١ تَسَالُونِيكِي 2:2 - كِتاب العَهد الجَّديد مِن الكِتاب المُقَدَّس

² و تِعِبنا قَبل كِدا، و شَتَمونا في فيلِبّي، زي ما إنتو عارفين. لَكِن شَجَّعنا في إلَهنا أن نَكَلِّمكُم بِإنجيل الله، و لَو هُم قاوَمونا شَديد.

١ تَسَالُونِيكِي 2:2 Iomraidhean Croise

أعمال الرُّسُل 14:3

و بُولُس و بَرْنَابَا قَعَدو وَكِت طَويل، يِتكَلَّمو بِدون خوف عَن الرَّب. و الرَّب كان بِشهَد لِكِلمَة نِعمَتو، و بِدّيهُم قُوَّه لِيَعمِلو عَلامات و عَجايِب.

أعمال الرُّسُل 14:5

و لَمّا الأُمَم و اليَهود مَعَ رؤساهُم كانو عاوزين يَشتِموهُم و يَرموهُم بِالحُجار،

أعمال الرُّسُل 16:12

و مِن هِناك لِفيلِبّي، و هي أوَّل مَدينَه في مُديريَّة مَكِدونيَّه و كولونيَّه رومانيَّه. و إستَنّينا في المَدينَه دي أيام قَليلَه.

أعمال الرُّسُل 16:19

و وَكِت أسيادا شافو ما قِدرو يَكسِبو قُروش مِنَّها بَعَد دا، قَبَضو عَلى بُولُس و سِيلَا، و جَرّوهُم لِلسّوق قِدّام الحُكّام.

أعمال الرُّسُل 16:37

و بُولُس قال ليهُم: ”ضَرَبونا قِدّام النّاس بِدون مُحاكَمَه، و نِحنا راجلين رومانيين. و رَمونا في السِّجِن. و هَسَّع يَفِكّونا بِالسِّر؟ لا! لَكِن خَلّوهُم نُفوسُم يَجو و ياخُدونا بَرَّه.“

أعمال الرُّسُل 17:1

و بَعَد ما مَرّو بِأَمْفِيبُولِيس و أَبُولُونِيَّه، جو لِتَسَالُونِيكِي. و كان فيها بيت الرَّب اليَهودي.

أعمال الرُّسُل 17:17

و كان بِخَبِّر اليَهود و النّاس البِخافو، في بيت الرَّب، و النّاس الهو قابِلُم في السّوق كُلّو يوم.

أعمال الرُّسُل 19:8

و بُولُس دَخَل بيت الرَّب. و كان بِتكَلَّم بِدون خوف مُدَّة تلاتَه شُهور، يِتفاكَر و يَرَضّي عَن حاجات مَلَكوت الله.

أعمال الرُّسُل 4:13

و لَمّا شافو شُجاعَة بُطْرُس و يُوحَنَّا، و لِقوهُم رُجال ما مِتعَلِّمين و زي أي زول تاني، هُم إتعَجَّبو. و عِرفوهُم كانو مَعَ يَسُوع.

أعمال الرُّسُل 4:20

عَشان ما نَقدَر نَبَطِّل كَلامنا عَن الشّوفناهو و سِمِعناهو.“

أعمال الرُّسُل 4:31

و لَمّا صَلّو، المَحَل الهُم كانو بِتلَمّو فيهو إتهَزَّ. و كُلُّهُم إتمَلو مِن الرّوح القُدُس. و كانو بِيِتكَلَّمو بِكَلام الله بِشَجاعَه.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

رُومِيَه 1:1

الجَّواب دا مِن بُولُس. أنا خَدّام يَسُوع المَسيح، و الله إختارني عَشان أبَشِّر بِإنجيلو.

٢ كُورِنْثُوس 3:12

و إذا عِندَنا رَجاء زي دا، عِندَنا شَجاعَه كَتيرَه.

كُولُوسِّي 2:1

أنا عاوِزكُم تَعرِفو كيف أنا بَشتَغِل شَديد خَلاص عَلَشانكُم، و عَلَشان ديل الفي لاوُدِكِيَّة، و كُل الما شافو وَشّي في الجِّسِم.

١ تَسَالُونِيكِي 1:5

عَشان إنجيلنا ما جا ليكُم بِالكَلام بَس، و لَكِن بِالقُوَّه كَمان، و بِالرّوح القُدُس و بِتأكيد شَديد. بِتَعرِفو كيف مَشينا بينكُم فِشانكُم.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.