١ تِيمُوثَاوُس 1:2 - كِتاب العَهد الجَّديد مِن الكِتاب المُقَدَّس

² لِتِيمُوثَاوُس وَلَدي بِالحَق في الإيمان: نِعمَه و رَحمَه و سَلام مِن الله الأبو و المَسيح يَسُوع رَبَّنا.

١ تِيمُوثَاوُس 1:2 Iomraidhean Croise

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

غَلَاطِيَّه 1:3

نِعمَه ليكُم و سَلام مِن الله الأبو و رَبَّنا يَسُوع المَسيح.

١ تَسَالُونِيكِي 3:2

و رَسَّلنا تِيمُوثَاوُس، أخونا و خَدّام الله مَعانا في إنجيل المَسيح، عَشان يَشَدِّدكُم في إيمانكُم و يَشَجِّعكُم،

١ تِيمُوثَاوُس 1:12

و أنا أشكُر المَسيح يَسُوع رَبَّنا الأدّاني قُوَّه، عَشان هو حَسبني أمين و إختارني لِخِدمَتو.

١ تِيمُوثَاوُس 1:18

و دا الأمر الأنا بَدّيك، يا وَلَدي تِيمُوثَاوُس. و هو حَسَب النُّبوات الإتكَلَّمَت عَنَّك مِن قُبّال. عَلَشان كِدا بِمُساعَدَتُم، تَحارِب الحَرب الكَويس،

١ تِيمُوثَاوُس 6:20

يا تِيمُوثَاوُس، أحفَظ الحاجَه السَّلَّموها ليك. كون بَعيد مِن الكَلام الفاضي و الوَسخان و مِن البِعاكِس، البِسَمّوها ”المَعرِفَه“ بِالكِضِب.

٢ تِيمُوثَاوُس 1:2

لِتِيمُوثَاوُس، وَلَدي المَحبوب: نِعمَه و رَحمَه و سَلام مِن الله الأبو و المَسيح يَسُوع رَبّانا.

٢ تِيمُوثَاوُس 2:1

عَلَشان كِدا، يا وَلَدي، إتشَدَّد في النِّعمَه الفي يَسُوع المَسيح.

تِيطُس 1:4

لِتِيطُس، وَلَدي الحَقيقي في الإيمان العِندَنا سَوا. نِعمَه و سَلام مِن الله الأبو و المَسيح يَسُوع مُخَلِّصنا.

تِيطُس 2:2

عَلِّم الرُّجال الكُبار في السِّن أن يَكونو عاقِلين، و مُستَحِقّين الإحتِرام، و عِندَهُم مَسِك النَّفس، و صادقين في الإيمان و المَحَبَّه و الصَّبر.

تِيطُس 3:15

كُل النّاس المَعاي يَسَلِّمو عَليك. سَلِّم عَلى البِحِبّونا في الإيمان. النِّعمَه مَعَ كُلُّكُم.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

٢ يُوحَنَّا 1:3

نِعمَه و رَحمَه و سَلام مِن الله الأبو و مِن يَسُوع المَسيح، إبن الأبو، بِتكون مَعانا في الحَق و المَحَبَّه.

٣ يُوحَنَّا 1:4

ما عِندي فَرَح أعظَم مِن دا، يَعني أسمَع أن أولادي يَمشو في الحَق.

يَهُوذَا 1:2

الرَّحمَه و السَّلام و المَحَبَّه يَكَتِّرو ليكُم.