١ بُطْرُس 2:24 - كِتاب العَهد الجَّديد مِن الكِتاب المُقَدَّس

²⁴ هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

١ بُطْرُس 2:24 Iomraidhean Croise

مَتَّى 27:26

بَعدين هو فَكَّ بَراباس، و جَلَد يَسُوع، و سَلَّمو عَشان يَصلُبوهو.

مَتَّى 5:20

عَشان أقول ليكُم، لِغايَة ما بِرَّكُم بِفوت بِر مُعَلِّمين القانون و بِر الفَرِّيسِيِّين، ما تَدخُلو مَلَكوت السَّما أبَداً.

مَتَّى 8:17

عَشان يَتِم الكَلام القالو النَّبي إِشَعْيَاء: ”هو أخَد كُلّو حاجَه البِتخَلّينا ضَعيفين، و شال العَيى بِتاعَتنا.“

مَرْقُس 15:15

و بِيلاطُس كان داير يَبسِط النّاس. و عَشان دا، فَكَّ ليهُم بَراباس. و بَعَد ما جَلَد يَسُوع، سَلَّمو عَشان يَصلُبوهو.

لُوقَا 4:18

”روح الله عَلي، عَلَشانو مَسَحني فِشان أبَشِّر المَساكين. و رَسَّلني عَشان أنادي لِلمَحبوسين بِالحُرّيَّه، و لِلعَميانين عَشان يَشوفو، و بِالحُرّيَّه لِلقُلوبُم مَكسورَه

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 19:1

بَعدين بِيلاطُس أخَد يَسُوع و جَلَدو.

أعمال الرُّسُل 10:35

لَكِن في كُلّو أُمَّه، الزّول البِخاف مِنّو و بيَعمِل البِر، هو مَقبول عِندو.

أعمال الرُّسُل 10:39

و نِحنا شاهِدين بِكُل العَمَلو في بِلاد اليَهُودِيَّه و في أُورُشَلِيم. و لَكِن هُم كَتَلوهو و عَلَّقوهو عَلى الشَّجَرَه.

أعمال الرُّسُل 13:29

و لَمّا تَمَّمو كُل الكان مَكتوب عَنّو، نَزَّلوهو مِن الصَّليب و خَتّوهو في قَبر.

أعمال الرُّسُل 5:30

إله أبَهاتنا قَوَّم يَسُوع مِن بين المَيِّتين، الإنتو كَتَلتوهو لَمّا عَلَّقتوهو عَلى الخَشَب.

رُومِيَه 6:11

و كِدا كَمان، أحسِبو نُفوسكُم مَيِّتين لِلخَطيَّه، و لَكِن حَيين لِلَّه بِالمَسيح يَسُوع رَبَّنا.

رُومِيَه 6:13

و ما تَدّو أعضاء جِسِمكُم لِلخَطيَّه عَشان تَعمِلو الشَّر، لَكِن أدّو نُفوسكُم لِلَّه زي ناس حَيين بَعَد ما كُنتو مَيِّتين. و أدّو أعضاء جِسِمكُم عَشان تَعمِلو بِر الله.

رُومِيَه 6:16

ما بِتَعرِفو لَمّا تَدّو نُفوسكُم زي خَدّامين عَشان تَطيعو واحِد، إنتو بِالحَق خَدّامين ليهو التَطيعوهو؟ يا لِلخَطيَّه البِسوق لِلموت ولّا لِلطّاعَه البِسوق لِلبِر.

رُومِيَه 6:2

أبَداً! نِحنا مُتنا لِلخَطيَّه، كيف نَعيش فيها بَعَد دا؟

رُومِيَه 6:22

لَكِن هَسَّع بِقيتو حُرّين مِن الخَطيَّه، و بِقيتو خَدّامين لِلَّه. و عِندَكُم فايدَه في القَداسَه، و النِّهايَه، حَياة أبَديَّه.

