١ تِيمُوثَاوُس 1:5 - كِتاب العَهد الجَّديد مِن الكِتاب المُقَدَّس

⁵ و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

١ تِيمُوثَاوُس 1:5 Iomraidhean Croise

مَتَّى 12:35

الزّول الطَّيب، بِطَلِّع حاجات طَيبَه مِن قَلبو الطَّيب. و الزّول البَطّال، بِطَلِّع حاجات بَطّالَه مِن قَلبو البَطّال.

مَتَّى 5:8

مُبارَكين النُّضاف القَلب، عَشانُم بِشوفو الله.

أعمال الرُّسُل 15:9

و هو ما عَمَل فارِق بينَنا و بِينُم، عَشان نَضَّف قُلوبُم بِالإيمان.

أعمال الرُّسُل 23:1

بُولُس عايَن لِلمَجِلس و قال: ”يا رُجال و أخوان، أنا عِشتَ قِدّام الله بِضَمير فيهو سَلام حَتّى اليوم دا.“

أعمال الرُّسُل 24:16

كِدا بَعِلِّم نَفسي عَشان يَكون لَي دايماً ضَمير بِدون لوم قِدّام الله و النّاس.

رُومِيَه 10:4

عَشان المَسيح نِهايَة القانون، عَلَشان يَكون في بِر لِكُلّو واحِد البِآمِن.

رُومِيَه 12:9

خَلّي المَحَبَّه تَكون مُخلِصَه. أكرَهو البَطّال، أمسِكو بِالكوَيس.

رُومِيَه 14:15

إن كان أخوك يِتحَيَّر بِسَبَب أكل إنتَ تاكلو، إنتَ ما تَمشي بَعَد دا في المَحَبَّه. ما تَكَسِّر بِأكلَك داك، الزّول المات المَسيح فِشانو.

رُومِيَه 9:1

أقول الحَق في المَسيح. ما بَكَضِّب. و ضَميري شاهِد لَي بِالرّوح القُدُس.

١ كُورِنْثُوس 13:1

إذا كان بَتكَلَّم بِلُغات النّاس و المَلائكَه، و لَكِن ما عِندي مَحَبَّه، بِقيت زي جَرَس لَمّا واحِد يَدُقّو، ولّا نَحاس لَمّا الزّول يَضرُبو.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

١ تِيمُوثَاوُس 1:18

و دا الأمر الأنا بَدّيك، يا وَلَدي تِيمُوثَاوُس. و هو حَسَب النُّبوات الإتكَلَّمَت عَنَّك مِن قُبّال. عَلَشان كِدا بِمُساعَدَتُم، تَحارِب الحَرب الكَويس،

١ تِيمُوثَاوُس 1:19

و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

١ تِيمُوثَاوُس 3:9

و هُم قاعِدين يَمسِكو سِر الإيمان بِضَمير نَضيف.

٢ تِيمُوثَاوُس 1:3

أنا أشكُر الله البَخدِمو بِضَمير نَضيف، زي ما أبَهاتي خَدَموهو، لَمّا أتزَكَّرَك دايماً في صَلَواتي ليل و نَهار.

٢ تِيمُوثَاوُس 1:5

و أتزَكَّر إيمانَك المُخلِص، السَّكَن في الأوَّل في حَبوبتَك لُوئِيس و أُمَّك أَفْنِيكِي و أنا مِتأكِّد بِسكُن فيك كَمان.

٢ تِيمُوثَاوُس 2:22

أجري مِن الشَّهوات بِتاعَت الشَّباب، و أمشي وَرا البِر و الإيمان و المَحَبَّه و السَّلام مَعَ النّاس البِنادو بِالرَّب مِن قَلِب نَضيف.

تِيطُس 1:15

لِلنّاس قُلوبُم نَضيفَه، كُلّو حاجَه نَضيفَه ليهُم. لَكِن لِلنَّجِسين و الما مؤمِنين، ما في حاجَه نَضيفَه ليهُم. لَكِن أفكارُم و ضَميرُم خَربانين.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

عِبرانيين 13:18

صَلّو فِشانّا. بِنَعرِف بِالحَق نِحنا عِندَنا ضَمير طَيب، و نِحنا عاوِزين نَعيش حَياة أمينَه في كُلّو حاجَه.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

يَعْقُوب 4:8

قَرِّبو لِلَّه و هو بِقَرِّب ليكُم. غَسِّلو إيدينكُم، يا خاطيين، و نَضِّفو قُلوبكُم، إنتو العِندَكُم فِكرين.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

١ بُطْرُس 3:16

خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

١ بُطْرُس 4:8

فوق كُلّو شي، حِبّو بَعضَكُم بَعض بِمَحَبَّه شَديدَه، عَشان المَحَبَّه تَغَطّي خَطايا كَتيرَه.

٢ بُطْرُس 1:7

و لِخوف الله حُب الأخوان، و لِحُب الأخوان المَحَبَّه.

١ يُوحَنَّا 3:10

بِدا، أولاد الله مَعروفين و أولاد إبْلِيس مَعروفين. كُل الما بيَعمِل البِر ما مِن الله، و كِدا الما بِحِب أخوهو كَمان.

١ يُوحَنَّا 3:23

و دا هو أمرو أن نآمِن بِإسم إبنو يَسُوع المَسيح و نَحِب بَعَضَنا بَعض، زي ما أدّانا أمر.

١ يُوحَنَّا 3:3

و كُلّو واحِد العِندو الرَّجاء دا فيهو، يَنَضِّف نَفسو زي ما هو نَضيف.