١ تِيمُوثَاوُس 1:17 - كِتاب العَهد الجَّديد مِن الكِتاب المُقَدَّس

¹⁷ و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

١ تِيمُوثَاوُس 1:17 Iomraidhean Croise

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

مَتَّى 28:20

و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

مَتَّى 6:13

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

يُوحَنَّا 1:18

ما في زول شاف الله كُلّو كُلّو. الإبن الوَحيد الهو في قَلب الأبو، هو خَبَّر عَنّو.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

رُومِيَه 1:20

النّاس ما بِقدَرو يَقولو هُم ما عارِفين عَن الله. مِن خَليقَة الدُّنيا النّاس قِدرو يَشوفو الله مِثِل شِنو مِن الحاجات الهو خَلَقا. دا يَوَرّي قُدرَتو البِتِستَمِر لِلأبَد. و دا يَوَرّي هو الله.

رُومِيَه 1:23

و غَيَّرو مَجد الله الأبَدي بِشَكل صورَة الإنسان البِموت، و طُيور، و حَيوانات، و دَبايب.

رُومِيَه 11:36

عَشان كُل الحاجات، مِنّو، و بيهو، و ليهو. ليهو المَجد لِلأبَد! آمين.

رُومِيَه 16:27

لِلَّه الفَهيم وَحدو، ليهو المَجد بِيَسُوع المَسيح لِلأبَد. آمين.

رُومِيَه 2:10

و المَجد و الإحتِرام و السَّلام لِكُلّو واحِد بِسَوّي الخير، لِليَهودي في الأوَّل، و بَعدين لِلإغريقي.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

كُولُوسِّي 1:15

المَسيح صورَة الله، الما بِنشوفو بِعُيونّا، و بِكر كُل الخَليقَه.

عِبرانيين 11:27

بِالإيمان مُوسَى ساب مَصر، و ما كان خايِف مِن زَعل المَلِك. عَلَشان هو إتحَمَّل زي البِشوفو الما مُمكِن يَشوفو.

عِبرانيين 2:7

إنتَ عَمَلتو تِحِت شوَيَه مِن المَلائكَه، و خَتّيت تاج المَجد و الإحتِرام عَلى رَاسو، و خَتّيتو عَلى أعمال إيدينَك؛

١ بُطْرُس 5:11

ليهو السُّلطَه لِلأبَد. آمين.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.

١ يُوحَنَّا 4:12

ما في واحِد شاف الله أبَداً. إذا نَحِب بَعَضَنا بَعض، الله يَسكُن فينا و مَحَبَّتو تَبقى كاملَه فينا.

يَهُوذَا 1:25

لِلَّه الوَحيد، مُخَلِّصنا، بِيَسُوع المَسيح رَبَّنا، المَجد و العَظَمَه و القُدرَه و السُّلطَه قُبّال كُلّو زَمَن و هَسَّع و لِلأبَد. آمين.

رؤيا 15:3

و هُم يَرَتِّلو تَرتيلَة مُوسَى، خَدّام الله، و تَرتيلَة الحَمَل، و يَقولو: ”أعمالَك عَظيمَه و عَجيبَه، يا رَب، الإلَه القادِر عَلى كُلّو شي! طُرُقَك عَدل و حَق، يا مَلِك الأُمَم!

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

رؤيا 19:1

و بَعَد الحاجات دي، سِمِعتَ زي صوت عالي مِن ناس كُتار في السَّما يَقولو: ”هَلِّلويا! الخَلاص و المَجد و القُدرَه لِإلَهنا،

رؤيا 19:16

و مَكتوب عَلى توبو و فَخدو الإسِم، مَلِك المُلوك و رَب الأرباب.

رؤيا 19:6

و بَعدين سِمِعتَ زي صوت ناس كُتار، و زي صوت مويَه كَتيرَه و زي صوت رُعود شَديدَه، البِقولو: ”هَلِّلويا! عَشان الرَّب إلَهنا القادِر عَلى كُلّو شي يَمحَق.

رؤيا 7:12

و قالو: ”آمين! الحَمد و المَجد و الحِكمَه و الشُّكر و الإحتِرام و القُدرَه و القُوَّه لِإلَهنا لِلأبَد! آمين.“