَمود و أساس الحَق.

١ تِيمُوثَاوُس 6:17

آمُر الغَنيين في الدُّنيا الحاضِرَه دي أن ما يَكونو مِتكَبِّرين ولّا يَتَّكِلو عَلى الغِنى الما يِستَمِر. لَكِن خَليهُم يَتَّكِلو عَلى الله الحَي، البِدّينا كُلّو حاجَه بِغِنى عَشان نَفرَح بيها.

عِبرانيين 11:26

و هو حَسَب لوم المَسيح غِنى أكبَر مِن كُنوز مَصر، عَلَشانو كان يِستَنّى لِلأُجرَه.

عِبرانيين 13:13

كِدا، خَلّونا نَمرُق بَرَّه مِن مَحَل الخيام، حامِلين لومو.

١ بُطْرُس 1:21

إنتو البيهو بِتآمِنو بِالله القَوَّمو مِن بين المَيِّتين و أدّاهو المَجد، و عَشان كِدا إيمانكُم و رَجاكُم هُم في الله.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

١ يُوحَنَّا 4:14

و نِحنا شُفنا و نَشهَد أن الأبو رَسَّل الإبن عَشان يَكون مُخَلِّص الدُّنيا.