١ تَسَالُونِيكِي 2:9 - كِتاب العَهد الجَّديد مِن الكِتاب المُقَدَّس

⁹ و إنتو تِتزَكَّرو، يا أخوان، الشُّغل بِتاعنا و التَّعب. إشتَغَلنا بِاللّيل و بِالنَّهار عَشان ما نَكون حِمِل عَلى أي واحِد مِنَّكُم وَكِت ما بَشَّرنا بِإنجيل الله.

١ تَسَالُونِيكِي 2:9 Iomraidhean Croise

لُوقَا 18:7

و الله ما يَحفَظ مُختارينو مِن عَدوهُم؟ و هُم بِكورِكو ليهو ليل و نَهار؟ و لَو هو بِخَلّيهُم لِمُدَّه طَويلَه؟

لُوقَا 2:37

و هي أرمَلَه عُمُرا أربَعَه و تَمانين سَنَه. و ما كانَت بِتخَلّي الهيكَل، بِتَخدِم بِصوم و صَلاه ليل و نَهار.

أعمال الرُّسُل 18:3

و فِشان كان مِن نَفس الشُّغل زيَهُم، قَعَد مَعاهُم يَشتَغِل مَعاهُم. و هُم كانو بيَعمِلو خيام.

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

رُومِيَه 1:1

الجَّواب دا مِن بُولُس. أنا خَدّام يَسُوع المَسيح، و الله إختارني عَشان أبَشِّر بِإنجيلو.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

رُومِيَه 15:19

بِقوَّة العَلامات و العَجايِب، بِقوَّة الرّوح القُدُس. كِدا بَشَّرتَ بِالتَّمام بِإنجيل المَسيح مِن أُورُشَلِيم و الحَواليها لِإِلِّيرِيكُون.

١ كُورِنْثُوس 4:12

و نَتعَب مِشتَغِلين بِإيدينا. هُم يَشتِمونا، و نِحنا نَبارِك. يَطرُدونا، و نِحنا نِتحَمَّل.

١ كُورِنْثُوس 9:15

و لَكِن أنا ما إشتَغَلتَ بِشي مِن دا. و ما بَكتِب دا عَشان آخُد لَي زي دا. عَلَشان أحسَن لَي أموت مِن أن واحِد ياخُد مِنّي سَبَب فَخري.

١ كُورِنْثُوس 9:18

عَلَشان كِدا أُجرَتي شِنو؟ وَكِت ما أبَشِّر، بَدّي إنجيل المَسيح مَجّاناً، و ما بَشتَغِل بِسُلطَتي في الإنجيل.

١ كُورِنْثُوس 9:4

ما عِندَنا سُلطَه عَشان ناكُل و نَشرِب؟

٢ كُورِنْثُوس 11:27

في شُغل و تَعب، كُنتَ بِدون نوم مَرّات كَتيرَه، في جوع و عَطَش، صُمتَ مَرّات كَتيرَه، كُنتَ بَردان و عَريان.

٢ كُورِنْثُوس 11:9

و لَمّا كُنتَ مَعاكُم و كان عِندي إحتِياج، ما بِقيت حِمِل لِأي واحِد، عَلَشان الأخوان الجّو مِن مَكِدونيَّه أدّو لِإحتياجي. حَفَظتو نَفسي عَشان ما بَكون حِمِل ليكُم في أي حاجَه، و بَستَمِر كِدا.

٢ كُورِنْثُوس 6:5

في ضَرَبات، و في سُجون، و في دَوشَه، و في تَعب شَديد، و في ليالي بِدون نوم، و في جوع.

فيلِبّي 4:16

و لَمّا كُنتَ في تَسَالُونِيكِي كَمان، رَسَّلتو لَي مَرَّه و مَرَّتين لِإحتياجي.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

١ تَسَالُونِيكِي 2:2

و تِعِبنا قَبل كِدا، و شَتَمونا في فيلِبّي، زي ما إنتو عارفين. لَكِن شَجَّعنا في إلَهنا أن نَكَلِّمكُم بِإنجيل الله، و لَو هُم قاوَمونا شَديد.

١ تَسَالُونِيكِي 2:6

و لَمّا كان مُمكِن لينا ناخُد سُلطَة رُسُل المَسيح، ما طَلَبنا شُكر مِن النّاس، ولّا مِنَّكُم ولّا مِن التّانيين.

١ تَسَالُونِيكِي 3:10

نَصَلّي بِاللّيل و بِالنَّهار بِشِدَّه أن نَشوف وشوشكُم و نَكَمِّل التَحتاجو ليهو في إيمانكُم.

١ تِيمُوثَاوُس 1:11

البِكون حَسَب إنجيل مَجد الله المُبارَك، الهو أدّاني زي أمانَه.

١ تِيمُوثَاوُس 4:10

و عَشان دا نَتعَب و نَشتَغِل شَديد، عَلَشان خَتّينا رَجاءنا في الله الحَي، مُخَلِّص كُل النّاس، خُصوصاً المؤمِنين.

١ تِيمُوثَاوُس 5:5

لَكِن الأرمَلَه، الهي أرمَلَه بِالحَق، البِقَت بَراها، تَخُت رَجاها في الله. و هي تِستَمِر تَصَلّي و تَسأل ليل و نَهار.

٢ تِيمُوثَاوُس 1:3

أنا أشكُر الله البَخدِمو بِضَمير نَضيف، زي ما أبَهاتي خَدَموهو، لَمّا أتزَكَّرَك دايماً في صَلَواتي ليل و نَهار.