١ تَسَالُونِيكِي 1:10 - كِتاب العَهد الجَّديد مِن الكِتاب المُقَدَّس

¹⁰ و يَخَبِّرو كيف إنتو تِستَنّو إبنو مِن السَّما، هو القَوَّمو الله مِن الموت، يَسُوع اليَخَلِّصنا مِن الغَضَب الجّاي.

١ تَسَالُونِيكِي 1:10 Iomraidhean Croise

مَتَّى 1:21

و هي بِتَلِد وَلَد و إنتَ بِتسَمّيهو يَسُوع، عَلَشان هو بِخَلِّص النّاس بِتاعو مِن خَطاياهم.“

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 16:28

الحَق أقول ليكُم، بَعَد مِن النّاس الواقفين هِنا ما بِموتو لِغايَة ما بِشوفو إبن الإنسان يَجي في مَلَكوتو.“

مَتَّى 3:7

و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟

لُوقَا 2:25

و كان في أُورُشَلِيم راجِل إسمو سِمْعَان. و الرّاجِل دا كان بار و بِخاف الله، مُنتَظِر راحَة إِسْرَائِيل. و الرّوح القُدُس كان عَليهو.

لُوقَا 3:7

و عَلَشان كِدا قال لِكُل النّاس المَرَقو عَشان يِتعَمَّدو مِنّو: ”يا أولاد الدَّبايب، مِنو كَلَّمكُم تَهرَبو مِن الغَضَب الجّاي؟

أعمال الرُّسُل 1:11

و قالو: ”يا رُجال الجَّليل، مالكُم واقفين بِتعايِنو لِلسَّما؟ يَسُوع دا نَفسو الإترَفَع مِنَّكُم لِلسَّما، هو بِرجَع زي ما شُفتوهو ماشي لِلسَّما.“

أعمال الرُّسُل 17:31

عَشانو إختار يوم فيهو بِيَحكُم عَلى الدُّنيا بِالعَدل بِالإنسان الجَّهَّزو. و أدّا لِلكُل بيّنَه، لَمّا قَوَّمو مِن بين المَيِّتين.“

أعمال الرُّسُل 2:24

لَكِن الله قَوَّمو مِن بين المَيِّتين و فَكَّ ليهو أوجاع الموت، عَلَشان ما كان مُمكِن لِلموت أن يَمسِكو.

أعمال الرُّسُل 2:32

و الله قَوَّم يَسُوع دا، و نِحنا كُلُّنا شاهِدين بِالحَقيقَه دي.

أعمال الرُّسُل 3:15

و كَتَلتو رَئيس الحَياة القَوَّمو الله مِن بين المَيِّتين. و نِحنا شاهِدين لِداك.

أعمال الرُّسُل 3:21

و هو لازِم يِستَنّى في السَّما لِغايَة الوَكِت بِجي، لَمّا الله يَرَجِّع كُلّو شي. و هو إتكَلَّم عَن دا بِخَشم كُلّو أنبياهو مِن زَمان.

أعمال الرُّسُل 4:10

خَلّي دا يَكون مَعروف لِكُلُّكُم و كُلّو ناس إِسْرَائِيل. بِإسم يَسُوع المَسيح النّاصِري، الإنتو صَلَبتوهو، لَكِن الله قَوَّمو مِن بين المَيِّتين، بيهو الرّاجِل دا واقِف قِدّامكُم بِعافيَه تَمام.

رُومِيَه 1:4

و الرّوح القُدُس خَبَّر بِقُوَّه إنّو يَسُوع المَسيح هو إبن الله لَمّا قَوَّمو مِن بين المَيِّتين.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

رُومِيَه 4:25

هُم سَلَّموهو لِلموت عَشان خَطايانا. و الله قَوَّمو عَشان نِتبَرَّر.

رُومِيَه 8:34

مِنو البِحكُم عَليهُم؟ المَسيح يَسُوع يَطلُب فِشانّا، و هو المات، لَكِن بِالأكتَر قام مِن بين المَيِّتين، و هو عَن يَمين الله.

١ كُورِنْثُوس 1:7

و عَشان كِدا إنتو ما ناقصين في أي هَدِيَّه مِن الرّوح، و إنتو مُستَنّين ظُهور رَبَّنا يَسُوع المَسيح.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

فيلِبّي 3:20

و لَكِن وَطَنّا في السَّما. و نَستَنّا مُخَلِّص مِن هِناك، الرَّب يَسُوع المَسيح.

كُولُوسِّي 1:18

و هو راس الجِّسِم، الكَنيسَه. هو البِدايَه و البِكر مِن بين المَيِّتين، عَشان هو يَكون مِتقَدِّم في كُلّو حاجَه.

١ تَسَالُونِيكِي 1:7

عَشان كِدا بِقيتو مَثَل لِكُل المؤمِنين في مَكِدونيَّه و في أَخَائِيَه.

١ تَسَالُونِيكِي 2:16

و يَمنَع نَكَلِّم الأُمَم عَشان بِكونو مُخَلَّصين، عَشان يَكَمِّلو خَطاياهم كُلّو وَكِت. و لَكِن غَضَب الله جا عَليهُم بِدون نِهايَه.

١ تَسَالُونِيكِي 2:7

و لَكِن كُنّا لُطاف في وَسِطكُم زي أُم تَرَبّي أولادا.

١ تَسَالُونِيكِي 5:9

عَشان الله ما إختارنا لِلغَضَب، لَكِن عَشان نَحَصِّل عَلى الخَلاص بِرَبَّنا يَسُوع المَسيح.

٢ تِيمُوثَاوُس 4:1

و بَدّيك الأمر دا قِدّام الله و قِدّام المَسيح يَسُوع البِحكُم عَلى الحَيين و المَيِّتين بِظُهورو و مَلَكوتو.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

عِبرانيين 10:27

لَكِن نِستَنّا بِخوف شَديد لِلحُكم، و زَعل نار بِتاكُل عُدوان الله.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

١ بُطْرُس 1:21

إنتو البيهو بِتآمِنو بِالله القَوَّمو مِن بين المَيِّتين و أدّاهو المَجد، و عَشان كِدا إيمانكُم و رَجاكُم هُم في الله.

١ بُطْرُس 1:3

مُبارَك الله أبو رَبَّنا يَسُوع المَسيح! حَسَب رَحمَتو الكَتيرَه هو أدّانا وِلادَه تانيَه لِرَجاء حَي بِقيامَة يَسُوع المَسيح مِن بين المَيِّتين.

١ بُطْرُس 2:21

الله ناداكُم لِدا، عَشان المَسيح كَمان إتوَجَّع عَشان خاطِركُم، و خَلّى ليكُم مَثَل، عَشان تَتبَعو دَربو.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

٢ بُطْرُس 3:12

و إنتو مُنتَظِرين و مِستَعجِلين يوم الله البِجي. عَلَشان اليوم داك بِجيب خَراب السَّماوات بِالنّار، و الحَر الشَّديد بِخرَب النُّجوم.

٢ بُطْرُس 3:14

عَلَشان كِدا، يا مَحبوبين، و إنتو مِستَنّين الحاجات دي، إشتَغِلو شَديد عَشان تَكونو نُضاف و بِدون عيب و عَشان يَكون عِندَكُم سَلام مَعاهو.

رؤيا 1:18

أنا هو الحَي. و كُنتَ مَيِّت، و شوف، أنا حَي لِلأبَد! و أنا عِندي مَفاتيح الموت و الهاويَه.

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.