١ بُطْرُس 1:5 - كِتاب العَهد الجَّديد مِن الكِتاب المُقَدَّس

⁵ إنتو البِقُوَّة الله مَحروسين بِالإيمان لِلخَلاص الجّاهِز هَسَّع، و البِظهَر في الزَّمَن الأخير.

١ بُطْرُس 1:5 Iomraidhean Croise

يُوحَنَّا 12:48

البِرفُضني و ما يَقبَل كَلامي، عِندو واحِد بِدينو. الكَلام الأنا إتكَلَّمتا، بِدينو في اليوم الأخير.

يُوحَنَّا 17:15

أنا ما بَسأل عَشان تاخُدُم مِن الدُّنيا، لَكِن عَشان تَحفَظُم مِن الشَّر.

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

رُومِيَه 11:20

طَيب. لَكِن قَطَعوهُم عَلَشان ما كانو عِندَهُم إيمان، و إنتَ بِالإيمان تَقوم. ما تَكون مِتكَبِّر لَكِن خاف.

رُومِيَه 8:18

أفتَكِر ما بَقدَر أقيس أتعاب الزَّمَن الحاضِر بِالمَجد الماشي يَظهَر لينا.

١ كُورِنْثُوس 1:21

عَشان إذا كان الدُّنيا، في حِكمَة الله، ما عِرِفَت الله بِالحِكمَه، إنبَسَط الله أن يَخَلِّص المؤمِنين بِبَلادَة البِشارَه.

٢ كُورِنْثُوس 1:24

نِحنا ما عِندَنا سُلطَه عَلى إيمانكُم. لَكِن بِنَشتَغِل مَعاكُم عَشان تَكونو مَبسوطين، عَلَشان إنتو ثابِتين في إيمانكُم.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

أفَسُس 2:8

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

أفَسُس 3:17

عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

فيلِبّي 1:6

و أنا مِتأكِّد في الحاجَه دي، إن هو الإبتَدا عَمَل كوَيس فيكُم، بِكَمِّلو لِغايَة يوم المَسيح يَسُوع.

فيلِبّي 4:7

و سَلام الله، الفوق كُلّو فَهم، بِحفَظ قُلوبكُم و أفكاركُم في المَسيح يَسُوع.

٢ تِيمُوثَاوُس 3:15

و مِن وَكِت إنتَ طِفل، كُنتَ تَعرِف الكُتُب المُقَدَّسَه البِتَقدَر تَديك فَهم لِلخَلاص بِالإيمان الفي المَسيح يَسُوع.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

عِبرانيين 6:12

و نِحنا ما عاوِزينكُم تَكونو كَسلانين، لَكِن تَعمِلو زي ديل البِالإيمان و الصَّبر الطَّويل يورَثو الوُعود.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

١ بُطْرُس 1:13

عَلَشان كِدا، جَهِّز عُقولكُم لِلعَمَل، أمسِكو نُفوسكُم، و خُتّو رَجاكُم بِالتَّمام في النِّعمَه البِجيبوها ليكُم عِند ظُهور يَسُوع المَسيح.

١ بُطْرُس 4:13

لَكِن أفرَحو، عَشان تَشتَرِكو في أتعاب المَسيح، حَتّى تَفرَحو في ظُهور مَجدو.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

٢ بُطْرُس 1:3

عَشان قُدرَة الله نَفسو أدّانا كُلّو حاجَه النَّحتاج ليها لِلحَياة و لِخوف الله. و لَمّا نَعرِفو، نِتعَلَّم إنّو نادانا لِمَجد نَفسو و خيرو.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،