١ بُطْرُس 4:14 - كِتاب العَهد الجَّديد مِن الكِتاب المُقَدَّس

¹⁴ إن شَتَموكُم عَشان خاطِر إسم المَسيح، إنتو مُبارَكين، عَشان روح المَجد، روح الله، قاعِد عَليكُم.

١ بُطْرُس 4:14 Iomraidhean Croise

مَتَّى 5:11

مُبارَكين إنتو لَمّا يَشتِموكُم و يَطرُدوكُم و يَقولو كُلّو كِلمَه بَطّالَه عَليكُم عَشانّي بِالكِضِب.

مَتَّى 5:16

خَلّو نُوركُم يَنَوِّر كِدا قِدّام النّاس، عَشان يَشوفو أعمالكُم الكوَيسَه، و يَدّو مَجد لِأبوكُم الفي السَّما.

لُوقَا 6:22

مُبارَكين لَمّا النّاس بِكرَهوكُم، و ما بِقعُدو مَعاكُم و بِشتِموكُم، و بِطَلِّعو عَليكُم إسم بَطّال عَشان إبن الإنسان.

يُوحَنَّا 15:21

لَكِن هُم بيَعمِلو كُلّو دا ليكُم فِشان إسمي، عَشان هُم ما عارفين الرَّسَّلني.

يُوحَنَّا 8:48

اليَهود رَدّو و قالو ليهو: ”نِحنا ما قُلنا الحَق لَمّا قُلنا إنتَ سامِري، و عِندَك شيطان؟“

يُوحَنَّا 9:28

و شَتَموهو و قالو: ”إنتَ تِلميذ الرّاجِل داك، لَكِن نِحنا تَلاميذ مُوسَى.

يُوحَنَّا 9:34

رَدّو و قالو ليهو: ”إنتَ كُنتَ مَولود في الخَطايا تَمام، و إنتَ تَعَلِّمنا؟“ و طَرَدوهو بَرَّه.

أعمال الرُّسُل 13:45

و لَمّا اليَهود شافو ناس كُتار، إتمَلو حَسَد، إبتَدو يَقاوِمو القالو بُولُس، و يَجَدِّفو.

أعمال الرُّسُل 18:6

لَكِن لَمّا اليَهود كانو بِقاوِمو و بِشتِموهو، بُولُس هَز هِدومو و قال ليهُم: ”دَمّكُم عَلى روسينكُم! أنا بِدون ذَنب. و مِن هَسَّع بَمشي لِلأُمَم.“

أعمال الرُّسُل 28:22

لَكِن نِحنا عاوزين نَسمَع فِكرَك، فِشان بِنَعرِف النّاس في كُلّو مَحَل بِقاوِمو الحِزب دا.“

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

٢ كُورِنْثُوس 12:10

عَلَشان كِدا، بَكون مَبسوط مِن الضَّعفات و الشَّتايِم و الأتعاب و الطُّرود و الصُّعوبات فِشان المَسيح. عَشان كُلّو وَكِت لَمّا أكون ضَعيف، في الوَكِت دا، أنا قَوّي.

٢ كُورِنْثُوس 4:10

و بِنشيل دايماً في الجِّسم، موت يَسُوع، عَلَشان نَوَرّي حَياة يَسُوع كَمان في جِسِمنا.

٢ كُورِنْثُوس 4:16

عَلَشان كِدا ما نَقول ما في فايدَه. لَكِن إذا كان جِسِمنا يَبقى ضَعيف، نَفسَنا الفي جُوَّه بَتَبقى جَديدَه يوم بِيوم.

غَلَاطِيَّه 1:24

و كانو بِمَجِّدو الله فِيني.

عِبرانيين 11:26

و هو حَسَب لوم المَسيح غِنى أكبَر مِن كُنوز مَصر، عَلَشانو كان يِستَنّى لِلأُجرَه.

يَعْقُوب 1:12

مُبارَك الرّاجِل البِتحَمَّل التَجرِبَه. عَشان إذا مَرَّه بِالإمتِحان، هو بِقبَل تاج الحَياة الوَعَد بيهو الرَّب لِلنّاس البِحِبّوهو.

يَعْقُوب 5:11

شوفو! نَفتَكِر العِندَهُم صَبر مُبارَكين. سِمِعتو بِصَبر أيوب، و شُفتو العَمَل ليهو الرَّب في الآخِر. الرَّب عِندو رَحمَه و مَحَنَّه كَتيرَه.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

١ بُطْرُس 3:14

و لَكِن إذا تِتوَجَّعو عَشان خاطِر البِر، إنتو مُبارَكين. ما تَخافوهُم، و ما تَضطَرِبو.

١ بُطْرُس 3:16

خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

١ بُطْرُس 4:16

و لَكِن إذا إتوَجَّعتَ زي مَسيحي، ما تَخجَل، لَكِن أحمَد الله عَشان خاطِر الإسم دا.

٢ بُطْرُس 2:2

و كَتيرين ماشين يَتبَعو طُرُقُم البِخَرِّبو. و بِالسَّبَب دا النّاس يَجَدِّفو عَلى طَريق الحَق.