١ بُطْرُس 1:3 - كِتاب العَهد الجَّديد مِن الكِتاب المُقَدَّس

³ مُبارَك الله أبو رَبَّنا يَسُوع المَسيح! حَسَب رَحمَتو الكَتيرَه هو أدّانا وِلادَه تانيَه لِرَجاء حَي بِقيامَة يَسُوع المَسيح مِن بين المَيِّتين.

١ بُطْرُس 1:3 Iomraidhean Croise

يُوحَنَّا 1:13

ديل هُم النّاس الكانو مَولودين، مُش بِدَم، و لا بِإرادَة جِسم، و لا مِن إرادَة راجِل، لَكِن مِن الله.

رُومِيَه 12:12

كونو فَرحانين في الرَّجاء، أصبُرو في التَّعب، إستَمِرّو في الصَّلاه.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

رُومِيَه 4:25

هُم سَلَّموهو لِلموت عَشان خَطايانا. و الله قَوَّمو عَشان نِتبَرَّر.

رُومِيَه 5:10

و وَكِت ما نِحنا كُنّا عُدوان الله، هو عَمَل سَلام مَعانا بِموت إبنو. و هَسَّع عَلَشان بِقينا مُصالِحين، كيف بِالأكتَر جِدّاً نِحنا بِنَخلَص بِحَياتو.

رُومِيَه 8:11

و إذا كان الرّوح، القَوَّم يَسُوع مِن بين المَيِّتين، ساكِن فيكُم، القَوَّم المَسيح مِن بين المَيِّتين بِدّي حَياة لِأجسامكُم البِموتو، بِروحو السّاكِن فيكُم.

رُومِيَه 8:24

عَشانّا بِالرَّجاء خَلَّصنا. لَكِن الرَّجاء النَقدَر نَشوفو، مُش رَجاء حَقيقي. مِنو يَنتَظِر لِلشّي الشّافو مِن قُبّال؟

١ كُورِنْثُوس 13:13

و هَسَّع يِستَمِرّو الإيمان و الرَّجاء و المَحَبَّه، التّلاتَه ديل. و لَكِن الأكبَر فيهُم المَحَبَّه.

١ كُورِنْثُوس 15:20

و لَكِن المَسيح بِالحَق قام مِن بين المَيِّتين، و بِقى الأوَّل القام مِن بين الراقِدين.

٢ كُورِنْثُوس 1:3

مُبارَك الله أبو رَبَّنا يَسُوع المَسيح، أبو كُلّو رَحمَه و إلَه كُلّو تَعزيَه.

غَلَاطِيَّه 6:16

السَّلام و الرَّحمَه عَلى كُل النّاس البِمشو بِحَسَب القانون دا، و عَلى إِسْرَائِيل الله.

أفَسُس 1:17

عَشان إلَه رَبَّنا يَسُوع المَسيح، أبو المَجد، يَدّيكُم روح الحِكمَه و رؤيا عَشان تَعرِفو مَعرِفَه كاملَه.

أفَسُس 1:3

مُبارَك الله أبو رَبَّنا يَسُوع المَسيح البارَكنا بِكُلّو بَرَكَه روحيَّه في المَحَلّات الفي السَّما في المَسيح.

أفَسُس 1:7

و فيهو عِندَنا الفِداء بِدَمّو، غُفران الخَطايا، بِحَسَب غِنى نِعمَتو.

أفَسُس 2:4

لَكِن الله، عَلَشان هو حَبّانا بِمَحَبَّه عَظيمَه و هو غَني في الرَّحمَه،

أفَسُس 3:20

و لِلبِقدَر يَعمِل فوق كُلّو حاجَه زِيادَه جِدّاً مِن كُلّو شي النَطلُب ولّا نَفتَكِر، بِحَسَب القُوَّه التَّشتَغِل فينا،

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

١ تَسَالُونِيكِي 4:13

لَكِن ما عاوِزينكُم تَكونو بِدون مَعرِفَه، يا أخوان، عَن الراقِدين، عَلَشان ما تَحزَنو زي التّانيين الما عِندَهُم رَجاء.

٢ تَسَالُونِيكِي 2:16

و رَبَّنا يَسُوع المَسيح نَفسو، و الله أبونا، الحَبّانا و أدّانا بِنِعمَتو شَجاعَه أبَديَّه و رَجاء كوَيس،

١ تِيمُوثَاوُس 1:14

و نِعمَة رَبَّنا زادَت كَتير خَلاص مَعَ الإيمان و المَحَبَّه الفي المَسيح يَسُوع.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

يَعْقُوب 1:18

مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

١ بُطْرُس 1:13

عَلَشان كِدا، جَهِّز عُقولكُم لِلعَمَل، أمسِكو نُفوسكُم، و خُتّو رَجاكُم بِالتَّمام في النِّعمَه البِجيبوها ليكُم عِند ظُهور يَسُوع المَسيح.

١ بُطْرُس 1:21

إنتو البيهو بِتآمِنو بِالله القَوَّمو مِن بين المَيِّتين و أدّاهو المَجد، و عَشان كِدا إيمانكُم و رَجاكُم هُم في الله.

١ بُطْرُس 1:23

عَشان إتوَلَدتو مَرَّه تانيَه، ما مِن تيراب يَخسَر، لَكِن مِن الما يَخسَر، بِكِلمَة الله الحَيَّه و المُستَمِرَّه.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

١ بُطْرُس 3:15

لَكِن قَدِّسو الرَّب المَسيح في قُلوبكُم. و كونو جاهِزين دايماً عَشان تَرُدّو عَلى كُلّو واحِد البِسألكُم عَن سَبَب الرَّجاء الفيكُم. و لَكِن أعمِلوهو بِوَداعَه و إحتِرام.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

١ بُطْرُس 3:5

و في الزَّمَن الفات، النِّسوان القِدّيسات الإتَّكَلو عَلى الله كانو يَسَوّو نُفوسُم جَميلات كِدا و طاعو رُجالُم،

١ يُوحَنَّا 2:29

إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

١ يُوحَنَّا 3:3

و كُلّو واحِد العِندو الرَّجاء دا فيهو، يَنَضِّف نَفسو زي ما هو نَضيف.

١ يُوحَنَّا 3:9

كُلّو واحِد المَولود مِن الله ما بيَعمِل خَطيَّه، عَشان حَياة الله تِستَمِر فيهو، و ما بِقدَر يَخطى، عَشان هو مَولود مِن الله.

١ يُوحَنَّا 4:7

يا مَحبوبين، خَلّونا نَحِب بَعَضَنا بَعض، عَشان المَحَبَّه هي مِن الله، و كُلّو واحِد البِحِب، هو مَولود مِن الله و بِعرِف الله.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

١ يُوحَنَّا 5:18

بِنَعرِف أن كُلّو واحِد مَولود مِن الله ما بِختى، لَكِن المَولود مِن الله يَحفَظ نَفسو، و الشَرِّير ما يَلمَسو.

١ يُوحَنَّا 5:4

عَشان كُلُّ واحِد مَولود مِن الله يَغلِب الدُّنيا. و دي هي الغَلَبَه التَّغلِب الدُّنيا، أيمانّا.