١ تِيمُوثَاوُس 4:1 - كِتاب العَهد الجَّديد مِن الكِتاب المُقَدَّس

¹ و الرّوح يَقول بِكِلمات بَايِنَه، بَعض مِن النّاس بِخَلّو الإيمان في الزَّمَن الأخير، و يَمشو وَرا أرواح بِغِشّو و تَعاليم شياطين.

١ تِيمُوثَاوُس 4:1 Iomraidhean Croise

مَتَّى 18:7

حُزن لِناس الدُّنيا عَشان الحاجات البيها النّاس بِكونو مَجَرَّبين لِلخَطيَّه. لازِم الحاجات دي بِتَجي، لَكِن حُزن لِلزّول البِخَلّي الحاجات تَجي بيهو.

لُوقَا 17:1

و قال لِتَلاميذو: ”الحاجات البِتكون سَبَب الخَطيَّه لِلنّاس لازِم تَجي، و لَكِن مُصيبَه لِلزّول البِجيب الحاجات دي.

يُوحَنَّا 16:13

لَكِن لَمّا روح الحَق يَجي، هو بِوَرّيكُم كُل الحَق. عَشان هو ما بِتكَلَّم مِن نَفسو، لَكِن كُل البِسمَع، هو بِتكَلَّم بيهو. و بِوَرّيكُم الحاجات الجّايَه.

أعمال الرُّسُل 13:2

و وَكِت ما هُم بِخدِمو الرَب و بِصومو، الرّوح القُدُس قال: ”جَهِّزو لَي بَرْنَابَا و شَاوُل لِلعَمَل الناديتُم ليهو.“

أعمال الرُّسُل 17:18

و بَعض مِن النّاس مِن المِتعَلِّمين قابَلوهو، الأَبِيكُورِيِّين و الرِّوَاقِيِّين. و بَعض مِنَّهُم قالو: ”الغَلَباوي دا عاوِز يَقول شِنو؟“ و تانيين قالو: ”يَظهَر إنّو يَنادي بِآلِهَه غَريبَه.“ و قالو كِدا عَلَشانو كان بِبَشِّر بِيَسُوع و القيامَه.

أعمال الرُّسُل 20:23

إلّا الرّوح القُدُس يَشهَد لَي في كُلّو مَدينَه، و يَقول جَنازِير و أتعاب يِستَنّوني.

أعمال الرُّسُل 21:11

و جا لينا و أخَد حِزام بُولُس، و رَبَط بيهو إيدينو و رِجلينو و قال: الرّوح القُدُس يَقول: ”كِدا، اليَهود في أُورُشَلِيم ماشين يَربُطو الرّاجِل، سيد الحِزام دا، و بِسَلِّموهو لِإيدين الأُمَم.“

أعمال الرُّسُل 28:25

و ما إتَّفَقو بَعضَهُم مَعَ بَعض، و إبتَدو يَمرُقو، بَعَد ما بُولُس قال كِلمَه واحدَه: ”الرّوح القُدُس كَلَّم أبَهاتكُم كوَيس بِإِشَعْيَاء النَّبي،

١ كُورِنْثُوس 10:20

لا، لَكِن ديل اليَضبَحو ضَبايح لِلأصنام، يَضبَحوها لِلشّياطين، مُش لِلَّه. ما بَدوركُم تَكونو شُرَكاء الشّياطين.

١ كُورِنْثُوس 11:19

عَشان لازِم يَكون في بينكُم إنقِسامات حَتّى ديل الحَق مَعاهُم، بِكونو بيّنين بينكُم.

١ كُورِنْثُوس 12:11

لَكِن الرّوح الواحِد نَفسو يَعمِل كُلّو دا، و يَدّي كُلّو واحِد بَراهو زي ما هو داير.

١ كُورِنْثُوس 2:10

و الله وَرّاهو لينا بِروحو. عَشان الرّوح يَفَتِّش كُلّو حاجَه حَتّى حاجات الله الغَريقَه.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

كُولُوسِّي 2:18

ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

٢ تِيمُوثَاوُس 4:4

و هُم يَدَوِّرو إضنينُم مِن الحَق، و يَرَجِّعو عَنّو لِحِكايات النّاس.

يَعْقُوب 3:15

الحِكمَه دي ما بِتَنزِل مِن فوق، لَكِن هي أرضيَه، جِسميَّه، شيطانيَه.

