١ تِيمُوثَاوُس 2:7 - كِتاب العَهد الجَّديد مِن الكِتاب المُقَدَّس

⁷ و لِلقَصِد دا كُنتَ مُختار أكون مُبَشِّر و رَسول. (أنا بَقول الحَق و ما بَكَضِّب.) و أنا مُعَلِّم لِلأُمَم في الإيمان و الحَق.

١ تِيمُوثَاوُس 2:7 Iomraidhean Croise

يُوحَنَّا 7:35

اليَهود قالو الواحِد لِلتاني: ”الرّاجِل دا عاوِز يَمشي وين حَتّى نِحنا ما ماشين نَلقاهو؟ هو عاوِز يَمشي لِشَعبنا السّاكنين في اليونان و يَعَلِّم اليونانيين؟

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

أعمال الرُّسُل 22:21

و الرَّب قال لَي: ’أمشي، عَشان أنا بَرَسِّلَك بَعيد لِلأُمَم.“

أعمال الرُّسُل 26:20

لَكِن خَبَّرتَ في الأوَّل النّاس الفي دِمَشق، و بَعدين، ديل الفي أُورُشَلِيم و كُلّو مَحَلّات اليَهُودِيَّه، و بَعدين الأُمَم كَمان. و خَبَّرتُم أن يَتوبو و يَرجَعو لِلَّه، و يَعمِلو أعمال تِستَحِق التّوبَه.

أعمال الرُّسُل 9:15

لَكِن الرَّب قال ليهو: ”أمشي، عَشان هو بُرمَه مُختارَه لِيَشيل إسمي قِدّام الأُمَم و المُلوك و بَني إِسْرَائِيل.

رُومِيَه 1:9

عَشان الله، البَخدِمو بِروحي في إنجيل إبنو، بِشهَد لَي كيف أتذَكَّركُم في كُلّو وَكِت في صَلَواتي.

رُومِيَه 10:14

و لَكِن كيف بِنادو لِلما آمَنو بيهو؟ و كيف بِآمِنو بِالما سِمِعوهو؟ و كيف بِسمَعو بِدون مُبَشِّر؟

رُومِيَه 11:13

هَسَّع بَكَلِّمكُم، يا أُمَم، عَلَشان أنا رَسول لِلأُمَم، أنا بَمَجِّد خِدمَتي.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

رُومِيَه 9:1

أقول الحَق في المَسيح. ما بَكَضِّب. و ضَميري شاهِد لَي بِالرّوح القُدُس.

١ كُورِنْثُوس 9:1

أنا ما حُر؟ أنا ما رَسول؟ ما شُفتَ يَسُوع رَبَّنا؟ إنتو ما عَمَلي في الرَّب؟

٢ كُورِنْثُوس 11:31

الله أبو الرَّب يَسُوع، المُبارَك لِلأبَد، يَعرِف أنا ما بَكَضِّب.

غَلَاطِيَّه 1:16

كان مَبسوط يَوَرّي إبنو فِيني، عَشان أبَشِّر بيهو بين الأُمَم. و في الوَكِت داك أنا ما سألتَ أي زول يَدّيني نَصيحَه.

غَلَاطِيَّه 1:20

و البَكتِب ليكُم هو قِدّام الله، و ما بَكَضِّب فيهو.

غَلَاطِيَّه 2:16

و بِنَعرِف الزّول ما يِتبَرَّر بِأعمال القانون، لَكِن بِالإيمان بِيَسُوع المَسيح. نِحنا كَمان آمَنّا بِيَسُوع المَسيح عَشان نِتبَرَّر بِالإيمان بِالمَسيح، مُش بِأعمال القانون. عَلَشان و لا واحِد يِتبَرَّر بِأعمال القانون.

غَلَاطِيَّه 2:9

و يَعْقُوب و بُطْرُس و يُوحَنَّا، و هُم المُحتَرمين زي عِمدان، أدّاني أنا و بَرْنَابَا يَمين الشَّرِكَه، لَمّا عِرفو النِّعمَه الأدّاني الله. هُم إتَّفَقو نِحنا نَمشي لِلأُمَم و هُم لِلمُطَهَّر.

غَلَاطِيَّه 3:9

عَلَشان كِدا، هُم العِندَهُم إيمان، يِتبارَكو مَعَ إِبْرَاهِيم المؤمِن.

٢ تِيمُوثَاوُس 1:11

و لِلإنجيل دا، الله عَمَلني مُبَشِّر و رَسول و مُعَلِّم.

٢ بُطْرُس 2:5

و الله ما رَحَم عَلى الدُّنيا القَديمَه لَمّا هو جاب الطَّوَفان عَلى ناس الدُّنيا الما خافو الله. لَكِن الله حَفَظ نُوح، مُبَشِّر لِلبِر، و سَبعَه تانيين.