١ تَسَالُونِيكِي 4:17 - كِتاب العَهد الجَّديد مِن الكِتاب المُقَدَّس

¹⁷ بَعَد داك نِحنا الحَيين القاعِدين بياخُدونا مَعاهُم في السَّحاب عَشان نَقابِل الرَّب في الهَوا. و كِدا بِنكون مَعَ الرَّب دايماً.

١ تَسَالُونِيكِي 4:17 Iomraidhean Croise

مَتَّى 26:64

يَسُوع قال ليهو: ”إنتَ قُلتَ. و كَمان، أقول ليكُم، بَعدين بِتشوفو إبن الإنسان قاعِد عَن يَمين القُدرَه، و جاي عَلى سَحاب السَّما.“

مَرْقُس 14:62

و يَسُوع قال: ”أنا هو. و إنتو بِتشوفو إبن الإنسان قاعِد عَن يَمين القُدرَه و جاي في سَحاب السَّما.“

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

يُوحَنَّا 14:3

و لَمّا أمشي و أجَهِّز ليكُم مَكان، بَجي تاني و باخُدكُم لِنَفسي. و المَحَل الأنا بَكون فيهو، إنتو تَكونو فيهو كَمان.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

أعمال الرُّسُل 1:9

و بَعَد ما قال كِدا، إترَفَع لِفوق و وَكِت هُم قاعِدين يَشوفو، سَحابَه أخَدَتو مِن عُيونُم.

أعمال الرُّسُل 8:39

و لَمّا طَلَعو مِن المويَه، طَوّالي روح الرَّب أخَد فِيلُبُّس مِن المَحَل دا، و الخِصي ما شافو بَعَد دا. و مَشى في سِكّتو مَبسوط جِدّاً.

١ كُورِنْثُوس 15:52

في دَقيقَه، في قَفل عين، في البوق الأخير. عَشان بِضرُب البوق، و المَيِّتين بِقومو بِأجسام ما بِموتو، و نِحنا بِنِتغَيَّر.

٢ كُورِنْثُوس 5:8

عَلَشان كِدا عِندَنا شَجاعَه كُلّو وَكِت، و نَفتَكِر أحسَن نَسيب بيتنا في الجِّسم و نَمشي نَكون مَعَ الرَّب في بيتو.

فيلِبّي 1:23

أنا مَربوط بين الإتنين. أنا داير أمرُق و بَكون مَعَ المَسيح، عَشان دا أحسَن بِكَتير.

١ تَسَالُونِيكِي 3:13

عَشان يَشَدِّد قُلوبكُم بِدون لوم في القَداسَه قِدّام الله أبونا لَمّا رَبَّنا يَسُوع المَسيح بِجي مَعَ كُلّو قِدِّسِينو.

١ تَسَالُونِيكِي 4:15

و نَقول دا ليكُم بِكِلمَة الرَّب. نِحنا الحَيين، القاعِدين لِغايَة ما الرَّب بِجي، ما نِتقَدَّم عَلى النايمين.

١ تَسَالُونِيكِي 4:18

عَشان كِدا عَزّو بَعضَكُم بَعض بِالكَلام دا.

١ تَسَالُونِيكِي 5:10

هو مات فِشانّا عَشان إذا نحرِس ولّا نَنوم، نَقدَر نَعيش مَعاهو.

٢ بُطْرُس 3:13

لَكِن حَسَب وَعدو نَنتَظِر سَماوات جَديدَه و أرض جَديدَه، البِسكُن فيها البِر.

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.

رؤيا 11:12

و بَعدين سِمِعو صوت عالي مِن السَّما يَقول ليهُم: ”أطلَعو لِهِنا!“ و طَلَعو لِلسَّما في سَحابَه و عُدوانُم عايَنو ليهُم.

رؤيا 12:5

و وِلدَت إبن، وَلَد، و هو ماشي يَملِك عَلى كُل الأُمَم بِعَصايَه مِن حَديد. و وَلَدا إتمَسَك و إتَّخَد لِلَّه و لِكُرسيهو.