١ بُطْرُس 1:20

دا كان مَعروف عَنّو مِن قُبّال، مِن قَبِل خَليقَة الدُّنيا، لَكِن ظَهَر في الأزمان الأخيرَه عَشان خاطِركُم.

٢ بُطْرُس 2:1

و كانو بين النّاس أنبياء كاضِبين كَمان، زي ما بِكونو بينكُم مُعَلِّمين كاضِبين كَمان. و هُم بِجيبو بِالسِّر أفكار خَرابيَه، حَتّى يَنكُرو الرَّب الإشتَراهُم. و يَجيبو عَلى نُفوسُم خَراب سَريع.

٢ بُطْرُس 3:3

و في الأوَّل أعرِفو إنّو في الأيام الأخيرَه بِجو ناس البِضحَكو عَلى الحَق، و بِعيشو حَسَب شَهوات نُفوسُم.

١ يُوحَنَّا 2:18

يا أولاد، دي السّاعَه الأخيرَه. و زي ما سِمِعتو ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه.

١ يُوحَنَّا 4:6

نِحنا مِن الله. و البِعرِف الله يَسمَع لينا، و الما مِن الله ما بِسمَع لينا. بِدا بِنَعرِف روح الحَق و روح الكِضِب.

يَهُوذَا 1:18

عَشانُم كانو بِقولو ليكُم: ”بِكونو في زَمَن الأخير ناس يِضحَكو عَلى الله، ماشين حَسَب شَهوَاتُم الشَّرّيرَه.“

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 16:14

عَشان هُم أرواح شياطين بيَعمِلو عَلامات. و يَمرُقو لِمُلوك الدُّنيا كُلَّها عَشان يَلِمّوهُم لِكِتال اليوم الكَبير، يوم الله القادِر عَلى كُلّو شي.

رؤيا 18:2

و هو كورَك بِصوت عالي و قال: ”وَقَعَت! وَقَعَت بابِل العَظيمَه! هي بِقَت بيت لِلشّياطين، و سِجِن لِكُلّو روح نَجِس، و سِجِن لِكُلّو طير نَجِس و مَكروه،

رؤيا 18:23

و نور الفانوس ما بِنَوِّر فيكي بَعَد دا أبَداً. و صوت العَريس و العَروسَه ما بِسمَعوهو فيكي بَعَد دا أبَداً. عَشان تُجّارِك كانو الكُبار في الأرض، و بِسِحرك كُل الأُمَم ضَلّو.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 2:11

العِندو أضان، خَليهو يَسمَع البِقولو الرّوح لِلكَنايس. و هو البِغلِب، الموت التّاني ما بِضُرّو.

رؤيا 2:17

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو مِن المَنّا المَدسوس. و بَدّيهو حَجَر أبيَض، مَكتوب عَليهو إسم جَديد، ما في واحِد يَعرِفو إلّا البِقبَلو.

رؤيا 2:29

العِندو أضان، خَليهو يَسمَع البِقولو الرّوح لِلكَنايس.

رؤيا 2:7

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو أن ياكُل مِن شَجَرَة الحَياة الفي جَنَّة الله.

رؤيا 20:10

و إبْلِيس، الكان بِغِشُّم، إترَمى في بِركَة النّار و الكِبريت لِلمَكان الفيهو كَمان الوَحَش و النَّبي الكَضّاب. و ماشين يَعَذِّبوهُم نَهار و ليل لِلأبَد.

رؤيا 20:8

و هو بِمرُق عَشان يَغِش الأُمَم في أقسام الأرض الأربَعَه، يَعني جوج و ماجوج، و عَلَشان يَلِمُّم لِلحَرب. و عَدَدُم مِثِل رَمل البَحَر.

رؤيا 3:13

العِندو أضان، خَليهو يَسمَع البِقولو الرّوح لِلكَنايس.

رؤيا 3:22

العِندو أضان، خَليهو يَسمَع البِقولو الرّوح لِلكَنايس.“

رؤيا 3:6

العِندو أضان، خَليهو يَسمَع البِقولو الرّوح لِلكَنايس.

رؤيا 9:20

و باقي النّاس الما كانو مَكتولين بِالضَّرَبات دي لِسَّع ما تابو مِن أعمال إيدينُم. و هُم إستَمَرّو يَعبُدو الشّياطين و الأصنام الدَّهَبي و الفِضَّه و النَّحاس الأصفَر و الحَجَر و الخَشَب. و الأصنام ديل ما بِقدَرو يَشوفو ولّا يَسمَعو ولّا يَمشو.