رُومِيَه 6:7

عَلَشان لَمّا واحِد يَموت، هو يَكون حُر مِن الخَطيَّه.

رُومِيَه 7:6

لَكِن هَسَّع، نِحنا حُرّين مِن القانون، عَلَشان مُتنا لِلشّي الكان يَربُطنا. و فِشان دا، نَخدِم بِالطَّرِيق الجَّديد بِتاع الرّوح، ما بِالطَّرِيق القَديم بِتاع القانون المَكتوب.

١ كُورِنْثُوس 15:3

عَشان سَلَّمتَ ليكُم في الأوَّل القِبِلتو أنا كَمان، إنّو المَسيح مات فِشان خَطايانا بِحَسَب الكُتُب.

٢ كُورِنْثُوس 6:17

عَلَشان كِدا أمرُقو مِن بِينُم، و فَرِّقو مِنَّهُم، يَقول الرَّب. و ما تَلمَسو حاجَه نَجِسَه. و أنا بَقبَلكُم.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

أفَسُس 5:9

عَلَشان ثِمار الرّوح هو في كُلّو حاجَه طَيبَه و في بِر و في حَق.

فيلِبّي 1:11

مَليانين مِن ثِمار البِر البِجي بِيَسُوع المَسيح لِمَجد الله و حَمدو.

كُولُوسِّي 2:14

و هو بَطَّل الدّين المَكتوب عَلينا في القَوانين الضِّدَّنا. و هو رَفَعو مِن الوَسِط و سَمَّرو عَلى الصَّليب.

كُولُوسِّي 2:20

إذا كُنتو مُتّو مَعَ المَسيح عَن التَّعليم الأساسي بِتاع الدُّنيا، لِشِنو تَطيعو قَوانينو زي البِعيشو في الدُّنيا؟

كُولُوسِّي 3:3

عَشان إنتو مُتّو، و حَياتكُم مَدسوسَه مَعَ المَسيح في الله.

عِبرانيين 10:10

و بِالإرادَه دي، نِحنا بِقينا مُقَدَّسين بِتَقدِمَة جِسم يَسُوع المَسيح مَرَّه واحدَه.

عِبرانيين 10:5

عَلَشان كِدا لَمّا المَسيح جا لِلدُّنيا، هو قال: ”إنتَ ما كُنتَ عاوِز ضَبيحَه و تَقدِمَه، لَكِن جَهَّزتَ لَي جِسم.

عِبرانيين 12:13

أعمِلو لِكِرعينكُم سِكَك عَديلَه، عَشان الأعرَج ما يَدَوِّر مِن السِّكَّه، لَكِن بَدَل مِن دا، هو يَشفي.

عِبرانيين 7:26

عَشان رَئيس قُسُس زي دا موافِق لينا. هو قُدّوس و بِدون لوم و نَضيف و مَفَرَّق مِن الخاطيين و مَرفوع أعلى مِن السَّماوات.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

يَعْقُوب 5:16

فِشان كِدا، إعتَرِفو بَعضَكُم لِبَعض بِغَلطاتكُم، و صَلّو بَعضَكُم عَشان خاطِر بَعض، عَشان الله يَشفيكُم. طَلَب البار عِندو قُوَّه كَتيرَه في عَمَلو.

١ يُوحَنَّا 2:29

إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

١ يُوحَنَّا 3:7

يا أولاد، ما تَخَلّو واحِد يَغِشّكُم. البيَعمِل البِر، هو بار مِثِل ما هو بار.

رؤيا 22:2

و بِجري في وَسِط الشّارِع الكَبير بِتاع المَدينَه. و عَلى البَحَر بِالجَّنب دا و داك، كانَت في شَجَرَة الحَياة. و الشَّجَرَه دي جابَت إتناشَر نوع مِن الثَّمار، و تَجيب ثَمَرا كُلّو شَهَر. و أوراق الشَّجَرَه عَشان شِفا الأُمَم.