١ تِيمُوثَاوُس 1:12 - كِتاب العَهد الجَّديد مِن الكِتاب المُقَدَّس

¹² و أنا أشكُر المَسيح يَسُوع رَبَّنا الأدّاني قُوَّه، عَشان هو حَسبني أمين و إختارني لِخِدمَتو.

١ تِيمُوثَاوُس 1:12 Iomraidhean Croise

مَتَّى 20:4

و قال ليهُم: أمشو إنتو كَمان لِجِنينتي، و أنا بَدّيكُم أُجرَه تَمام. و هُم مَشو.

يُوحَنَّا 5:23

عَشان كُل النّاس يَحتَرِمو الإبن، زي ما هُم يَحتَرِمو الأبو. الما يَحتَرِم الإبن، ما يَحتَرِم الأبو الرَّسَّلو.

أعمال الرُّسُل 16:15

و لَمّا إتعَمَّدَت، هي و ناس بيتا، سألَتنا و قالَت: ”إذا حَكَمتو أنا مِآمِنَه بِالرَّب، أدخُلو بيتي و أقعُدو فيهو.“ و سألَتنا كَتير، و قَعَدنا مَعاها.

أعمال الرُّسُل 9:15

لَكِن الرَّب قال ليهو: ”أمشي، عَشان هو بُرمَه مُختارَه لِيَشيل إسمي قِدّام الأُمَم و المُلوك و بَني إِسْرَائِيل.

أعمال الرُّسُل 9:22

لَكِن شَاوُل كان بِزيد في قُوَّه، و يَحَيّير اليَهود السّاكنين في دِمَشق، و يَثَبِّت إنّو دا هو المَسيح.

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

١ كُورِنْثُوس 3:5

عَلَشان مِنو أَبُلُّوس، و مِنو بُولُس؟ هُم خَدّامين، و إنتو آمَنتو بِواسِطَتُم زي ما الرَّب أدّا لِكُلّو واحِد.

١ كُورِنْثُوس 7:25

هَسَّع عَن العَذارى، ما عِندي أمر مِن الرَّب فيهُم، و لَكِن أَدِّي فِكري زي واحِد، بِرَحمَة الرَّب، أمين.

٢ كُورِنْثُوس 4:1

و عَلَشان الله أدّانا الخِدمَه دي بِرَحمَتو، ما نَقول ما في فايدَه.

غَلَاطِيَّه 3:26

عَشان كُلُّكُم أولاد الله بِالإيمان بِالمَسيح يَسُوع.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

فيلِبّي 2:11

و كُلّو لِسان يَعتَرِف أن يَسُوع المَسيح هو رَب، لِمَجد الله الأبو.

فيلِبّي 4:13

أنا بَقدَر أعمِل كُلّو شي في المَسيح البِشَدِّدني.

كُولُوسِّي 1:25

و أنا بِقيت خَدّام حَسَب المُسؤليَه الأدّاني الله فِشانكُم. و عِندي المُسؤليَه دي عَشان أدّيكُم مَعرِفَه كاملَه في كِلمَة الله،

١ تِيمُوثَاوُس 1:1

مِن بُولُس، رَسول المَسيح يَسُوع بِحَسَب أمر الله مُخَلِّصنا و المَسيح يَسُوع رَجاءنا،

١ تِيمُوثَاوُس 1:11

البِكون حَسَب إنجيل مَجد الله المُبارَك، الهو أدّاني زي أمانَه.

١ تِيمُوثَاوُس 1:2

لِتِيمُوثَاوُس وَلَدي بِالحَق في الإيمان: نِعمَه و رَحمَه و سَلام مِن الله الأبو و المَسيح يَسُوع رَبَّنا.

١ تِيمُوثَاوُس 6:13

أنا بَدّيك أمر قِدّام الله البِدّي حَياة لِلكُل، و قِدّام المَسيح يَسُوع الشِّهِد قِدّام بِيلاطُس البُنْطي الشَّهادَه الكوَيسَه.

٢ تِيمُوثَاوُس 2:2

و الحاجات السِّمِعتَ مِنّي قِدّام شاهِدين كُتار، سَلِّما لِرُجال أُمَنا البِقدَرو يَعَلِّمو التّانيين كَمان.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.

تِيطُس 1:4

لِتِيطُس، وَلَدي الحَقيقي في الإيمان العِندَنا سَوا. نِعمَه و سَلام مِن الله الأبو و المَسيح يَسُوع مُخَلِّصنا.

فِلِيمُون 1:9

لَكِن فِشان المَحَبَّه، بَطلُب بِالأكتَر، أنا، بُولُس الشّيخ و هَسَّع مَحبوس المَسيح كَمان.