١ تِيمُوثَاوُس 1:19 - كِتاب العَهد الجَّديد مِن الكِتاب المُقَدَّس

¹⁹ و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

١ تِيمُوثَاوُس 1:19 Iomraidhean Croise

مَتَّى 6:27

و مِنو مِنَّكُم إذا بِفَكِّر كَتير يَقدَر يَزيد طول حَياتو بِدَقيقَه واحدَه؟

١ كُورِنْثُوس 11:19

عَشان لازِم يَكون في بينكُم إنقِسامات حَتّى ديل الحَق مَعاهُم، بِكونو بيّنين بينكُم.

غَلَاطِيَّه 5:4

إنتو العاوزين تِتبَرَّرو بِالقانون، قَطَعوكُم مِن المَسيح، و وَقَعتو مِن النِّعمَه.

١ تِيمُوثَاوُس 1:5

و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

١ تِيمُوثَاوُس 3:9

و هُم قاعِدين يَمسِكو سِر الإيمان بِضَمير نَضيف.

١ تِيمُوثَاوُس 6:12

حارِب حَرب الإيمان الكَويس. و أمسِك بِالحَياة الأبَديَّه. عَشان الله ناداك لِدا، و إنتَ شِهِدتَ الشَّهادَه الكوَيسَه قِدّام شاهِدين كُتار.

١ تِيمُوثَاوُس 6:21

و بَعض مِن النّاس بِقولو هُم عِندَهُم المَعرِفَه دي و ضَلّو عَن الإيمان. النِّعمَه مَعاكُم.

١ تِيمُوثَاوُس 6:9

لَكِن النّاس العاوزين يَكونو غَنيين يَقَعو في التَجرِبَه و الفَخ، و في شَهوات كَتيرَه، بَليدَه و مُضِرَّه، البِجُرّو النّاس لِلخَراب و الهَلاك.

٢ تِيمُوثَاوُس 2:18

و هُم ضَلّو عَن الحَق. هُم بِقولو القيامَه فاتَت مِن قُبّال. و هُم يَقلِبو إيمان بَعض مِن النّاس.

٢ تِيمُوثَاوُس 4:4

و هُم يَدَوِّرو إضنينُم مِن الحَق، و يَرَجِّعو عَنّو لِحِكايات النّاس.

تِيطُس 1:9

و هو ماسِك بِالكَلام الأمين حَسَب التَّعليم، عَلَشان هو يَقدَر يَدّي الشَّجاعَه بِالتَعليم الحَقيقي و يَوَبِّخ البِقاوِمو.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

١ يُوحَنَّا 2:19

هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

رؤيا 3:10

و عَلَشان إنتَ حَفَظتَ أمري بِالصَّبر، أنا كَمان بَحفَظَك مِن ساعَة التَجرِبَه القَرَّبَت تَجي عَلى كُل الدُّنيا. و السّاعَه دي بِتَجي عَشان تَجَرِّب السّاكنين عَلى الأرض.

رؤيا 3:3

عَلَشان كِدا، إتزَكَّر كيف إنتَ قِبِلتَ و سِمِعتَ، و أحفَظ و توب. و إذا ما تحرِس، بَجي ليك زي الحَرامي، و إنتَ ما بِتَعرِف ساعَه كَم أنا بَجيك.

رؤيا 3:8

أنا بَعرِف أعمالَك. و شوف، أنا خَتّيت قِدَّامَك باب مَفتوح، و ما في واحِد يَقدَر يَقفِلو. بَعرِف إنتَ عِندَك شوَيَة قُوَّه، و حَفَظتو كلمَتي و ما نَكَرتَ إسمي.