١ بُطْرُس 1:8 - كِتاب العَهد الجَّديد مِن الكِتاب المُقَدَّس

⁸ بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

١ بُطْرُس 1:8 Iomraidhean Croise

مَتَّى 10:37

البِحِب أبوهو ولّا أُمّو أكتَر مِنّي ما مُستَحِقّني. و البِحِب وَلَدو ولّا بِتو أكتَر مِنّي ما مُستَحِقّني.

يُوحَنَّا 14:15

إذا تَحِبّوني، إنتو ماشين تَحفَظو أوامِري.

يُوحَنَّا 14:21

العِندو أوامِري و يَحفَظا، دا هو البِحِبّني. و الزّول البِحِبّني، أبوي بِحِبّو. و أنا بَحِبّو، و بَوَرّي نَفسي ليهو.“

يُوحَنَّا 14:24

الما بِحِبّني ما بِحفَظ كَلامي. والكلام الإنتو بِتسمَعوهو ما بِتاعي، لَكِن بِتاع الأبو الرَّسَّلني.

يُوحَنَّا 16:22

و عَشان كِدا، إنتو عِندَكُم حُزن هَسَّع. لَكِن أنا بَشوفكُم مَرَّه تانيَه، و قُلوبكُم بِكونو مَبسوطين. و ما في زول يَشيل الفَرَح بِتاعكُم مِنَّكُم.

يُوحَنَّا 20:29

يَسُوع قال ليهو: ”عَشان إنتَ شُفتَني، يا تُومَا، آمَنتَ؟ مُبارَكين النّاس الآمَنو و ما شافو.“

يُوحَنَّا 8:42

يَسُوع قال ليهُم: ”إذا كان الله أبوكُم، كُنتو تَحِبّوني، عَشان أنا مَرَقتَ و جيت مِن الله. أنا ما جيت مِن نَفسي، لَكِن هو رَسَّلني.

أعمال الرُّسُل 16:34

و أخَدُم لِبيتو و جاب ليهُم أكل. و إنبَسَط مَعَ كُلّو أهل بيتو عَشان كانو آمَنو بِالله.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

١ كُورِنْثُوس 16:22

إذا كان واحِد ما بِحِب الرَّب، خَليهو يَكون مَلعون. تَعال، يا رَبَّنا!

٢ كُورِنْثُوس 1:22

و خَتَّ الخِتِم عَلينا، و خَتَّ الرّوح بِتاعو في قُلوبنا زي عَربون.

٢ كُورِنْثُوس 12:4

و هو سِمِع كِلمات الما نَقدَر نِتكَلَّم بيها، و الزّول ما عِندو إذِن يتكَلَّم بيها.

٢ كُورِنْثُوس 4:18

عَلَشان كِدا ما نَعاين لِلحاجات النَقدَر نَشوفا، لَكِن لِلما نَشوفا. عَلَشان الحاجات البِنشوفا، لِهَسَّع بَس. لَكِن الحاجات الما بِنشوفا، لِلأبَد.

٢ كُورِنْثُوس 5:7

عَشان بِنعيش بِالإيمان، مُش بِالنَشوفو بِالعُيون.

٢ كُورِنْثُوس 9:15

و شُكراً لِلَّه عَلى هَديَّاتو الما نَقدَر نِتكَلَّم عَنّا.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

أفَسُس 3:19

و تَعرِفو مَحَبَّة المَسيح، الفوق المَعرِفَه، عَلَشان تَكونو مَليانين تَمام بِالله نَفسو.

أفَسُس 6:24

النِّعمَه مَعَ كُل البِحِبّو رَبَّنا يَسُوع المَسيح بِمَحَبَّه ما بِتموت.

فيلِبّي 1:25

و عَلَشان أنا مِتأكِّد في دا، أنا عارِف إنّي بَقعُد و أستَمِر مَعَ كُلُّكُم، عَشان تِتقَدَّمو و تَفرَحو في الإيمان.

فيلِبّي 3:3

عَشان نِحنا المُطَهَّرين النَّعبُد الله بِروح. و عِندَنا كِبِر في المَسيح يَسُوع، و ما نَتَّكِل عَلى الجِّسِم.

فيلِبّي 4:4

أفرَحو في الرَّب كُلّو وَكِت. و بَقول مَرَّه تانيَه، أفرَحو.

عِبرانيين 11:1

و الإيمان هو التّأكيد بِالحاجات العِندَنا رَجاء ليهُم، و بيّنَة الحاجات الما شُفناهُم.

عِبرانيين 11:27

بِالإيمان مُوسَى ساب مَصر، و ما كان خايِف مِن زَعل المَلِك. عَلَشان هو إتحَمَّل زي البِشوفو الما مُمكِن يَشوفو.

١ بُطْرُس 1:6

بِدا تَفرَحو، و لَو هَسَّع لازِم تَحزِنو لِوَكِت قَليل بِسَبَب تَجَارِب مِن كُلّو نوع.

١ بُطْرُس 2:7

ليكُم البِتآمِنو، هو المُحتِرَم. لَكِن لِلما بِآمِنو: ”الحَجَر الرَّفَضوهو البَنّايين، هو بِقى راس الرُّكُن.“

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.