١ تَسَالُونِيكِي 5:12 - كِتاب العَهد الجَّديد مِن الكِتاب المُقَدَّس

¹² لَكِن نَطلُب ليكُم، يا أخوان، أن تَعرِفو اليَتعَبو بينكُم، و يَقودوكُم في الرَّب، و يَحَزِّروكُم.

١ تَسَالُونِيكِي 5:12 Iomraidhean Croise

لُوقَا 10:7

و أقعُدو في زات البيت، و أُكلو و أشرَبو اليَدّوهو ليكُم، عَشان الشَّغال مُستَحِق أُجرَتو. و ما تَمشو مِن بيت لِبيت.

يُوحَنَّا 4:38

أنا رَسَّلتَكُم عَشان تَلِمّو الما تِعِبتو فيهو. ناس تانيين تِعِبو، و إنتو دَخَلتو في تَعبُم.“

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

أعمال الرُّسُل 20:35

و وَرّيتكُم في كُلّو حاجَه كيف لازِم نَتعَب لِنَساعِد الضَّعيفين، و نِزَكَّر كِلمات الرَّب يَسُوع القال: ’هو البِدّي بِكون مُبارَك أكتَر مِن البِقبَل.“

رُومِيَه 16:12

سَلِّمو عَلى تَرِيفَيْنَا و وَتَرِيفُوسَا التِّعِبو في الرَّب. سَلِّمو عَلى بَرْسِيس المَحبوبَه التِّعِبَت كَتير في الرَّب.

رُومِيَه 16:6

سَلِّمو عَلى مَرْيَم التِّعِبَت كَتير فِشانكُم.

١ كُورِنْثُوس 12:28

و الله خَتَّ في الكَنيسَه، الأوَّل رُسُل، التّاني أنبياء، التّالِت مُعَلِّمين، بَعدين عامِلين عَجايِب، بَعَد دا هَدايا الشِّفا، مُساعَدات، تَرتيبات، و أنواع اللُّغات.

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

١ كُورِنْثُوس 16:16

تَطيعو ناس زي ديل و كُل البِعمِلو مَعاهُم و بِتعَبو.

١ كُورِنْثُوس 16:18

عَشان هُم أدّو راحَه لِروحي و روحكُم. إحتَرِمو رُجال زيَهُم.

١ كُورِنْثُوس 3:9

عَشان نِحنا عامِلين مَعَ الله، و إنتو زِراعَة الله، بُنا الله.

٢ كُورِنْثُوس 11:23

هُم خَدّامين المَسيح؟ أنا أحسَن. بَتكَلَّم زي المَجنون. أنا تِعِبتَ زِيادَه كَتير، جَلَدوني أكتَر، كُنتَ في السِّجِن مَرّات أكتَر، و في خَطَر الموت مَرّات كَتيرَه.

٢ كُورِنْثُوس 5:9

عَلَشان كِدا فوق كُلّو شي، نِحنا عاوزين نَبسِطو إذا نِستَنّا في بيتنا هِنا ولّا نَمشي نَكون مَع الرَب.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

غَلَاطِيَّه 4:11

بَخاف أنا تِعِبتَ فيكُم بِدون فايدَه.

فيلِبّي 2:16

مِقَدِّمين كِلمَة الحَياة. إذا تَعمِلو كِدا، أنا بَقدَر بَفخَر في يوم المَسيح، فِشان ما جَريت ساكِت و لا تِعِبتَ بِدون فايدَه.

فيلِبّي 2:19

أنا عِندي رَجاء في الرَّب يَسُوع بَرَسِّل ليكُم تِيمُوثَاوُس بَعَد شوَيَه، عَشان أنا كَمان بَكون فَرحان لَمّا أسمَع خَبَر عَنكُم.

كُولُوسِّي 1:29

و أنا أتعَب لِدا كَمان، و بَشتَغِل شَديد حَسَب قُدرَتو التَّشتَغِل فِيني بِقُوَّه.

١ تَسَالُونِيكِي 2:9

و إنتو تِتزَكَّرو، يا أخوان، الشُّغل بِتاعنا و التَّعب. إشتَغَلنا بِاللّيل و بِالنَّهار عَشان ما نَكون حِمِل عَلى أي واحِد مِنَّكُم وَكِت ما بَشَّرنا بِإنجيل الله.

