١ تِيمُوثَاوُس 1:15 - كِتاب العَهد الجَّديد مِن الكِتاب المُقَدَّس

¹⁵ و الكِلمَه دي أمينَه و مُستَحِقَّه لِكُلّو قُبول، إنّو المَسيح يَسُوع جا لِلدُّنيا عَشان يَخَلِّص الخاطيين. و أنا أوَّل واحِد فيهُم.

١ تِيمُوثَاوُس 1:15 Iomraidhean Croise

مَتَّى 1:21

و هي بِتَلِد وَلَد و إنتَ بِتسَمّيهو يَسُوع، عَلَشان هو بِخَلِّص النّاس بِتاعو مِن خَطاياهم.“

مَتَّى 18:10

شوفو، ما تابو تَحتَرِمو واحِد مِن الصُّغار ديل. عَشان أقول ليكُم، في السَّما مَلائكَتُم دايماً بِشوفو وَش أبوي الفي السَّما.

مَتَّى 18:11

عَشان إبن الإنسان جا عَشان يَخَلِّص النّاس المَوَدَّرين.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

مَتَّى 9:13

أمشو و إتعَلَّمو المَعنى دا: أنا داير رَحمَه، ما ضَبيحَه. عَشانّي ما جيت عَشان أنادي الكوَيسين لَكِن الخاطيين.“

مَرْقُس 2:17

و لَمّا يَسُوع سِمِع، قال ليهُم: ”النّاس الشُّداد ما يَحتاجو لِلحَكيم، لَكِن العَيّانين. أنا ما جيت عَشان أنادي البارين، لَكِن الخاطيين.“

لُوقَا 15:2

و الفَرّيسيّين و مُعَلِّمين القانون إشتَكو و قالو: ”الرّاجِل دا بِقبَل الخاطيين و بياكُل مَعاهُم.“

لُوقَا 19:10

عَشان إبن الإنسان جا يَطلُب و يَخَلِّص المَوَدَّر.“

لُوقَا 5:32

أنا ما جيت عَشان أنادي الطَّيبين لِلتّوبَه، لَكِن الخاطيين.“

يُوحَنَّا 1:12

و لَكِن القِبلوهو، هو أدّاهُم سُلطَه عَشان يَبقو أولاد الله، يَعني النّاس البِآمِنو بِإسمو.

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 12:47

إذا واحِد يَسمَع كَلامي و ما يَعمِل بيهو، أنا ما بَحكُم. عَشان أنا ما جيت أحكُم عَلى الدُّنيا، لَكِن عَشان أخَلِّص الدُّنيا.

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

أعمال الرُّسُل 11:1

و الرُّسُل و الأخوان الكانو في اليَهُودِيَّه سِمِعو أن الأُمَم كَمان قِبلو كِلمَة الله.

أعمال الرُّسُل 11:18

و لَمّا سِمِعو دا، سَكَتو و مَجَّدو الله و قالو: ”عَلَشان كِدا الله أدّا لِلأُمَم كَمان التّوبَه لِلحَياة.“

أعمال الرُّسُل 3:26

عَشان الله بَعَد ما قَوَّم خَدّامو، رَسَّلو ليكُم في الأوَّل، فِشان يَبارِكُم و يَرَجِّع كُلّو واحِد مِنَّكُم مِن خَطاياهو.“

رُومِيَه 11:14

يِمكِن أحَرِّك شَعبي لِلحَسَد و بَخَلِّص بَعض مِنَّهُم.

رُومِيَه 5:6

عَشان لَمّا كُنّا لِسَّع ضَعيفين، المَسيح مات في الوَكِت المُختار فِشان الخاطيين.

١ كُورِنْثُوس 15:9

عَشان أنا صَغَيِر مِن الرُّسُل، أنا الما بَستَحِق يَسَمّوني رَسول، عَشانّي طَرَدتَ كَنيسَة الله.

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

١ تِيمُوثَاوُس 1:13

مَعَ إنّي كُنتَ بَجَدِّف و بَطرُد و بَشتِم مِن قُبّال. و لَكِن لِقيت رَحمَه عَلَشان أنا عَمَلتَ داك لَمّا كُنتَ بِدون مَعرِفَه و ما عِندي إيمان.

١ تِيمُوثَاوُس 1:19

و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

١ تِيمُوثَاوُس 3:1

الكِلمَه دي أمينَه: إذا أي واحِد يَطلُب يَكون مُلاحِظ، هو عاوِز عَمَل كوَيس.

١ تِيمُوثَاوُس 4:9

و الكِلمَه دي أمينَه و تِستَحِق كُلّو قُبول.

١ تِيمُوثَاوُس 6:13

أنا بَدّيك أمر قِدّام الله البِدّي حَياة لِلكُل، و قِدّام المَسيح يَسُوع الشِّهِد قِدّام بِيلاطُس البُنْطي الشَّهادَه الكوَيسَه.

٢ تِيمُوثَاوُس 2:11

الكِلمَه دي أمينَه: ”إذا مُتنا مَعاهو، بِنعيش مَعاهو كَمان.

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

١ يُوحَنَّا 3:5

و بِتَعرِفو هو ظَهَر عَشان يَشيل عَنّا خَطايانا، و ما فيهو خَطيَّه.

١ يُوحَنَّا 3:8

البيَعمِل الخَطيَّه، هو مِن إبْلِيس، عَشان إبْلِيس مِن البِدايَه كان يَخطى. إبن الله ظَهَر لِلسَّبَب دا، عَشان يَخرَب أعمال إبْلِيس.

١ يُوحَنَّا 5:11

و دي الشَّهادَه، الله أدّانا حَياة أبَديَّه، و الحَياة دي في إبنو.

رؤيا 21:5

و القاعِد عَلى الكُرسي قال: ”شوف! أنا بَسَوّي كُلّو شي جَديد.“ و قال لَي كَمان: ”أكتِب، عَشان الكِلمات دي صادِقَه و أمينَه.“

رؤيا 22:6

و المَلاك قال لَي: ”الكِلمات دي صادِقَه و أمينَه. و الرَّب، إلَه أرواح الأنبياء، رَسَّل ملاكو عَشان يَوَرّي خَدّامينو الحاجات اللازِم تَحصَل بَعَد شوَيَه.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.