١ بُطْرُس 3:16 - كِتاب العَهد الجَّديد مِن الكِتاب المُقَدَّس

¹⁶ خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

١ بُطْرُس 3:16 Iomraidhean Croise

مَتَّى 5:11

مُبارَكين إنتو لَمّا يَشتِموكُم و يَطرُدوكُم و يَقولو كُلّو كِلمَه بَطّالَه عَليكُم عَشانّي بِالكِضِب.

أعمال الرُّسُل 24:16

كِدا بَعِلِّم نَفسي عَشان يَكون لَي دايماً ضَمير بِدون لوم قِدّام الله و النّاس.

أعمال الرُّسُل 28:22

لَكِن نِحنا عاوزين نَسمَع فِكرَك، فِشان بِنَعرِف النّاس في كُلّو مَحَل بِقاوِمو الحِزب دا.“

رُومِيَه 9:1

أقول الحَق في المَسيح. ما بَكَضِّب. و ضَميري شاهِد لَي بِالرّوح القُدُس.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

١ تِيمُوثَاوُس 1:19

و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

١ تِيمُوثَاوُس 1:5

و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

٢ تِيمُوثَاوُس 1:3

أنا أشكُر الله البَخدِمو بِضَمير نَضيف، زي ما أبَهاتي خَدَموهو، لَمّا أتزَكَّرَك دايماً في صَلَواتي ليل و نَهار.

تِيطُس 2:8

و كَلامَك بِكون صَحيح و بِدون لوم، عَلَشان العَدو بِخجَل و ما بِقدَر يَقول عَلينا حاجَه بَطّالَه.

عِبرانيين 13:18

صَلّو فِشانّا. بِنَعرِف بِالحَق نِحنا عِندَنا ضَمير طَيب، و نِحنا عاوِزين نَعيش حَياة أمينَه في كُلّو حاجَه.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

١ بُطْرُس 2:15

عَشان إرادَة الله هي أن تَسَكِّتو جَهَل النّاس الغُشّام بِأعمالكُم الطَّيبَه.

١ بُطْرُس 2:19

عَشان دا مَقبول إذا واحِد يِتحَمَّل الضّيق و يِتوَجَّع بِظُلم فِشان الضَّمير عَشان يَطيع الله.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

١ بُطْرُس 4:4

هُم يِستَغرَبو أنَّكُم ما بِتَجرو مَعاهُم لِزيادَة السَّفاهَه زاتا. و يَشتِموكُم.