١ تَسَالُونِيكِي 4:1

في الآخِر، يا أخوان، إتعَلَّمتو مِنَّنا كيف إنتو لازِم تَعيشو و تَبسِطو الله. و زي ما كُنتو تَعيشو كِدا، هَسَّع نَطلُب ليكُم و نَشَدّشدكُم في الرَّب يَسُوع تَعمِلو زِيادَه و زِيادَه.

١ تَسَالُونِيكِي 5:14

و نَطلُب ليكُم، يا أخوان، حَزِّرو النّاس الكَسلانين، و شَدِّدو الخايفين، ساعِدو الضَّعيفين، و أصبُرو عَلى الكُل.

١ تِيمُوثَاوُس 5:1

ما تَوَبِّخ الشّيخ لَكِن أدّيهو نَصيحَه زي أبو، الشَّباب زي أخوان،

١ تِيمُوثَاوُس 5:20

و وَبِّخ البيَعمِلو الخَطيَّه قِدّام كُل النّاس، عَلَشان التّانيين بِخافو.

٢ تِيمُوثَاوُس 2:6

المُزارِع البِتعَب لازِم يَكون الأوَّل لِياخُد جُزو في الثَّمار.

تِيطُس 1:3

لَكِن هو وَرّا كلمَتو في وَكتا. و هو إتَّكَل عَلي أن أبَشِّر بِحَسَب أمر مُخَلِّصنا الله.

تِيطُس 1:5

أنا سيبتَك في كَريت لِلسَّبَب دا، عَلَشان تَرَتِّب الحاجات النّاقصَه، و تَختار شُيوخ في كُلّو مَدينَه زي ما أمَرتَك.

تِيطُس 2:15

و قول ليهُم الحاجات دي. و إترَجّى و وَبِّخ بِكُلّو سُلطَه. و ما تَخَلّي أي واحِد يَحتَقِرَك.

عِبرانيين 13:17

طيعو رؤساكُم و كونو تِحِت سُلطَتُم. عَلَشانُم يَحرَسو عَلى نُفوسكُم زي ديل البِدّو حِساب. طيعوهُم عَلَشان شُغلُم بِكون بِفَرَح، مُش بِحُزن. عَشان إذا بِحُزن، ما في فايدَه ليكُم.

عِبرانيين 13:7

إتزَكَّرو رؤساكُم الكَلَّموكُم بِكِلمَة الله. فَكِّرو في ثِمار حَياتُم، و خَلّو إيمانكُم يَكون زي إيمانُم.

رؤيا 1:20

سِر السَّبعَه نُجوم الأنتَ شُفتَها في يَميني و السَّبعَه مَناوِر مِن دَهَب، دا هو: السَّبعَه نُجوم، هُم مَلائِكَة السَّبعَه كَنايس، و السَّبعَه مَناوِر، هُم السَّبعَه كَنايس.

رؤيا 2:12

و أكتِب كَمان لِمَلاك الكَنيسَه الفي بَرْغَامُس: ديل الحاجات البِقولو العِندو السّيف السَّنين العِندو طَرَفين.

رؤيا 2:18

و أكتِب كَمان لِمَلاك الكَنيسَه الفي ثِيَاتِيرَا: ديل الحاجات البِقولو إبن الله العِندو عُيون زي لَهيب نار، و كِرعينو زي النَّحاس الأصفَر اللَّامَع.

رؤيا 2:3

و عِندَك صَبر و إتحَمَّلتا التَّعب عَشان خاطِر إسمي و ما بِقيت تَعبان.

رؤيا 2:8

و أكتِب كَمان لِمَلاك الكَنيسَه الفي سِميرنا: ديل الحاجات البِقولو الأوَّل و الآخِر، هو الكان مَيِّت و رَجَع لِحَياة تاني.

رؤيا 3:1

و أكتِب كَمان لِمَلاك الكَنيسَه الفي ساردِس: ديل الحاجات البِقولو العِندو السَّبعَه أرواح الله و السَّبعَه نُجوم. أنا بَعرِف أعمالَك، و عِندَك إسم زي كَنيسَه حَيَّه، لَكِن إنتَ مَيِّت.

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.